🌹هن القوارير🌹 (في طور التنزيل )

part114

👑👑 هن القوارير 👑👑
شمس الغريب

الجزء 114:

وصل نوح لدارهم بعد ذهابها بمدة ماشي قصيرة لقا الأم دياله مشغولة فالتيلي لكن هو كانو عينيه كيقلبو على شخص واحد ما لقاهاش فالدار كاملة عاد هبط لقا الأم دياله باقي فالتيلي وعينيها متبعينه
نوح صدره كيطلع ويهبط: الواليدة فين نيكول؟
أمه ببرودة: ما عرفت فين مشات لحقتها نسولها ولكن مشات بالزربة
نوح: اشمن وقت؟
أمه كدور فعينيها: واا شحااال هذا
صغر فيها عينيه أمه وهو كيعرفها مزيان: معامن كتهضري
قندشات ووقفات ناوية تسلت ملي بان ليها كيقرب: وانت مالك ياااه فين عمرك سولتي على الصفربطة
نوح بنظرة ثاقبة: مع عاااايدة ياااك؟ (مد يديه) اراي اا الواليدة اراي التيلي.. دايرين ليا الحزب النسوي انت وياها

مدات ليه أمه التيلي لقا اسمها هي فعلا: وااااش باغيا تحمقي طواسلي هااااه
علاه هي جاوباته حرام أطلقت العنان لدموعها وبكائها وقلبات عليه الطاولة هو لي ولا ظالمها وهي ولا بغات تسكت ويا ريت لوكانو دموع حقيقية كانت مصطنعة
نوح كيجدب: واااا سكتي الله يقطع ليا انا الحس هنييناا.. علاش كتبكي؟
عايدة وسط تنخصيصها الكاذب: ما بغيتك دير حتى شي حاجة خايبة.. بغيت نجي عند ماماك.. قوليه يخليني
نوح توجه للباب ديال الدار لكن هيهات لقاه مطرق وماشي بالساروت كان عندهم نظام وهو لي دايرو فيه بصمتهم هما الأربعة لي فدار ناضت الأم المغربية الحرة بدلات حيدات نظام البصمة والكود القديم ودارت واحد جديد وطرقات جميع أبواب الدار ومزال ما بردات لها الغصة غير دار شاف فيها
أم نوح: ها الصخط ها الرضا إلى مشيتي لشي بلاصة

كانت عارفاه غايتكتف بهاد القولة ديال الأمهات المغربيات عند الحصلة مع أبنائهم وكانت متأكدة عايدة انه دبا غادي يخلي داك الهيش لي فالباب يجيبها وفعلا قطع عليها وجر التيلي دياله بعياء صونا على الشخص لي فالباب وأمره باش يجيبها وهي غير دق عليها وجاتها مكالمة من نوح خرجات هكاك عند الآخر
بيجامة ديال الدار فوقها مونطو وتبعاته والخط بينها وبينه دايز بلا كلام هي كتمشى وهو كيتنهد وصوت أمه كيتسمع حداه عايدة ما قالتش ليها اش واقع اكتفت أنها تقول بلي نيكول غلطت فحق نوح وهو إلى لقاها يقدر يصفيها ليها خلاصة خاصها تمنع ولدها يلحق بيها ملي عرفات عايدة منها أنها مشات من الدار

نوح بعياء: اااش درتي من ورايا ااا الحجلة؟
قفزها مع كان السكات حتى جا صوته وهي بدورها قفزات الشخص لي معها: مااا درت والو انا خليتيني فالدار بقيت فالدار
نوح كيتحلف عليها: ما غا تبقاش فيك غير صبري
على دخولهم للدار لقاو كلشي مغير وحزين استغربت هي من المسألة وهو فهم البلان والابتسامة ترسمات على شفايفه عكسهم خلا استغرابها يزيد
عماد كينادي: دااادااا ااا دااادااا
جات بشرى: الله اا خويا عماد الله علاش دادا ترد عليك دبا.. راه كتجمع أي حاجة لقاتها باش تديها ل لالة عايدة.. حتى طيارة ما تقدها
عاد فهمات نهيلة سبب حزنهم على دادا لي غادي تشد الرحال لفرنسا وأخيرا من بعدما قهروها تقول غاتمشي اليوم يخرج ليها شي قرار من جنب أو طلب منهم وتجلس ولكن دبا قررت قرار لا رجعة فيه وأنها تمشي لعند بنتها صغيرتها المتمردة