🌹هن القوارير🌹 (في طور التنزيل )

part57

👑👑 هن القوارير 👑👑
شمس الغريب

الجزء57:

جلسات حداه كضغط على راسها باغيا تسمع هاد المرة باغيا من كل قلبها فرصة مع هاد الراجل لي عطاه لها ربي من بعد العيشة ديال الويل لي كانت صابرة عليها على بالها هداك هو الزواج

جلال: ضيااااء اا ضياء وما درتي فيا.. المهم ا لالة هادشي لي غادي نقول ليك عمر شي حد سمعه مني حتى خويا أقرب واعز واحد عندي فالدنيا ما فراسوش.. فاش كنت كنصيفط لهناء دوك الفلوس باش تقرى باش تعيش مزيان باش ما تحس بحتى واحد احسن منها.. كنت نقول تلبس هي ونصبر انا.. تشبع هي ونجوع انا مسبقها على راسي حيت مسؤوليتي.. هي فالمقابل اش كانت دايرة كانت.. ما عرفتش كيفاش نقولها كانت تشرب وتكمي وتحشش وتفسد (طرطقات ضياء عينيها مصدومة) نهار حصلها خويا حصل عليها غير الكمية جيت بلا ما نعلمها وتصدمت البنت ضااااعت اا ضياء لمت راسي انا حيت كنت كنحسب راسي الاب والأم ليها ما بغيتهاش ضيع حيت انا براسي انجريت واحد الوقت لديك الطريق جاب الله خويا كان معايا.. حتى العساس لي كنت كل مرة نسولو كيقول ليا داكشي لي محفضاه حيت كدور معاه

ضياء ما عرفاتش توصف احساسها بقا فيها حيت حسات بيه تعرض لخيبة امل: واجهتيها؟

ضحك: يا ريت اا ضياء.. يا ريتني ما طلعتش باش نواجهها.. شفت آخر حاجة نتوقعها منها الفساد فديك لاباغطومون.. هي وشي واحد باقي غير برهوش.. شافتني وشفتها فديك الحالة والشراب ريحته كتكوخ الحشيش ما نقولكش.. هبطت نيشان شنقت على العساس لي قال ليا أخبار صادمة وبلي هداك شي ولد هو لي مطولة معاه كيكون معها بزاف كضبر عليه أما راه كاين الأشكال والألوان

شدات ضياء على فمها مصدومة: مشيت وقررت عمري مزال نسوق لها كتصوني وما نجاوبش داز شي عامين تقريبا واحد نهار لقيت ميساج منها ديك الساعة كنت تلاقيت عماد كنت خدام مزيان واخا باقي كنقرا.. لقيت ميساج منها كطلب النجدة بهاد العبارة.. ما جيتش للمغرب على قبلها كنت جيت على قبل المشروع مع أب عماد يالاه كنا غادي نتناقشو فيه.. قالت ليا راني ضعت بالمعقول حاملة من شي امراتي ولا ما نعرف.. وما بغاتش ولدها يضيع بغات تبدل حياتها بغات غي نسب لولدها ولا غادي تحطو فالخيرية 

ضياء كتبكي: بقا فيك؟

جلال: كانت فواحد الحالة تبكي الحجر ولكن انا شفت داك الوليد ولا البنيتة غادي يمشيو الخيرية وغادي تكون حياتهم نسخة على ديالها.. قررت نتزوجها ونعطي النسب للبيبي وكنت مطول هنا على قبل المشروع.. هي فين تخداو دوك الصور كنت كنحاول نتقبل حياتي معها ما كان لا حب لا والو كنت باغي داك البيبي يعيش مزيان وصافي

ضياء: كنتو ساكنين بجوج؟ علاش تفارقتو؟
جلال: ملي جيت كنت كريت ليها اباغطومون ثاني صغيرة وكنت ما مخليها مخصوصة من والو انا كنت ساكن مع خويا فالأول من بعد كريت حتى انا بوحدي.. علاش تفارقنا.. ما كانتش صادقة اا ضياء رجعات لقات دار والماكلة وكلشي فابور ورجعات أو يمكن ما تقطعاتش اصلا علاقاتها رجعات لحالتها.. وملي سقت الخبار جيت عندها صافي باش تاخد قرار واحد.. يا تشد طريق يا تضبر لمحاينها تسربات عليا السبان.. انت اصلا عيشتني فالفقر والجوع وكتمن عليا.. المهم أي كلام جارح يطيح لك على البال قالته ليا.. رجعت انا لي ما نسواش.. لقيتها موجدة وراقها والباسبورت وداك العجب غادي تمشي للإمارات من بعدما عاود تلاقات بداك خينا ومشات معاه.. ما بقيتش عرفت قصتها من بعد ولا اش وقع لها حتى قولتي ليا الصور ما الصور.. وعلاش دوك الصور عرفتهم بلي ديالها.. حيت عمري تصورت مع شي بنت المرأة من غير دوك الصور لي تخداو كلهم فنفس اليوم كانت طلبات مني باش نديها تقضى وديتها خدات لي بغات وخدات التيلي كتصور.. داكشي باش راه تصاور كانو فالمول.. إلا ديك (ما بغاش يقول ديال البوسة) هي لي كانت فالباب ديال الدار ملي وصلتها فالطموبيل وراه كانو لي صاشي اللور