🌹هن القوارير🌹 (في طور التنزيل )

part46

👑👑 هن القوارير 👑👑
شمس الغريب

الجزء 46:

رجعات للدار كترعد كيفاش غا تصرف دبا هي ملي جات مع 12 عيطات عليها أمها خبراتها بلي عادل هداك لي من عائلة باها جايين يزوروهم فالدار وما قالتش ليها يخطبو حيت باها وامها لي مساكن ما فراسهم ما يتعاود قالو هي ملي غا تسمع هي تختار خصوصا وأنه من العائلة ديالهم ما قدرات تقول للام ديالها والو حدها قالت لها بلي صاحبتها مريضة وغاتدي لها الحسوة
دبا رجعات كتشم ريحة الطياب عاطية فالدار دخلات لقات خواتاتها بجوج وعيالات خوتها كلها واش كيدير شافوها وبداو يضحكو إلا راحة لي بقا فيها جلال حيت ما قالت لضياء والو ونجاة لي غمزاتها والأخرى سبقتها للبيت من بعدما سلمات عليهم

ضياء كتمشي وتجي حتى دخلات نجاة: ناري اا نجاة ما عرفت شكون قالها ليه هددني ما نشوفهمش ولا يدير شي مصيبة وراه يديرها
نجاة دوخاتها: قلبتي ليا راسي غير جلسي اا ميمتي راه شرف لي عيط عليه
ضياء خرجات عينيها: وعلاش؟
نجاة: اويلي على علاش واش يصحاب لك انا قلت لشرف بلي نتوما متافقين بيناتكم لأ.. ايوة خوك بغا يعرف واش مزال عند الكلمة ولا لا وهادي هي الفرصة وانا خليتو حيت عرفتها غادي توصلو غادي توصلو
ضياء جلسات: شكون كان غا يوصلها ليه؟
ضحكات: لالة الزينة لي شداتها الدوخة ملي سمعاتها لا هي لا راجلها
ضياء: رااااااحة ... ياااا ختي حولها كل مرة تقول ليا حقا ما حقا جلال ...
نجاة: راه راسها ضارها
ضياء ضحكات: واا شوف لك اللفعة دايرة براسها ما عارفة والو
نجاة: وراه واقيلة ما عارفة والو.. عارفة غير بلي سي جلال مكركب فيك  
ضياء بهمس ملي سمعو الحس جاي: ولكن راه قال ليا ما تخرجيش عندهم
نجاة: ايوة ما تخرجيش اصلا شرف غادي يفرتك جقلة بكري

باقيين كيهضرو دخلات عليهم راحة باغيا تعرف المستجدات شافو فيها بجوج وجهها مسقوط من الدم خايفة من لي جاي
راحة: ضياااء.. واش نتي عارفة علاش جايين هاد الناس
وقفات ضياء غمزات نجاة ووقفات كتقلب بين قفاطنها: ااه راني عارفة.. واش اا صاحبتي غادي نبقا غير فالدار؟ هو عاود حياته وانا نبقا جالسة؟
نجاة حابسة الضحكة وراحة ما عرفات ما تقدم ولا تأخر: ولكن اا حبيبتي واش متأكدة من هاد عادل باش عرفيته ما مزوجش لهيه ولا شي حاجة اويلي تجي وترمي راسك
ضياء مكملة فتمثيلها: ايوة هو علاش جاي اصلا؟ باش نتعرفو عليه

خرجات راحة غادي تاكل لحمها ونجاة وضياء طرطقو بالضحك على حالتها مسكينة
نجاة: ما تنعسش اليوم ولا تشوفو
ضياء: أنا نربيها لي تخبي عليا المونيكة.. واخا راه عجبني الحال الصراحة ملي قدرات تخبي شي حاجة هكا نطمنو على أسرارها بين راجلها
نجاة: واييه الله يدومها
فعلا قبل صلاة العشاء جاو ابن عمة سي عبد الله ومراته وعادل ولده واخته الكبيرة جايين غير عادي على أساس غير زيارة عائلية ويهضرو تحت الدف استقبلوهم استقبال يليق بيهم الفرق انه شرف وحكم ما حاملينش فعادل الشعرة لوكان ما خافوش على باهم يجيفوه على فعلته الشنيعة