🌹هن القوارير🌹 (في طور التنزيل )

part58

👑👑 هن القوارير 👑👑
شمس الغريب

الجزء 58:

بعد ليلة معسلة مزياااان بيناتهم صابحة بنفس الطريقة راسها خاشياه وسط عنقه كتنفس فيه وهو فغرق النعاس كل مرة كيهرو تنفسها كيدير يديه باش يحك كيلقا شعرها هو لي تما أما عنقه مستعمراه بوجهها وكتلقا راحتها هو كينعس على ظهره وهي كتنعس على جنبها كدور يديها عليه ووجهها تخشيه فعنقه ورجليها وحدة في أمان الله منشورة والثانية رامياها فوقه
حل عينيه لقا راسه مكتفاه كيجي يدور راسه باش يشوف الساعة كتبع عنقه باش تزيد تمخشش زاد خشاها فيه أكثر عاد تكالمات ورما يديه للتيلي ديالها لقا راسه عمره فحياته نعس حتى 10:30 حتى تزوج بهاد الخلقة رجع التيلي لبلاصته وبدا كينقر بصباعه على راسها ويبعد عنقه حتى يبان وجهها ويبدا يعنكشها بالبوسان وهي كتمايل معاه بنعاس وعياء

جلال بصوت صباحي مدعدع مبحوح: ضياء نوضي اا حبيبتي فات الوقت
والو السيدة كتخشى فيه: اممممم مزال خنيني غير شوية
جلال: نوضي اا حبيبة راه ما بقا والو ل 11.. يالاه غادي تمرضي بالنعاس
والو هو يدور من هنا هي دور ليه من لهيه ما ناضت ما خلاتو ينوض حتى صافي عصبها يالتعنكيش طلعات فوق صدره ونعسات وبقات تنخشش فيه حتى هز بلا هواه ذقنه مخليها تخشي راسها وسط عنقه ويديها على خده كتعنفش فيه وتسارا فلحيته كتلعب عرفها باغيا ترجع تنعس وهاديك هي طريقتها تبقى تلعب فشي حاجة

استسلم ليها لمدة ربع ساعة وهي تفزع وسط نعاسها ملي ضارت بواحد الجهد وتحط ظهرها على الناموسية حلات عينيها وسط عينيه باقي ما استوعبت لقات فمها مسروط وسط فمه بلا شعور دورات يديها على ظهره كتحركهم بالطول لأنه كان عاري من الفوق ما بغاتش تفيق بالخاطر فاقت بالمعسل

حتى كملات العلاقة بيناتهم جا وجهها فوجهه هرباته عليه هو لي كل مرة سالات علاقتهم الجنسية كيبقى يتمعن فيها وفعلا كل مرة كيطيح عليها واحد السر سبحان الله كيحمارو حنيكاتها وذقنها ونيفها وشفارها كيطيحو على عينيها مع طوال وكتبقى غير مبتاسمة كل مرة كل مرة من ليلة البارح لليوم خلاته هايم

هز ليها راسها وطبع بوسة قوية على شفايفها وgضاتها: صباح الخير
هربات لملاذها لعنقه مستخبية: صباح النور
كتوجد الفطور من بعدما أصرت انها هي لي تبقى طيب جابت ليها زوجة محماد البيض والزبدة والعسل والحليب كلشي بلدي ومن خيرات أرض راجلها طبعا وجدات فطور اسطوري وقادات طابلة على حقها وطريقها وريحتها كتفوح فكل بلاصة كانو دوشو صلاو وهبطو كدور عليه ثاني بكسيوة مقزبة هي من عشاق داك الستيل ديال الحوايج وكتشري منهم بالكثرة يمكن هما عندها أكثر من حوايج الخروج وحيت كدير الزيف كتمتع بيهم فالدار وهادشي جاه على gانتو حتى هو حيت فاش شاف حوايجها وفاش بدات كتستفهم عرفها صوبيصة فالدار وهادشي مزيان ليه هو

ضياء وقفات فالصالون الصغير لي كاين وسط الكوزينة: جلاااااااال.. وجد الفطور
جاي عندها مبتاسم ليها كيهبط التريكو دياله من اللور: ما كاينش شي مقبلات قبل الفطور ااا الفريزة
كسوتها لي فوق الركبة كانت فاللون الأحمر ومرجعة شعرها ببونضو فنفس اللون عضات على شنافتها وقربات شدات فيديه باش تسكتو زعما وهو هبط راسه لعندها