🌹هن القوارير🌹 (في طور التنزيل )

part83

👑👑 هن القوارير 👑👑
شمس الغريب

الجزء 83:

تجمعو الناس وجلسو وجا داك لي غادي يكتب ليهم بقات مستغربة عايدة أو واش هذا ناوي يتزوج بعقد فرنسي معها بفضول ضارت عند أمه تحت نظرات كل من نوح ونيكول لي ما حملاتش عايدة ولا حتى أم نوح علاش زعما ضغيا بغاتها وهي ديما كانت قدام عينيها شنو الفرق زادت حقدات على عايدة وزاد شكها انه كانت بيناتهم شي حاجة
عايدة: واش غادي يتزوجو بعقد فرنسي؟
أم نوح بغصة: يعطيها مصيبة.. علاه هي بغات تسلم قالت لك حقا مزال باغيا تعرف على الإسلام أكثر عاد تسلم والزواج زربانة عليه.. قلت ليه حتى انت تزوجها زواجهم هما نيت حتى تسلم على خاطرها عاد نديرو زواجنا
عايدة خسرات ملامحها: ويلي ويلي ويلي
من البعد كتبان هي وياها بحال الأم وبنتها حاطين الراس على الراس ودايرين خدمتهم بالتبرgيg المغربي على أصوله وبجوج ما حاملينش هاد العرس وباغيينو يسالي ضاغي باش يمشيو فحالهم من بعدما كملو مراسم الزواج ديالهم وقف كلشي كيهنيهم وعايدة بقات جالسة بوحدها كتسمع للموسيقى

وقف عليها: تسمحي ليا بهاد الرقصة؟
هزات فيه عينيها باحراج: غير سمح ليا ما فياش
ضحك الشخص لي فرنسي هو الآخر: زاك هنا ونتي ما فيكش خايبة فحقي
جاها باسل وما فيها لي يتجابد معاه: موعتة فرجلي ما نقدرش
باقي ناوي يزيد يحاول معها حتى وقف عليهم خلى لي كيباركو ليه وعروسته وكلشي وجا وقف عليهم بحال الزلط
نوح بحدة: زاااك راك سمعتيها ضاراها رجلها خليها فراحتها
تبعاته نيكول شدات فيه ما حاملاش الوضع بتاتا هي لي عروسة وحتى حد ما شاف فيها سرقت منها الأضواء فليلتها

نيكول: نوووه الناس كيشوفو
نوح باقي بنفس الحدة: قوليها لولد عمك
نيكول بترجي: زاااك ما تخربش عليا فرحتي الله يخليك (ضارت شافت فعايدة بحقد) عجبك الحال دبا ياك
تعصبات عايدة من هاد الحزاق كامل جات بغات تمشي قبل لا دير فيها يديها ورجعها نوح بلطف حتى جلسات
نوح: مال رجليك (تحنى على ركبته بحال الى غا يطلب منها الزواج) اا نشوف!!
كلشي تسمقل هي أما نيكول العافية شعلات زاك هو صفر ولا زرق فات الحمورية والسبب اش والله ما عرفنا السبب اش أما هو مامسوقش ليهم باقي بنفس الوضعية

أم نوح ما عارفاها باش منفوخة هضرات بالدارجة ثاني باش ما يفهمها حد: خليتي نواار ومشيتي لشوكة حمار.. كون قدرتي الزين كون هاد الحنية لي تحنيتي كنزغرت ليها بفمي وببلاصة أخرى
قرصها راجلها حيت عائلة نيكول ولاو حافضينها إلى هضرت بالدارجة اذن يا كتسبهم يا كتسب بنتهم يا كتبدي رفضها لهاد الزواج
المحقق بفزع: مالكم؟
المحققة: نهيلة!!
المحقق شاف فنهيلة: مالها؟
المحققة: هي راه من الاول كانت عند كبير المنظمة بالفرع العربي
خرج عينيه المحقق بصدمة هما عارفين انه المنظمة ما عندهاش رأس كبير واحد ولكن كل اتحاد دولي عنده رئيس دياله وكيتجمعو كاملين على قرار واحد يصوت عليه بالإجماع كانو فالأول كيظنو انه نهيلة كانت عند شي حد قريب من كبار المنظمة ماشي رئيس من رؤساءها ماشي لهاد الدرجة
المحقق: هادشي كيفسر كيفاش قدر انه يجيب بنات من دول مختلفة