🌹هن القوارير🌹 (في طور التنزيل )

part11

👑👑 هن القوارير 👑👑
شمس الغريب

الجزء 23:

ملي وصل ريحانة دور الروايض لدارهم وملي وصلوه الميساجات ديالها يالاه كيبغي ينوض يمشي كيقول لا بلاتي نربيها مزال شوية على كلامها وعارفها بل متأكد أنها ما غاديش تخرج ولكن هو ماعارفش غيرة المرأة اش تخليها دير لكن تصدم ملي دخلات أخته الصغيرة كتشالي وتلالي
اخته: ايييوة هااا نتي على ضياء غير قال لها باغي يدير ولاده ولات تجي لراسها لدارهم ما تسناتوش هي
كانت كتسمع ل خوها الهضرة متجنبة تقول بلي جابها خوها باش تخليه يزيد يتعصب غير سمعها وقف وقصد الباب بانت ليه الطموبيل ديال شرف عرف بلي غادي تكون عيطات عليه عاد ارتاح وأمه حبساته باش ما يمشيش

تاجة: واا وليدي ولا تنزعش فرحتي من بعدما وافقتي على الزواج الله يرضي عليك
مع ديك الجملة مع دخلات أخته لي مزوجة ضاحكة: واا خويا راه كانت عنده العروسة غير كان خاص لي يزعمو
كلشي شاف فيها باستغراب وكملات هي: واا كنت غادية للخدمة اليوم حتى بان ليا هابطة من طموبيلته بنت غزالة تبارك الله والحيا والحشمة وملي كانت راجعة فالعشية تاني للدار بان ليا كيتسناها قدام لا فاك حتى طلعات ثاني

خلات كلشي مبرق عينيه ما توقعوهاش منه وفنفس الوقت فرحو ملي العروسة واجدة بالنسبة ليهم أخته ساكنة فجنب دوك الكليات وخدامة فشي وزين ديال الخياطة كيحطها طرونسبورها تما حدا الكليات وتما فين شافت الفلم وزاد كمل هو لي ما رفضش ما بررش دماغه مقسوم على زوج ضياء وهاد الزواج الثاني لي وافق عليه وهو ف لحظة غضب
فاش كان كيقلب على لي يفكو من هاد الزواج جات أخته ثبتاته عليه ودارتو لاقي العروسة ولكن علاش ما نكرش ولا برر واش تشبته بالاولاد ورغبته فيهم هي لي مخلياه مربوط

تاجة فيقاته: ايوة نبداو نوجدو راسنا ياك اا وليدي
ما جاوبهاش ودعهم وخرج للطموبيل دياله لقا حكم لي ما فراسو والو يالاه جاي للدار عيان بالخدمة تبسم ليه كما العادة وتسالمو وسولو على بعضياتهم وقال ليه يكلم ليه ضياء باش يمشيو والآخر ما فراسو والو قال راه كما العادة وخلاص دخل يعيط عليها

غير قالها لها حكم لبسات عليها بينوار وخرجات من الدار لقاته فالباب صدماته ملي بانت ليه ببيجامتها ما ناوياش على مشية

ع.الخالق عقدهم: شفتك ما لبستيش جلابتك ما ناوياش ؟
ضياء: علاش انت لي جبتيني باش تديني اا عبد الخالق فاش كنت كنصيفط ليك غادي نموت بوحدي فين كنتي؟
كانت باينة عليها حزينة ومتالمة بقا فيها الحال وهو لاحظ هادشي ولكن بغا يقصح قلبه قانع راسه بلي غالطة فحقه وشد فكلام تريكته بلي كتصرف معه بانانية
ع.الخالق تجاهل كلامها واحساسها: يالاه للدار نتفاهمو ماشي فالزنقة
عصبها بروده: علاش غادي نتفاهمو بالضبط اا عبد الخالق واش على البنت لي وصلتيها وانت كتقوليا كنشاورك فكلشي ولا على الدار لي ما جيتيش ليها نهائيا ولا على التيلي لي ما كتجاوبش عليه مخليني غادي نحماق الحمد لله حيت عندي عائلة
ع.الخالق بغا يدافع على راسه: ونتي فين عمرك خليتيني نمشي بلا فطور وما فايقاش
كانت حالتها باينة بلي ما ناعساش وعيانة واش ما لاحظش ولا ما بغاش يلاحظ ولكن صدماته ملي عطاته جواب لي خلاه يسكت ويعرف راسه بلي راه غير كيرgع
ضياء: عبد الخالق راه ربي لي خلقني وخلقك ويا ربي تسمح ليا فرطت فحقه اليوم ما نضتش لصلاتي وصباح كان بقا فيا الحال حيت خليتك بلا فطور ولكن بان ليا غير انا لي كنضيع فصحتي بالندم على مخوصمة البارح

رجعات اللور باش تدخل وقبل ما تسد الباب نطقات: ماا غاديش نمشي اليوم اا عبد الخالق غير خليني فدارنا
دخلات وخلاته كيراجع راسه يالاه بغا يركب فالطموبيل دياله سمع سميته كانت الأم دياله واخته راجعين من شي قنت ومن تخنزيرتهم باينة شافو شي حاجة ما عجباتهمش

قرب منهم: فين كنتو؟
شيرات ليه لاخته وهي عاقدة حواجبها: حاطة شي جلابة عند الخياط مشينا نشوفو فين وصلها حتى شفنا هاد المنكر
ع.الخالق صرط ريقه: راه ما كاين والو غير انا لي بغيتها تبقى ترتاح فدارهم
تاجة: وا زيد يالله تبات (عارفاه ما يبغيش) ولا زيد تعشى على الأقل وسير
داكشي ما كان زاد معاهم راكبين فالطموبيل دياله رجعو لدارهم وأمه ما عجبهاش تصرف ضياء واخا ما عارفاش الحوار لي دار بيناتهم ولكن راه كانت حداها بنتها كتقول لي يسمم قلب أمها على ضياء والسبب الغيرة ليس إلا

آب عبد الخالق: فين خليتي ضياء اا ولدي ما تخافش؟
تاجة نقزات مقجوجة: وعلاش هي بقات ترضى بينا
زوجة اخوه: وا من عشية ربي وهي فدارهم قلت راه غا دوز ساعة والله ما طلت
بلا ما تشعر خرجات الهضرة أخته الصغرى: ايوة ما رضاتش ملي خويا بغا الولاد وهي ما قدراتش تعطيهم ليه
آب عبد الخالق وخوته وحتى عيالاتهم تصدمو صدمة عمرهم شي فرح وشي جاتو فرصة ومناسبة وشي ما بغاش هاد الحالة ليهم منهم آب عبد الخالق
الاب: ااش كتقولو اش بغيتو فالبنت؟
سكتاتو تاجة وهي كتقرص فبنتها لي طلقاتها: شغوول العيالات هذا خليك بعيد يبقى الولد بلا ولاد ولا اش بغيتي؟

                 💣💣💣💣💣 توقاعتكم وآرائكم 💣💣💣💣💣

انا نقول لا حول ولا قوة الا بالله العلي العظيم
ونتوما قولو لي بغيتو