🌹هن القوارير🌹 (في طور التنزيل )

part61

👑👑 هن القوارير 👑👑
شمس الغريب

الجزء 61:

غير دخلو للدار فاقت تقول ماشي هي لي كانت ميتة بالنعاس مشات لبسات كسيوة بحال ديما ودخلات الغدا كتسربيه فالطبلة حتى جا من وراها مدوش لابس ناضي دور يديه على كرشها من الخلف وهبط راسه خاشيه فعنقها كيجبد البوسة حتى كتقفز
جلسو تغداو بداكشي لي جاب من برا ناضت هي كتجمع الروينة وهو مشا للصالون الصغير شد داك الملف كيعاود يدقق فحسابه حتى حس بيها حداه

دار ليها بلاصة هز دراعه الفوق والوراق باقي فيديه حتى خشات راسها جات بحال الى معنقها وكمل وهي كتشوف فالأرقام وعينيها كيتراقصو ضروها فراسها
ضياء: جلال نجيب ليك قهوة؟
جلال هبط باس راسها: اممم بالحق أنا قربت نسالي ديك القهوة غادي نهضرو بيها
وقفات نيشان للكوزينة وجدات جوج ديال الكؤوس كبار وحطات كوكيز صايباته قبل وجات جلسات جنبه تسناته حتى كمل وجمع داكشي طرفو جر كاسه وتقابل معها

صرطات ريقها: جاااات عندك؟
جلال: أنا والله ما سوقي تجي ولا تجلس ما باغيش غير تمرضي نتي فراسك وصحتك وصافي
ضياء: ولكن علاش جات اشنو بغات منك؟
جلال: طلبات مني نعاونها.. قالت بغات نرجعو كيف كنا بحال فاش كنا صغار
ضياء: عايدة قالت ليا خاص ما نبقاش خايفة منها هي خاص نخاف من هناء
جلال: عايدة كانت حتى هي تما (عاود ليها لي وقع معاه) صافي وهادشي لي وقع
يالاه جات بغات تهضر وقاطعها: أنا ما فهمتش علاش كتهزي الهم وتبداي تغبني عليا انا.. وملي كيقولو ليك شي حاجة كتصدميني حتى انا بردة الفعل ممم شنو هادشي فشوش كتجيبيه عليا

ضياء: أنا ما عارفاش هاد هناء كيف دايرة
جلال: واش بقات فكيف دايرة.. انا تكون هاد المرأة كيف بغات تكون عيني عامرين بوحدة صافي وها هي معايا
عنقاته: ما نقدرش اا جلال نتخايل راسي مفارقة معك
جلال هز ليها راسها: وعلاش لي تخايلي بحال هاد الحاجات الخايبين.. ولي مستحيل يوقعو ممم انا راه بعدا ما تفرقني معاك غير الموت
هزات صبعها فوجهه: وما تشوف فحتى وحدة من غيري
قاطعها: لا غااادي نشوف فوحدة.. بالحق غايخصك تولديها ليا نتي اا

دخلات للدار عينيها حومر ومنفوخين قفزها صوتو: اييش في؟
ما توقعاتش يكونو دخلو للدار قالت غادي تسبقهم: ما في شي.. غير التقيت برفيقة قديمة.. وتفكرت الماضي
ضحك باستهزاء: ليش في عندك ماضي نظيف تفكري فيه.. كلك مآسي.. تعي قلك
كيقرب منها بنفس النظرات من أول مرة عرفاتو ما تبدلوش باقي بنفس الشكل كيشوف فيها شي حاجة رخيصة آلة كيخدم بيها وكيرميها وماشي غير هو لي كيخدم بيها كيصدقها حتى على العائلة والأصحاب واخا عرف بأنها أم ولده باقي كيعاملها بنفس النظرة لأنه بالنسبة ليه هاديك هي خدمتها حتى قبل ما ينعس معها هو أول مرة لأنه لقاها اصلا ماشي بنت وعاد انه لي عرفو عليها هو كليان ديالها يعني راه ما كانتش صافية وجا هو خرج عليها هادشي لي بقا فدماغه دائما وباش ما يحسش بالخسارة انه تزوج بها يعني تصيد أصبحت هي من نجاح مشاريعه عنده صفقة عمل كيعطيها ليلة للشريك كهدية وهي غادية