🌹هن القوارير🌹 (في طور التنزيل )

part135

👑👑 هن القوارير 👑👑
شمس الغريب

الجزء 135:

كان محني على شي أوراق كيشوفهم وسط الطموبيل هز عينيه ملي كيحس بالطموبيلات كيخفضو السرعة والكلاكصون على جهد هز راسه حتى خرج عينيه كان كيتسائل على السبب واش شي براج ولا اش حتى كيلقى ست الحسن والجمال واقفة بديك اللبسة الفاتنة ومع الجري الحنيكات حمارو وطلعو الفوق والفم تحلفي عليها معكراه وعينيها كدورهم بحثا عنه ما حس غير وهو حال داك الباب بلا ما يسدو وتوجه لعندها قبل لا دور لديك الجهة حسات براسها تجرات خافت فالأول لا يكون شي اختطاف ثاني غير بان ليها ظهره والمشية عرفاتو صاحب دعوتها حل ليها الباب طلعها ودار لجهته وقلع من تما ما وقف حتى لواحد الغابة ما فيها والو لا طائر يطير ولا وحش يسير كتحسي بالخوف منها كثيفة وخاوية باينة واش ما كيجي ليها حد
غير حبس الطموبيل وسطها مدات هي يديها للقفل سداتها اللهم هو ولا يجي شي حد يجرها من تما خليفة كيحل وهي ترجع تسد ودور عينيها على المكان

حل خليفة بتهديد: غاترصاي لا؟
زينة بدات كتغبن: علاش غا تخليها محلولة علينا؟ هكا مزيان الله يخليك (رجعات سدات)
خليفة شير ليها لداخل الغابة: حيت غادي ندخلو
غوتات لربي لي خلقها: واااااع لا لا علاش أودي ندخلو خلينا غير هنا (حلات القفل) ها أنا حليت غير خلينا هنا عفاك
معا من هي هز السوارت وهبط ودار واخا سدات حل هو من برا وحل عليها الباب ماد ليها يديه وباينة عليه معصب غير كيضبط راسه
خليفة: طلقيني خلاص!
مدات يديها برعب وعينيها كيدورو على المكان حتى تعكلات جاب الله هو حاكمها خبط داك الباب وسد بالساروت وهو غادي داخل وهي تخشات فيه بلا شعور حيد يديه من يديها ودورها على خصرها وهي مزال كتقلب اش تشد بديك اليد تبرد توترها حطاتها على صدره شوية كرشو قرباتها من جيبه حس بيها غادي دير شي مصيبة ومد ليها يديه الثانية قبل لا تشد فشي بلاصة لي تخليهم بجوج فخطر

وسط الأشجار كتسمع غير زقزقة العصافير وصوت خشخشة الأعشاب علاش كيتمشاو حتى وصلو لواحد البلاصة ما فيهاش الأشجار وسط الغابة وفيها كوخ صغير لكن كيبان انه عنده اهتمام خاص وجنبه كاين بير والأشجار مشكلين عليه دائرة هو مركزها وماشي بعيد عليه بزاف كيبان وسط أشجار اخرين بحال شي دويوير صغير
حسات بدفء المكان وما بقاش الخوف طلقات منه وبقات غادية وكدور كلها تشوف ديك الدائرة لي مشكلينها الأشجار وقربات من البئر طلات عليه وهو غير متبعها بان ليها غادي للكوخ وكيجبد السوارت باش يحل وهي تبعو بفضول
نسات راسها وبلي كتخاف منه: واش ديالك ممم؟
لا جواب حل الباب وترعو باش تدخل وحتى هي فضولها قاتلها دخلات وحلات فمها مرتب ونظيف بفراش بسيط وانيق داير بحال شي تصغير ديال بيت الاحلام ودافئ خليفة سد الباب وحل الشراجم لي كاينين فكل جهة حيد الستائر وخلى هواء الغابة يدخل مشا لواحد الفوتوي ضغط على الجنب دياله وهو يتسرح على شكل سرير تمدد فيه وما غافلش عليها هي لي كتكتاشف كل بلاصة لأنه الكوخ غير صغير ومحلول كله كاين جوج بيبان فيه منين دخلو والباب الآخر ملي حلاتو لقاتها الطواليط أعزكم الله
كان عندها كونطرول مع الطبيبة وبسبب جلال تعطلو عليه ولكن ماشي مشكل من بعد الحمام ديالهم بجوج خرجو نيشان اتجاه الطبيبة ومن تما يمشيو حتى هما يتغداو
ملامح الطبيبة من بعد الفحص لي دارت ليها والتحاليل لي طلبات ديك الساعة كانت بحال الصدمة ليهم بجوج لا جلال ولا ضياء احسو بالخطر والخوف والطبيبة هي الأخرى ما كانتش مرتاحة وباين واش شي حاجة ما هياش كاينة
ضياء حابسة البكية: دكتورة واش كاين شي مشكل؟
الطبيبة حيدات نظاراتها الطبية وحطاتها فوق المكتب والتحاليل بين يديها كتشوف فيهم بأسف هي براسها بقا فيها الحال فما بالك بهم هما
ضياء نزلو دموعها: والله الى درت داكشي لي قلتي ليا كامل.. وواخا كانو بزاف ديال الأحداث صعاب وقعو حاولت نكون قوية