🌹هن القوارير🌹 (في طور التنزيل )

part12

👑👑 هن القوارير 👑👑
شمس الغريب

الجزء 12:

رجعات تخشات بين عائلتها لي عرفو من حالتها بلي بها شي حاجة ولكن ملي ما بغاتش تهضر خلاوها على راحتها من غير أمها لي حاسة بيها وكطبطب عليها وتعنقها وتبوسها
نعمة وقفات: أنا نصوني ل امجيد نقولو يخليني نبات ملي كاينة ضياء
نجاة بدورها جبدات تيلي ديالها: حتى شرف إلى عرف ضياء هنا يبغي يجي يبقى معها
فاطمة: راه هو لي جابها اا بنتي.. ربي صونيو على رحيمة شوفو كيف حالها
راحة جبدات تيليفونها حتى هي: أنا نصوني عليها فيديو gاع
رجعات نعمة جلسات: ها هو غادي يجيب ليا بلال كان معه اليوم داه يشوف عمه
راحة بغات تنوض: ايوة نوض نديرو شي حاجة للعشاء ندير المدفونة اا ماما
جراتها نجاة: جلسي راه شرف غايجيب معاه العشا من برا ملي يجيب الدراري من لا صال ويجي
فاطمة: ايوة ديرو غير اتاي نجمعو عليه على ما يتجمعو الرجال

هداك ما كان عمرات راحة اتاي شوية حتى دخلات رحيمة كتكحش بكريشتها وحكم من وراها هاز ليها الصاك الصغير لي دات فالصباح خرجو عينيهم وناضو مستقبلينها فرحانين ومستغربين فنفس الوقت

نعمة خرجات عينيها: اويلي تي مشيتي غير الصباح ورجعتي
رحيمة شيرات لراحة: تصونيو عليا تقليو ليا السم نتوما مجموعين وانا بوحدي لهيه
حكم حك شعره: يالاه خرجت من جامع حتى صونات عليا مالك اجي جيبني ضياء تما وانا هنا كنقول لها راه ضياء كلمتها لراجلها مشات كتقول ليا لا بايتة
نجاة شافت فراحة: الجزيرة كلها هنا وبغيتيها ما تسيقش الخبار
ضحكو كاملين وكملو عليها ملي صونا التيلي وقفزات حشمات قدام حكم ما ناضت حتى قالها سيري جاوبيه لا يجي يبيتنا كاملين فالسيلون

دوزات ليلتها ناشطة مع خوتها غير من برا أما قلبها شاعلة فيه العافية وجوج لي حاسين بيها فقط أمها لي كل مرة طبطب عليها وشرف لي غير سمع لراسه كل مرة كيشوف فيها كيضرو قلبو عليها ويندم راسه
راحة: كون غير زدتي معانا غدا اا ضياء تمشي معايا لعند مول التوب
ع.الله: خلي عليك أختك ما نعيقوش على راجلها وتحرجيها معه
ضرهم قلبهم داك الثلاثي لدرجة شرف فرتك جقلة وتحجج بالفياق للخدمة لاغد ليه هزو ولادهم ومشاو لدارهم لي جات على الشارع غير قريبة حتى هي أما امجيد مشا بحاله مخلي مراته وولده بلال فدارهم مع خواتاتها طلعو الكل لبيوتهم ديال النعاس

والبنات قررو يباتو مع بعضياتهم كيف زمان خواتات بيناتهم وضياء بقا تفكير يجيبها وآخر يديها حتى قررات تخوي شوية ثاني ناغزها قلبها ومضيق عليها حتى

راحة: عرفتي يا ضياء ....
باغيا تهضر ونعمة كتغمز فيها ولكن قشعاتها ضياء: مالك كتغمزي فيها خليها تقول
قلبات عينيها ليها ونعمة غطات بلال وباست جبينه وبهدوء: برااافو برااافو بغيت غير شي نهار تخلي الهضرة ففمك
هزات كتافها وشافت فضياء: عرفتي اش قال ليا معاذ (حركات ليها راسها) قال ليا بلي صابرين يا ختي تسلطت عليه شي أيام ودبا عاود تسلطت عليه
قرنات حواجبها ضياء: شكون صابرين (شدات على فمها بصدمة) أخت عبد الخالق
راحة غوبشات: غير حشمت جاتني أخت راجلك أما نمشي نتفها اويلي عيقات واختها ديك لي مزوجة حدا الوزينات زايدة لها فيه حقا ما حقا جايبين ليه الفطور للكوميسارية داوه ليها حتى هي ملي كانت عروسة
شيرات عليها نعمة بتقاشر حداها مجموعين: كوني تحشمي
راحة: مالي كدبت دوزتها ليهم غير خفت على ضياء أما نمشي ندوش ليهم بديك القهوة
صغرات فيها ضياء عينيها: ونتي فين شفتيهم؟
قلبات عينيها: عيط على بابا قاليه باش نمشي لعنده ندي ليه شي وراق طالبينهم ليه فالخدمة على قبل العقد ملي شفتهم خارجين من المكتب دياله تصدمت تخبيت حتى مشاو ومشيت دخلت عليه وعاود ليا كلشي
ضياء كانت كتكردد من الداخل كيحطوها فمواقف خايبة وكيزيدو يهضرو فيها وفخواتاتها ما قالو حتى شي حد
ضياء: اش قال لك
راحة هزهزات راسها: اش ما قالش .. يا نتي البنت كانت كتمشي لعنده للكوميسارية شي مرات حرش عليها شي بوليس هددوها يهبطوها تبرد عاد غبرات كمارتها وولات تجي اختها ومشاو حتى ل خالتي راضية ها مسمن صايباته صابرين ها بغرير ها .....
نعمة: جاب ليهم الله خدامة بلا عوين
راحة: قال ليا داكشي كانو غير كيحطوه ل مالين الخبز يا ربي تسمح ليهم كان خايف تكون فيه شي حاجة
نعمة: ايوة دبا ملي عرفوه تزوج
هزات يديها: عاد ما زادو هبلو (ضربات على فخضها) علاه ماشي خطبها خو مرات عزالدين وما بغاتش؟
ضياء حاسة براسها بحال الى كيهضرو على شي ناس آخرين ونعمة حتى هي مستغربة: اويلي مرت خوها
راحة براحة: واييه ايوة وما بغاتش قالت ليك ما بغاتش تسكن مع نسابها
نعمة: وياك مرت عزالدين عايشة معاهم
راحة: وا ها نتي تشوفي المنكر
قلبات نعمة عينيها لضياء: مالكي ساكتة
بحال الى كان خاصها غير داك السؤال طرطقات بالبكاء حتى خلعاتهم طارو جنبها وجلسات تعاود ليهم على حالتها ملي تزوجات وعلى شحال من حاجة كتصبر عليها

               💣💣💣💣💣 توقاعتكم وآرائكم 💣💣💣💣💣

كيجاوكم هاد للناس ؟!؟