🌹هن القوارير🌹 (في طور التنزيل )

part136

👑👑 هن القوارير 👑👑
شمس الغريب

الجزء 136:

بعد السلام والسؤال على الحال والأحوال جرها نوح لحضنه كيعرفهم من الاول عادي يعرفها على العناصر الجدد وهي وتقول واش ارتاحت لشي حد منهم
نوح: هادي إيمان بنت خالتي.. وانا وياها خوت يعني مراضعين
عايدة عينيها على إيمان ونظرتها ما تبدلاتش بتاتا: متشرفين
نوح شير للسيد لي يالاه وصل: هذا راجل إيمان وحتى هو ولد خالتي الأخرى.. وهادي نسيم أخته.. يعني هادو كلهم ولاد خالتي (شاف جهتها وزاد جرها لحضنه) وهادي عايدة حبيبتي ولي مطيرة ليا العقل وقريبا مراتي انشاء الله
تقدمات إيمان هي هاد المرة سلمات عليها وحتى نسيم سلمات عليها ودازت عنقات هي الأخرى نوح عاد سلم عليها زوج إيمان وأولادهم ودخلو جماعة إلا هي كتوخر ونوح كيحس بيها واقفة غير هو لي كيجرها

نوح خلاهم دخلو ودار عندها كيرجع شعرها اللور بيديه بجوج: حبيبتي مزال مقلقة مني؟
عايدة حركات راسها بالنفي: لا غير حاسة براسي مامرتاحاش بغيت نمشي للدار
نوح قرب باس بين عينيها: علاش؟ حيت جاو دبا شوية يمشيو راه غير حيت كانو خارج فرنسا ورجعو وجاو يشوفو الواليدة ويمشيو
حركات راسها بالنفي: لا لا واصلا حشمانة باقي من خالتي اليوم تصرفت بهبال زايد
نوح جرها: خالتك حتى هي راه أكثر منك فهاد المسائل غير اجي
جرها دخلها مقرر انه ما يفرقهاش وهو دبا عرف مقدار غيرتها وأنها كتبينها نيت بقا معنقها غير بانت لأمه قربات منها كتعنق وتحزر وتشرح عكس توقعاتها كيصحاب ليها غا تقلق الساعة هي فرحات هي باغيا لولدها شي وحدة لي تبغيه وتبين حبها ليه وتكون مسلمة بحالهم ما عندهاش متطلبات كثيرة من عروستها
جلس نوح ولصقها معاه كيلعب بأطراف خصلات شعرها وهي مهبطة عينيها ليديه الثانية لي على الوسادة الصغيرة لي فوق حجره كتلعب بالساعة اليدوية دياله

إيمان: ايوة اا عايدة نتي منين فالمغرب بالضبط؟ وشكون هي عائلتك؟ وواش نتي هنا بسبب القراية ولا الخدمة؟
هزات عينيها عايدة فنوح أولا عاد قلباتهم عندهم: أنا من نفس مدينتكم فالمغرب.. انا بنت عائلة المسعودي.. وانا هنا باش نقابل الفرع ديال شركتنا لي هنا
فهمات اسئلتها مزيان وجاوباتها حتى هي بالطريقة باش تسكتها لأنه اسئلتها كان فيهم تقليل منها خلات إيمان تحمار تلقائيا وراجلها ضحك عليها وبدا يحنحن أما نسيم ما تبدلوش ملامحها نهائيا
نسيم: كتباني صغيرة على رئيسة فرع شركة؟
عايدة هزات صبعها: النجاح ما كيتقاسش بالعمر اا حبيبة
نوح بانت ليه تقصف ولا تبالي وقرب من اذنها: كيبان ليا غا نطلع نسد عليا انا وياك فشي قنت حتى يمشيو

يالاه جات جلسات خالتهم معاهم عاود رجعات عايدة هبطات عينيها للساعة ملاهية راسها وعقلها حتى تكلمت إيمان ثاني
إيمان: خالتي نسيم كيشفتي غادي تقرا فهاد الجامعة لي قريبة ليكم.. وغاتجيها بعيدة من عندنا ليها.. داكشي باش خالتي طلبات مني نطلب أنها تجلس معاكم مدة على ما توالف ونقلبو ليها على شي دار هنا
من بعدما كملات الجولة الاستكشافية ديالها دورات عينيها لعنده بان ليها مجبد ناعس قربات منه ببطء وجلسات مبعدة منه بمسافة نيت وكانت أول مرة تخرج اسمه على فمها وهو ما كانش ناعس غير متكي وكيسمع تحركاتها
زينة بهمس: خاااالييفة خلييييفة وااا خااااليييفااااا
كل وحدة نطقاتها بلحن وهو عجبو هاد البلان بغا يشوفها اش غادي دير ونيت يدرسها هي وتصرفاتها أكثر وأكثر
بدات كتgمgم غير بوحدها: واا دبا جايبني هنا باش انت تنعس.. انا غادي نخرج نتمشا شوية على برا
باقي يالاه غا تنوض حسات بيدها تشدات وهو ناض تقاد فالجلسة: على فين بالسلامة؟
ختمها لها بغمزة وهي رجعات للتفتيف ديالها: كنت غير غادي نشم الهوا على برا
خليفة بغوباشتو كيدور عينيه على الشراجم لي ترع كاملين: كاين شي هواء آخر برا مختلف على هذا وانا ما فراسيش ولا كيفاش.. وبديك الكسوى باغيا تخرجي على برا.. غير بلاتي نصحصح ونتفاهمو على التقزاب فالزنقة