🌹هن القوارير🌹 (في طور التنزيل )

part144

👑👑 هن القوارير 👑👑
شمس الغريب

الجزء 144:

دخلات للعمل ديالها وهي باغيا تتقرب عن قصد من الشخص لي فبالها رغم أنه لا علاقة له بخدمتها هي خاب ظنها ملي ما لقاتوش تما
شرطي: شاف الرفاقي.. العميد الادريسي خارج ما كاينش.. إلى كنتي محتاجة شي حاجة انا فالخدمة
ماجدة: لا لا.. واش كونجي ولا شي مهمة؟
البوليسي: لا لا اا شاف غير سالا الخدمة وخرج عندهم يمكن شي خطوبة ديال أخته على الأبواب.. العميد **** طلب أخته الوحيدة ليهم
طرطقات عينيها من شدة الصدمة عاد هاد خينا واخا عطاها التبرgيgة مقزبة إلا أنه راه وضح الأمر أخته الوحيدة غاتخطب ما عرفات واش تهرب واش توقف واش تريب ليهم الحفلة حيت الى جا خليفة واخا تزوج يطلقها من هاد خينا ماشي هو لي يحب وتكتب على اسم شخص آخر من زمان هو لي بغاها ديالو ولي ما بغاهاش حتى هي ديالو ما بقا غير الحب لي عمرو زارو ونهار زارو يديه واحد آخر خاصها تلقا حل قبل لا توقع شي كارثة ما شاف التاريخ مثلها
خرجات بسرعة من تما مودعاه بلا ما تلفت الانتباه وعيطات على راجلها لي سبق وقلنا نفس الضومين الأمن وما أدراك ما الأمن يعاونها فحل هاد المنامة 

مسافة الطريق كانت أمام مستشفى عسكري دخلات للمطعم لي فيه لداخل خاص بالطاقم الطبي خلاوها لأنها معروفة عندهم تدخل وبدات كدور فعينيها
وقف عليها ممرض: مدام ماجدة! الدكتورة رقية غادي تجي دبا شوية مشات تطمئن على المريض ديالها لي دار العملية 
حركات ليه راسها وجلسات على نار كتسنى فيها غير بانت ليها وقفات بسرعة تلقات ليها سلمات عليها وجراتها جلسو
رقية متعجبة: اا مالكي.. ياكما حاملة اا المصخووطة؟
ماجدة: يا ريت لوكان هذا السبب
رقية ضرها راسها: ما فيا ما يفك شي لغز الله يعطيك الستر.. ياك لباس؟
ماجدة: مشيت كما اتفقنا نشوف خو البنت.. زينة؟
رقية ضاغي تحمسات: ايوة؟ قولي خلاص؟
ماجدة: ايوة تصدمت بأسوء خبر.. البنت كتخطب!
شهقات رقية حتى الكل انتابه ليهم وعلى إثر صدمتهم دخل ادم زوج رقية لي جا يقدم شي مساعدة طبية حتى بانو ليه ودخل عندهم

آدم كيشوف فمراته اللون هارب من وجهها: رقية مالكي؟ ياك لباس اش عندكم؟
هزات فيه عينيها: ادم واش الممرضة لي كانت معاكم.. زينة الادريسي غاتخطب؟
مستغرب: اه مالكي؟ عرفتي الدكتور التازي بغا يخطبها لولده
خرجات ماجدة عينيها: ما بقاش غير العميد ولا حتى الطبيب.. والله حتى خليفة غادي يدير شي مجزرة ماشي جريمة
جلس ادم على الكرسي مصدوم: واش صدق بصح كيبغيها غير كان كيدريبلي فيا ؟
رقية بترجي: ادم دير شي حاجة الله يخليك
اش هاد الطلب الغريب كطلب منه: اشنو غادي ندير اا رقية نخطبها انا ونخبيها ليه حتى يجي.. راه بنت هاديك انسان ماشي حلوة
ماجدة بعقلانية: لاقينا غير معها.. نشوفو واش هي كتبغيه؟ واش بيناتهم شي حاجة؟ واش هي مجبورة على هاد الزواج؟ حيت خليفة كان كيهضر على أساس كاينة بيناتهم شي حاجة.. الله يخليك اا خويا آدم
خنزرات فيها رقية وقلبات عينيها ليه: نتي علاش كطلبي فيه؟ شوف اا ادم والله وما لاقيتينا معها لا .....
قاطعها ما خلاهاش تكمل جملتها عارف اش غايتقطع عليه وتهديدها هو ما تزيدش تحمل مزال لأنه طالب منها بنوتة بحالها
ادم: صافي غادي نشوف كيف ندير.. راه ما بقاتش خدامة معنا
الحمد لله لي عندها الخدمة كتلف فيها الوقت وكتخرج من الدار ما كتبقاش تشوف دوك التجهيزات كاملين من مريض لمريض ما حبساتش لدرجة كلشي مستغرب من حالتها الإرهاق واضح عليها وغادي طيح فشي قنت وهي ولا ارتاحت كل مريض كتعطيه بلاصة الدقيقة عشرة غير باش ما تجلسش وتبقا تفكر كتحس بقلبها كيوجعها
وقفات عند الاستقبال: قولي ليا ما كاينش شي ممرض بيرمانونص ما باغيش يخدم اليوم؟
البنت استغربت من السؤال: زينة واش نتي بخير؟ .. عرفتي راه كتباني عيانة
زينة بنفي: لا انا بخير.. إلى جا شي حد ما باغيش يخدم من بعد قولي ليه زينة تشد عليك.. صافي؟
حركات ليها البنت راسها وفداخلها ما غاديش تدير هاد الجريمة فحقها لانها كتبان غا تموت واقفة خلاتها مشات وخبرات رئيس الممرضين على حالتها وأكد عليها تعلمو إلى بقات لانها وصية من مدير المشفى كله وطبعا وصية خليفة ليه هو براسه