🌹هن القوارير🌹 (في طور التنزيل )

part95

👑👑 هن القوارير 👑👑
شمس الغريب

الجزء 95:

صوت بحال القرطاس أو القنبلة تسمع خلاها تهرب لحضنه وهو ضحك عليها عاود حلات عينيها حتى بانو ليها اجزاء النفاخة طايرين ضرباته لصدره بمزاح وقربات من الطبلة حتى كتلمح احسن ما ممكن تشوف عينيها خاتم قمة فالروعة كان مثبت على الطاولة وداير بديك النفاخة لي كانت على شكل قالب حلوى
قرب عماد ببطء وشد يديها بين يديه طلعهم لمستواه وطبع عليهم قبلة فكل وحدة مطول وواخد راحته خلى القشعريرة تسرى فذاتها وهز الخاتم حطه فصبعها وقرب يديها من عينيه وعاود هبطها باس البلاصة لي فيها الخاتم بكل جنتلمانية وهي غير متبعاه وكتبتاسم بحب مكنون غير ليه

عماد: ما طلبتش موافقتك حيت ما بقيتش قادر نصبر.. حطيت الخاتم فيد البنت لي ما نقدرش نشوف حياتي بلا بيها.. وحتى إلى سمعت الرفض منك ما غاديش نتيق بلي نتي لي نطقتيه
ضحكات وسط هاد الرومانسية كاملة: وشكون يكون نطقو
عماد مسايرها: إلى كان جن نجيبو ليه الراقي.. إلى نتي نعطيوك العصا إلى شي حد رغمك نصفيها لباباه
نهيلة: مستحييييل تسمع مني هاد الكلمة.. عييت من الانتظار وما بقيتش قادرة نصبر على فراقك اا عماد.. انت احسن حاجة وقعات ليا فحياتي
جرها لحضنه معنقها: كنواعدك هادشي لي بقا من حياتك تعيشيه كله سعادة.. وندير ما فجهدي باش تنساي الماضي
نهيلة بتاكيد: وأنا معاك كنسا اسمي وراسي اا عماد

كلامهم كانت ناقصاه حاجة وحدة تلخص لي تقال ولي باغي يتقال وهي قبلة عميقة حنونة معبرة خلاتهم ينتاقلو من عالم الكلام إلى التعبير فعلا نساها راسها ونسا راسه معها ربع ساعة وهما فديك القبلة العميقة المعمقة.. من وراها نيشان جلسو يتعشاو بلغة العيون ورومانسية وكلني نوكلك حتى كملو وهزات يديها كتامل الخاتم لي خدا لها العقل كله
نهيلة بطنز: واا انا دبا اشتهيت ديك الكيك
عماد وقف وخدا يديها موقفها معاه: عرفتك غا تقوليها غادي ناكلوها ولكن تما

شير ليها للجلسة ديال المخاد وهز أكبر هدية غير هزها الفوق بانت نفس الكيك قطعات مرة أخرى ليه وليها وحطات مورسوها جنب وبدات كتحل فالهدايا ها الشكولا ها الماكياج ها شوميز دو نوي ها تيلي آخر الصيحات انصومبل ديال الذهب وحدة تنسيها فالاخرى رجعات للكيك ديالها فحضنه كيتفرجو فالفلم لي اختاره هو
تصدم ملي شافها بين يديه ولكن تدارك نفسه ملي بانت ليه سخفانة أما كان غادي يخلي عشته ومن اليوم ما يعتبها فالخدمة.. حل ليه الباب حطها فالخلف 
نوح بعصبية: اش وقع؟ مالها؟
الشخص لي مكلف باش يراقبها: يمكن خافت اا سيدي وسخفات
طلع نوح وحرك الروايض من تما نيشان للدار ديالهم هزها بنفس الطريقة ودخلها لنفس البيت غير حطها فوق السرير ودار باش يسد الباب طرطقات عينيها تنسا عليها البيت وكلشي حماتها للبكاء والغوات نسات حتى بلي هي ففرنسا وبدات تتكلم بالدارجة