🌹هن القوارير🌹 (في طور التنزيل )

part119

👑👑 هن القوارير 👑👑
شمس الغريب

الجزء 119:

جمال المشهد من جهة وتجول بؤبؤ عينيها ببريق على كل إنش فالمكان من جهة أخرى خلاوه هو يبتاسم فرواية " عشقت ابتسامته " أما فرحتها قدر يلمسها ويستشعرها.. وملي توصل لمرحلة لمس المشاعر ديال الآخر بلا كلام ولا بلا حتى ما يوصفهم غير من ملامحه تقدر تحس بنفس المشاعر وبكميتهم هنيئا لك أو لكي وصلتو لقمة العشق والحب الصافي النقي خصوصا بعد الزواج

نعم كان المحل ديال الديكور الداخلي الفرق هو أنه سي جلال كان شرا المحل لي فالجانب دياله كما قال لها ولكن عوض ما يخلي كل واحد بوحدو دمجهم مع بعض ولكن جهة بقا فيها الديكور المغربي الأصيل والمعاصر وفالجهة الثانية كان التفتح على ديكورات أنحاء العالم ولكن الأكثر إتقان وطلب طبعا.. لكن رغم جمال المحل لي كله واجهات زجاجية من الفوق ل لتحت وكيبين ليك كلشي لي فالداخل بالإضافة للاضواء لي عاطيين منظر زوين وكلشي فوق المحل كانت رواية أخرى هي لي خلات دموع ضياء ينهامرو بحال الوديان.. كلمة بسيطة وحلم كبير عارفة تحقيقه على أرض الواقع خاصو وقت كبير اختصره ليها هو

كان اسم المحل بطريقة أكثر من رائعة جميلة جدا والأجمل انه هو حلمها على الواقع المحل كان غالب عليه اختيار رجولي بخصوص هندسته من الداخل وما إلى ذلك ولكن الفوق كان اسم المحل محطوط بطابع انثوي لا من الشكل ولا المضمون المحل كان بالبني بفعل الخشب الممزوج بالزجاج والاسم كان عبارة عن حروف مضيئة وبطريقة كتابة رائعة ... قلب متوسط اسمين غاليين على قلبه ضياء 💗 سلسبيل وفوقهم ديكو
ما لاحضناش انه العنوان مميز أو مثير يعني خاصو يعجب الزبائن ويثيرهم لأنه الزبونة الوحيدة لي باغيها تغرم باسم المحل هي لي فرحانة حداه دبا وهادشي يكفيه

مزال مبتاسم ما عرفهاش فوقاش ضارت وحاولت تخشى فحضنه لكن هيهات لم تعد الأمور سهلة والى بغاو عناق خاصهم وضعيات محددة لا تلائم جمهور الشارع.. عنقها جنب ودخلو الداخل وهي كلما كتدخل كتزيد تصدم التفاصيل لي كانت كتقول ليه خاص يكونو فالمحل وكظن انه غير كيدير ليها خاطرها وكيسمع لها لقاتهم مجسدين على أرض الواقع كلشي زوين كلشي نقي كلشي مغاير ولي زاد فصدمتها انه المكتب حولو من الفوق لتحت لأجل راحتها وبس دخلها من بعدما دارو جولة فالمحل

ضياء: أنا فرحانة بزاااف شكرا حيت درتي اسمي على المحل.. وفرحانة ليك حيت قدرتي تاخد هاد المحل وادماجهم بجوج بهاد الطريقة لدرجة كتحس بحال الى داخل لشي دار وماشي محل اروع
باس جلال راسها وجرها للمكتب جلسها فمكان صاحب المحل وحطلها أوراق أمامها
جلال: خاص غير توقيع ديالك تما وتفرحي لراسك
طبيعي راه ما هضرش بلغة أخرى تكلم بالدارجة هزات فيه عينيها: ولكن علاش اا جلال انا ما بغيتش يكون باسمي انا فرحانة واخا يكون باسمك
جلال: من يوم قلتي ليا حلمك وانا حاسب راسي مانيش راجل إلى ما حققتوش ليك.. ها هو باسمك وانا نتصرف فيه حتى تاخدي الدبلوم ديالك ديك الساعة تكلفي بمشروعك ونجحيه أكثر وبيه ديري مشروعك الثاني ديال المطعم وانا فوق راسك دائما.. باغيك ديري شي حاجة من مالك الخاص وتحسي بداك الإحساس هذا اعتابريه هدية عاشق لمعشوقته.. ونجاحك الثاني انا كنتسنى نشوف فرحة تحقيقه فعينيك
فاقت كما عادتها طرفات حالتها فطرات لبسات وهبطات باش تمشي تدور بخدمتها حتى كتفاجئ بحالة الطموبيل ديالها لي كلها مشرطة حسات بالقرودة كيشطحو فوق راسها
ضغطات على سنانها بعصبية: اميييييين
ركبات فيها بديك الحالة وقصدات واحد الحي من أحياء المدينة القديمة فمدينتهم وقفات الطموبيل فجنب الشارع ما عندها كيف دير تدخل لأنه الأحياء ضيقة دخلات على رجلها والاعين كلها عليها كاين لي عرفها وكاين لي لا لانها جات مرة وحدة وهي باش تقلب على أمين اول مرة وصلات أمام باب من الأبواب وبدات كدقدق.. تسمع صوت عجوز