🌹هن القوارير🌹 (في طور التنزيل )

part107

👑👑 هن القوارير 👑👑
شمس الغريب

الجزء 107:

مشا قدام مرايتها هز قرعة ديال الريحة خشاهالها فنيوفها حتى بدأت كتكح ولكن عينيها  ما حلاتهمش بقات هكاك كتنادي باسمه بالحق مغيبة ما خلا ما دار ومن نيته مخلوع عليها وهي غير كينوض من حداها كتحل عين وحدة وتبقى متبعاه علاش ناوي وملي يبان ليها راجع تتسد عينيها ثاني كان شيئا لم يكن
نوح قرب كيقلب حرارتها لقاها عادية وفلحظة بانو ليه رموشها كيتهزهزو عاق بيها رغم أنه معصب وما كيقشعش وباغي غير ايمتا يخرج يمشي لنيكول يوريها وجهه الحقيقي لي ما عمر الفرصة سنحات ليها باش تشوفو.. جر الكرسي ديالها علاش كتجلس أمام مرايتها وجلس عليه حاط يديه على ركابيه وقطع الحس.. حلات هي عين وحدة بترقب باش تعرفو فين حتى بان لها حداها وهنا عرفات راسها حصلات

نوح ببرودة مرة أخرى مخيفة: يالاه اا عايدة نوضي حلي الباب.. بان ليا عجبك هاد اللعب معايا.. بالحق أنا ماشي فمزاجه
نزلو دموعها هاد المرة حقيقية: نوووح انا خايفة بزاااف الله يخليك ما تمشي فين
قرب منها كيمرر يديه على شعرها ويسمح دموعها وعينيه كتقلب وسط عينيها: مناش خايفة؟
عايدة شدات يديه بيديها بجوج: خايفة عليك.. خايفة تدير شي حاجة ماشي هي هاديك فوحدة ما تستاهلش.. انا ما كنتش باغياك تعرف
نوح ما منعش هاد المرة راسه باش يوزع قبل على وجهها باستثناء شفايفها عارف إلى بدا ما غاديش يقدر يحبس راسه ابدا

بعد بصعوبة: ااا عايدة واش أنا فنظرك كنت عارف غادي نلقا هاد الصدمة كلها فالتليفون ديالك.. انا كنت كنقول غير باغيا تخليها تغار أكثر ماهي غايرة.. جاي غير باش نحيد ليك داك الاكونت كنت خايف عليك لا تعيق وتقدم ضدك شكوى وطبعا لأنه فبلادهم القانون ديالهم ما غايرحمكش ما عرفتش بلي راه نتي كتكشفي الحقائق لي مزورة فحياتي

باقي كتحسس أصابعه لي كيمررهم على وجهها: أنا ما كنتش باغياك تعرف هكا.. انا كنت باغيا نخلي شخص آخر هو لي يتأكد من شكوكه.. داك زاك ونخليه هو يبقى مبرزطها حتى يتفضحو غير راسهم.. حيت داك زاك راه كيبغيها
كان كيلعب بخصلات شعرها بين يديه غير سمع كلامها ما حس حتى جرها منه وهي غوتات وجرات شعرها مخنزرة فيه
عايدة مغوبشة كتبرد فراسها: وااش حماقيتي؟
نوح قرب وجهه عندها وعينيه وسط عينيها: باااش عرفتي نتي؟ ممم هضري خلاص
عايدة عقدات حواجبها وكتفتف: واا ماشي انا لي عرفت.. دبا من بعد داك نهار ديال البواط عيطات عليا نيفين.. كطلب السماحة وكتبرر تصرفها وانا باش نقدر نعاونها طلبت منها تعاوني وهي لي هضرات معه.. بلاتي نجيب التيلي ديالي وتسمع

خلاها ناضت وهو متبع ظهرها كيفاش ولات كتامر وتدير حتى هي الخطط باش تكشف الأسرار تبسم وسط غضبه لي ما قدرات تكبح فيه والو هو غير كيبين ليها انه هادئ ولكن ما خفي كان أعظم جابت التيلي وسمع التسجيل هضرة زاك ونيكول متطابقة الفرق انه زاك غير شاك فإنه آب الجنين ونيكول متأكدة
كانت معصبة لأقصى درجة هي اصلا الشوفة فيه كتفكرها فماضيها الأليم وهو فاش كيهضر كيخليها تحس انه ورث منهم انعدام الإنسانية والرحمة لا من الأب ولا الأم.. كيفاش يقدر يطلب منها ببساطة انها تغفر وتسامح لناس خلاوها تعيش فجهنم فالدنيا وهما يعيشو الرفاهية بالفلوس باش باعوها وفششوه هو على الآخر باغيها تسامحهم حيت الوقت لي هو عايش الرفاهية بفلوس بيعها هي كانت كتعرض لابشع واسوء الاعتداءات.. طبعا هو ما غايحسش بيها حيت ما جربش ديك العيشة