🌹هن القوارير🌹 (في طور التنزيل )

part121

👑👑 هن القوارير 👑👑
شمس الغريب

الجزء 121:

بحال شي فراشة كطل على المرضى من هنا وهنا حتى وصلات للمر لي كيكون عامر بالبوليس لقاتو خاوي ما فهمات والو بانت ليها ممرضة دايزة
زينة باستغراب: فين هداك المريض المهم لي كانو عاسين عليه البوليس
الممرضة: داوه البارح بالليل قالت ليا حورية هي لي كانت فالمناوبة البارح.. باينة شي شخصية مهمة.. جاو بزاف ديال البوليس واسعاف خاصة والروينة وداو معاهم حتى الدكتور الفلالي باش يبقى يعاينه
زينة: بشاااخ بشاااخ على الفلوس واش دير.. حتى اسمه ما كانش فالبيانات
الممرضة بحزن: ايييه بالحق حنا لي ضعنا
زينة بخوف: علاش؟
الممرضة: واا فين باقي غادي نشوفو التيتيز

ضرباتها زينة بالضحك ومشات تكمل المعاينة ديالها حلات إحدى الغرف وهي تحل فمها كان واقف بكل شموخ أمام النافذة كيطل على الفناء الخلفي للمصحة عرفاته من ظهره ويديه المفتولتين ووقفته لي مثل الجبل ما يهزها ريح
باقي ساهية قفزها بصوته الرجولي: تعطلتي
زينة بتلعثم: لا شداتني واحد الممرضة بالهضرة.. علاش واش مريض بزاف
دار وأشار بالسبابة على صدره مكان القلب نيشان: شوية.. عندك فضول على المريض لي كان فالغرفة فين مشا
زينة خوفتها نبرته: مشا لداره؟
خليفة: قريب نصيفطو ليها غير شوية لي بقا ليه ويمشي لداره الأبدية.. قربي!!
زادت خطوة وحدة حاسة وكأنها مع شي أسد شبعان وسط شي قفص وغير يجوع ينقض عليها داكشي علاش واخدة حذرها

خليفة: هداك الحيوان اليوم غادي يتشد هاد السنين لي بقات من حياته غادي يدوزها فالحبس.. باش يتعلم يقرب لبنات الناس.. ماشي الأمن ديال البلاد لي يغطي على حيوان بحاله.. وحتى دوك لي تسترو عليه عندهم نفس مساره (سكت شوية وهمس) ماشي خليفة لي يقربو ليه من خصوصياته
زينة ما فهمات والو: هاااه !؟!
قرب منها ومد يديه الكبيرة القاصحة الحرشة وجر بيها يديها الصغيرة الناعمة الرقيقة خلاها كتغزل بلاصتها مزيج بين الخوف الرهبة جل مشاعر الفزع
خليفة بحدة: عارفك ما مزوجة ما مخطوبة ما مرتبطة.. وهادي احسن حاجة ليك ولا لداك لي كان غادي يرتكب هاد الخطأ فحقي.. ولا كلامي غلط ؟
زينة شافت فيه وحركات راسها بالنفي
خليفة حرك صبعه قدام عينيها على شكل دائرة: اذن اعتابري نفسك محجوزة يعني مرتبطة مخطوبة ومزوجة

بلا ما تشعر سلتات يديها بقوة حتى حسات بيها تلوات هادشي وغير كان راخف عليها
زينة بمشاكسة: طبعا لا لا لا هي لا.. انا مستحيل نخرب زواج امرأة بحالي وندخل على حياتها.. انت عندك وليداتك ومراتك (بعدات شوية كتقرب للباب ومصطنعة الشجاعة) أنا ماشي حيت كنخاف منك غادي نقبل بهادشي لي كتقول
ديك المسافة لي كانت بعدات عليه بها فدقائق لحق عليها فثانية جرها وهو حاط يديه خلف ظهرها حتى تزدحات مع صدره
خليفة: فين هاد الأولاد هممم.. ولادي باقين ف (يالاه كان غادي يقولها قد راسه حبس نفسه فاخر لحظة) استغفر الله العظيم.. ولادي باقين عندي وما غايتحطو غير عندك نتي (حط صبعه على دماغها) ديري هادشي فبالك.. دخليه وسدي عليه حيت غيره ما كاينش.. مفاهمين؟ (لا رد منها الشيء لي خلاه يضغط على خصرها) مفاهمين؟
حركات راسها وعيونها مغرغرين
هزات عينيها بقوة: لا انا عشتووو عشتووو هنا فالمغرب مع باك وامك وخوتك بدرجة.. وملي مشيت تما عشته بدرجات.. كنت نتمنى الموت كل يوم حيت كنت صغيرة وبالنسبة ليا هاديك هي حياتي انا تخلاقيت باش لي كان يتعدى عليا
جدة أمين: دخلو داخل وهضرو غادي تشوهوني مع الجيران.. وكلت عليكم الله
نهيلة جرات أمين من قرفادته قدامها: ما يشرفنيش اا الحاجة غير سمحي ليا ندخل للدار لي تزاد وكبر فيها أكبر كابوس فحياتي
وصلات وسط الدرب الناس كطل وكاين لي خرج هو قدام الباب gاع باش يسمع أكثر ووقفات بكل شموخ وحدة كأنها ماشي هي لي داز عليها داكشي كله
نهيلة شيرات للجدة: نحيد واحد الكلام على رقبتي.. هاد السيدة عمرها اداتني ولا عاوناتني.. هي من ديما كانت متبرية من ولدها.. كلمة السوء فحقها حشومة وعيب.. كون دارت ليا شي حاجة وضراتني والله ما كنت نسامحها ونخليها تعيش الحرية على ظهر عذابي انا.. وحتى الفلوس لي خدا ولدها فتعاستي وعذابي هي ما خدات منهم حتى فرنك وانا عارفة اش كنقول.. هاد السيدة من ديما عايشة بفلوس خدمة راجلها المرحوم والسلام عليكم