🌹هن القوارير🌹 (في طور التنزيل )

part130

👑👑 هن القوارير 👑👑
شمس الغريب

الجزء 130:

هابط من بيته حاس بالخنقة كان فرحان لانسجام أمه والبنت لي بغا قلبه ولكن تصدم بهاد التغير المفاجئ لي ما عرف منين تسلط عليه.. بانو ليه جالسين فالصالون هي والأب دياله دخل سلم عليهم وجلس كيتفرج فنجاح مشروعها الأخير كلشي كيهضر عليه.. سيدة صغيرة دخلات مجال المعمار وخدات مشروع كبير كملاتو فالوقت المحدد ولي كان وجيز وشبه مستحيل وباتقان كبير
آب نوح ما فراسو ما يتعاود: اا تبارك الله على عايدة كلشي كيهضر عليها
نوح حرك راسه بالتأكيد: وتعدبات على هاد المشروع بزاف.. الحمد لله كانت نتيجة زوينة بزاف.. خدات جوج مشاريع كبار فالحفل لي تدار
آب نوح: ما شاء الله تبارك الله.. وراه جا العربي قالو ليا
نوح كان هضر مع عماد وفراسو غادي يجيو بالحق الوقت ما عرفش بالضبط.. فيقاته أمه لي كتهمهم غير بوحدها ما عاجبها حال

آب نوح: اا ماالك اا الحاجة؟
أم نوح تقول كانت تتسنى غير داك السؤال: أنا اا الحاج صافي عييت عييت.. عندي ولد واحد هو لي عطاني سيدي ربي ما غاديش نبقى كل مرة نشوفو كيدخل لحياته بنات ما يستاهلوهش.. وانت ولا على بالك.. واش هذا ولدي بوحدي؟ أنا لي تضربني النفس عليه بوحدي؟ واا قول يالاه
دخلاته نيشان ما قشبل والو: مال هاد ولدك راه بخير وعلى خير.. واش الولد كبير وبعقله نتدخل ليه انا فحياته.. الله يهديك اا هاد المرأة الله يهديك
وقفات معصبة: أنا راه ما نقبلش بوحدة ما بغاتش ولدي زمان وعاد حلالها دبا.. وحتى هو باش عرفتو انا بصح باغيها ولا غير باغي ينسي الغصة بالغصة

خرجات من الصالون ولكن لي فيها ما هناها رجعات للقنت تتصنط اش غادي يقولو عارفاهم غادي يتسارو بيناتهم دبا
آب نوح: نووح شرح ليا اا ولدي ما فهمت والو.. واش بينك وبين عايدة شي حاجة فالماضي وعاود حيات دبا ولا كيفاش
حرك نوح راسه وبدا فسرد القصة بلا تفاصيل ووضح للاب دياله الحقائق بلا ما يجبد الأسماء ووضح غير بعض المسائل
آب نوح: واش اا ولدي بصح كتبغي هاد البنت؟ أما هي راه ما نحكمش عليها فسن 16 و17 وحتى 18.. هاد البنت لي كنشوف دبا تبارك الله بعقلها والاكيد أنها كتبغيك
نوح تنهد وقلب عينيه للتلفزيون متلف بيها الوقت أما باه ناض يقلب على مراته راسها قاصح بالحق إلى دار هو وولده شي حاجة فراسهم كينفدوها بالحق ما يبغيوهاش تتصرف شي تصرف خايب مع البنت نيكول راه ما كانتش تفهم فالسبان لي كانت تغرق ليها بيه

هي غير بان ليها خارج جرات حتى كانت غا تشقلب جلسات فواحد الجليسة غير قريبة حتى وقف عليها جلس جنبها طبطب على كتفها
آب نوح: اا الله يهديك يا هاد المرأة.. وا نتي كتقوليها بفمك.. عندك غير ولد واحد فوقما بغا يشوف حياته تنكديها عليه.. نقولو المرة الأولى غلط ايوة دبا.. دخلنا عليك بالله اش غير حالك وقلبك على البنت.. شي تقويسة هادي كنتي تباني نتي وياها كيف الأم وبنتها هممم ايوة اش تبدل
بلا ما تشعر نزلو دموعها وتلعثمت: رفضات ولدي اا الحاج عاد بغاتو.. وإلى غلط ثاني يبقا ولدي أنا غير يتعذب
ما خرجو حتى بكاوها ماشي بكات حيت غا تفرق معاهم ولا غاتوحشهم بكاوها حيت هما عائلتها القراب أمها وخوتها الأشقاء وعزو فيها الفرحة وجاهم سعدها كثير عليها هادشي خلاها تخنق وتبغي تهبل ولكن اش عندها دير هذا مكتوبها بان ليها التليفون كيصوني هزاتو وناضت سدات الباب وحاولت أنها تسكت
زهور: الو عتيق
واخا عيات تخبي ولكن ماشي معاه هادشي: علاش كتبكي غير قولي ليا.. والله والله كون ما نتي حتى كنت حتى العرس ندير والديه اليوم وما باقيش يشوف وجهك
هو حكم غير على خوها ما عارفش بلي راه ما خفي كان أعظم راه أمها وباقي خوتها كاملين ما حاملينش زواجها وتجي فوقهم وتقلز ما تصرطاتش ليهم وحتى كون ما زربش على داك العقد كانو يقلبو وجههم فالبلاصة