🌹هن القوارير🌹 (في طور التنزيل )

part62

👑👑 هن القوارير 👑👑
شمس الغريب

الجزء 62:

ملي دخلات وهي ما ترصاتش فقنت واحد وحتى هو مخليها تبرد هوايشها وتدور هنا وهنا كل قنت من قنات المحل ضارت فيه وكلها إعجاب وحب لداك المكان عجبها بزاف وما لقات حتى شي ملاحظة ولا تغيير خاص يكون بقات غير كتشوف ودور دور وترجع لواحد الصالون حمقها بالرمادي تركي

حتى شبعات على خاطرها وطلعات للطابق لي الفوق حتى هو عامر بموديلات ديال غرف النوم لاثنين وديال واحد كل حاجة منها شكل بذوق عالي وكاليطي مزيانة عاد فالقنت كان المكتب دياله لي زاج يعني كيبين لأنه كيدير حتى المكاتب غير هما صنع مغربي 100% كيجيو الناس يشوفو الموديل لي بغاو وهو عنده ورشة العمل دخلات ضرباتها ريحة الارز لي خارجة من العود لي مخدوم بيه المكتب مزيج بين العود والجلد شي حاجة لي واعرة بزاف هو كان خدام كيدقق الحسابات هما الاولين

هز راسه فيها: اجي نوريك واحد الحاجة اجي
مشات عنده مهرولة: اشنو هي
شير ليها لكرسي كان فجنب: جيبي هداك باش تجلسي عليه.. كون ما هاد الزاج كون راه بلاصتك معروفة بالحق الزاج والدنيا مرونة نعديو ونتي جالسة حدايا
جرات الكرسي حشمانة وقربات جالسة جنبه كتشوف فالبيسي لي كان بشاشة كبيرة بحال شي بلازما والكلافيي صغير محطوط قدامه بقات كتشوف فداكشي حتى خرجو عينيها عجبها كلشي.. كان فالشاشة صالونات واعرين عصريين ودي كويزين حتى هما عصريين واعرين بزاف

جلال: اجي ختاري معايا هنا الصالونات
حركات راسها: لاش ؟
جلال: لي غادي نجيبو باش يتباعو
بقات غير كتشوف: ولكن راه المحل عندك باقي عامر
جلال: اييه ولكن كاين الصالون لي بقا فيه غير ليشونتيون.. وكاين لي بقا منه غير واحد ولا جوج.. يعني السطوك خاوي اا مدام.. بالحق غادي نختارو غير لي صالون من هنا حيت هادو ديال تركية.. ولي كويزين غادي نديرو هاد الشهر مع واحد السيد مغربي عاد بادي بالحق عنده خدمة زوينة وباقي شاب باش يربح حتى هو شوية
بقات كتفكر: وعلاش ما دايرش الصالون المغربي؟
جلال ضربها لراسها وتبسم ليها: الصالون المغربي باصوله ما يقدوش محل واحد ولا جوج.. انا دبا كنتفاوض مع مول هاد المحل لي لاصق علينا باغي يبيع نشري منه إلى دار معانا شي ثمن معقول وغادي ندير محل كامل بلدي.. حيت ملي كنقولو الصالون المغربي راه بقواامه

بقات هي وياه كتختار الصالونات لي يجيب وكتقوليه كل صالون علاش اختراته بالضبط وكتقيد فورقة حداها كل صالون علاش اخترته وهو كيهز الصور من بعدما كيكوموندي وخرجهم ليها صور صغار مدهم ليها بطلب منها خلاها دير لي بغات على الأقل تطفي ديك نار الحلم وتحس بالتجربة الحقيقية

ضياء: عرفتي علاش دبا كتبت هادشي وطلبت هاد لي فوطو.. دبا ملي غادي يجيو لي صالون انشاء الله غادي نصايبو واحد لافيش بحال لي كديرو دبا الألوان لي كاينين فكل موديل ومنين جاي وكدا.. بالحق غادي نزيدو فيها هاد التفاصيل علاش حنا كمحل اختارينا ليكم نتوما الزبائن ديالنا هاد لي صالون بالضبط وماشي حاجة
جلال باعجاب كبير موهبتها حتى فاختيار الألوان والأشكال موهبة كبيرة خاصها شوية الصقل باش من صفة سي جلال كيقول هادشي لأنه قبل لا يدخل لأي مشروع ولا يستثمر فلوسه فشي مشروع اول حاجة كيديرها هي فورماسيون شاملة على هاد المشروع والديكور دار بزاف ديال لي فورماسيون داخل وخارج البلد كيحط فلوس صحيحة باش يتعلم باش من بعد مشروعه يكون مربح وفعلا ربي ديما كيسرها معاه فاي حاجة دخل ليها وحتى هو ما كيخيبش صورته أمام الله عز وجل كلشي حلال والزكاة على تجارته ديما خارجة الله يجعلها تجي 20 مليون ولا اكثر كيخرجها وربي كيبارك ليه فرزقه