🌹هن القوارير🌹 (في طور التنزيل )

part115

👑👑 هن القوارير 👑👑
شمس الغريب

الجزء 115

حطها الطاكسي وبقا واقف بأمر منه حتى دخلات عاد تحرك رجعو منين هزو وهو تحرك من تما لمقر عمله لي ما عارفو حتى واحد من غير لي بحاله كيف وصل السلام كيتعطاه من كل جهة ومجيته ما كانتش على البال لأنه هو عنده راحة طلب انه يشوف رئيسه فالعمل وغير سمع اسمه أمر باش يخليوه يدخل عطا السلام بكل احترام وكبرياء فوقت واحد وطلب منه رئيسه انه يجلس

الرئيس: خليفة انت فعطلة لا؟
خليفة بكل جدية: شكون خلاك تبقى فعطلة
الرئيس: السبب؟
وقف وكأنه فمكتبه حتى تدق الباب هو لي أعطى الاذن بالدخول وخدا ملف طلب باش يلقاه واجد من بعد ما ارسل ليهم المعلومات وكلشي من تما خداه وحطه أمام رئيسه
خليفة: هاد الحيوان.. دار شحال من جريمة وبقا ديما مخبي تحت منصبه وزاد ترقى هو gااع واش هادشي معقول؟
الرئيس ما شافش الملف ككل قرأ غير أنه تسرح: كنظن راه تعاقب تم تسريحه بدون شرف
خليفة: الشرف هو لي ما كانش فاش هاد الحيوان ما تعاقبش بالمؤبد ولا الإعدام.. شوف شووف بعدا الملف دياله وشوف واش غير السراح لي كان خصو وسحب المهنة شووف

رئيس خليفة غير بدا كيقرا فداك الملف وفالتسترات لي كانت على هاد الشخص تصدم من كمية خبث شخص بيناتهم على أساس أنه رجل أمن.. طبعا هو ماشي معاهم أو نفس الصف أو التصنيف.. لكن كيبقاو كلهم مجموعين فأسرة الأمن سواء بوليسي جدارمي مخابراتي عميل قوات ملكية مسلحة عسكري.... كلهم أسرة الأمن والأمان فالبلاد ووجود حيوان بحال هذا بيناتهم والحيوانات لي تسترو عليه هادي بحد ذاتها جريمة فحق الأسرة الأمنية.. الرئيس ديك الساعة دور التيلي وطالب بملفات شاملة على مجموعة من الأسماء لي كانت فملف الحسين أما هو ملفه الشامل كان جمعه خليفة قبل

الرئيس: منين جبتي هاد الخبار.. آخر كارثة داز عليها دبا قرابة 10 سنوات
خليفة: ولكن تسريحه ما كان حتى للاواخر
رجع الرئيس بعينيه ولقا سبب تسريحه معاذ الادريسي وضحية من ضحاياه بمحاولة الاغتصاب زينة الادريسي وبما أنه رئيس خليفة يكفي نشوفو خليفة ونعرفو رئيسه كيف داير.. قدر يوصل لأنه الممرضة لي كان منغص عليها خليفة حتى هي بنفس الاسم زينة الادريسي قدر يستنتج ولكن بشكوك
الرئيس: ما تكلفش بهاد المسألة بما انها دخلات وولات من خصوصياتك
هز فيه خليفة عينيه بنفس الحدة: اشمن خصوصية اعتبر أنها اعتذار مني على تصرفاتي الغير اللائقة مع البنت.. خصوصا وإني ما كنعرفش نعتاذر

رئيسه عارف انه ماشي خليفة لي يخاف من أي شيء كما بغا يكون بقاو غير مشاعره اكيد لا اذن المسألة هي اعتذار وانتهى الموضوع أما إلى ما كانش اعتذار فاكيد حرب أهلية غادي تنوض ليه فالمقر وبمجرد التفكير فيها دقات ودخلات
وصلها للدار ديالهم وعلمه نفس الشخص باتصال انه وصلها وهو خبر الأم دياله لي واقفة عليه بحال العسكري مشات حلات ليها الباب وعاود طرقوه باتفاق منهم يقدر يمشي وهو متبعهم بعينيه وكيضحك على راسه مسجون وهو تحت قبضة أغلى 2 ديال النساء لي فحياته تبعها بعينيه داخلة ببيجامتها وشعرها ذيل حصان كيلعب فوق داك البينوار ومعنقاها أمه جنب حتى جلسو مقابلين ليه بنفس وضعيتهم