🌹هن القوارير🌹 (في طور التنزيل )

part56

👑👑 هن القوارير 👑👑
شمس الغريب

الجزء56:

هبطات لابسة كيطمة طويلة لأنه حوايجها كانت عطاتهم ليه ليلة الحناء هو لي فكرها فيهم قبل ما يوقع المشكل باش ما ينساوهمش نزلات عنده مقادة زيفها لابسة مزيان لقاته يالاه غاسل وجهه كيمسح بالفوطة فباب الحمام لي لتحت دورات عينيها فالدار مزال ما فيهاش فراش كلي

جلال: خويتها تقريبا كاملة.. عارف عزيز عليك الديكور خليتها لك باش ديري لي بغيتي
فرحات وبانت على وجهها ما كرهاتش طير عليه ولكن ماشي وقتها هي خاص تلتازم بوعدها لنفسها وهو بحال الى كيقرى لها دوك الأفكار وغايكذب إلى قال ما خايفش تمشى هو وياها شد لها فيديها وحتى هي ما اعترضاتش دورها على الدار هي الأولى قنت بقنت وهي كتهندس فدماغها وتقول ليه اش بغات وهو كيقولها الحاجة لي ممكنة ولي لا عاد خرجو المرافق لي برا عجبوها الجلسات لي جنب لابيسين وزادت كتقوليه أفكارها ثاني وكلها حماس
مشاو فاتجاه الصور لي كان كيبان لها من الفوق حتى قربو حداه وهي توقف خلاته تلقائيا يوقف حيت كان قابط فيدها

ضياء: غادي نقزو؟
دار للجهة الثانية وضحك حيت هي كتقلب غير على السبة باش تقلق: لا غير اجي
تبعاته حتى وصلو للصور كانت فيه لوحة مرقمة دار كود وورك على بوطون وتحل الباب من الجهتين الباب لي كان عادي اوطوماتيك غير هو اختار انه يكون بنفس الديزاين واللون ديال الحيط الشيء لي كيخليه ما كيبان غير ل لي عارفو راه كاين تما
دخلات وهي لي ولات جاراه منهنا لهنا وقتلاته بالأسئلة ديال من هادي علاش ربيتي هادي شكون كيقابلهم واش كتركب على الخيل واش كتبورد شيباته وهو كيجاوب مرة يتعصب عليها مرة ضحكو مرة تخليه غير تابعها وحال فمه كلها على بعضها محمقاه

جرها جلال جهة العود: اجي نضرب بيك دويرة
بعدات اللور: لا هادو ديال التبوريدة
ضحكاته زاد جرها عنده: والى كان ديال التبوريدة ما نركبوش عليه.. اجي اا الخوافة
قرب من العود الادهم قاد ليه المسائل فوق ظهره وهي مبعدة كتعطي للآخر يأكل ومبعدة والراجل لي مقابل ل جلال كيضحك عليها
الراجل: اا ما تخافيش اا بنتي غير قربي ليه راه ما يدير ليك والو
جلال جايب لاخر: اا باا محمااد راه كتخاف وما كتحشمش.. المهم هادي ضياء مراتي.. وهذا با محماد هو لي مكلف بالدار هنا وبالخدامة وكلشي الله يجازيه بالخير
الراجل: خيرك سابق اا ولدي جلال.. ياك بعدا عجبكم الفطور؟

ضياء بقا فيها الحال كيصحاب ليها مراته هي لي وجدات لهم الفطور وباينة غادي تكون امرأة كبيرة فالسن ما عارفاش بلي راه ولده نيت هو العساس ديال الدار ومزوج وعايشين فالدار لي داير هو قريبة من الدخلة ديالهم كبيرة شوية عاد كاينة لي قريبة من هاد الجهة الأخرى فيها 2 طبقات السفلية للخدامة لي زوافرية وكاينة وحدة الفوق  فيها لي مكلف بالحيوانات كاملين مزوج ساكن الفوق
ركبها وركب من وراها فالأول كيتمشى غير بشوية وهي مستحلية الركبة متكية على صدره العريض الواسع وكتمرغ فيه وهو واقف من وراها صامد كيضرب فيها البرد ويجيب ليه ريحتها لبين نيوفه ريحة طيبة زكية منغم بيها مدور يديه عليها شاد بيهم اللجام ديال العود وكل مرة يزيد يقربها ليه أكثر بلعاني حتى لصقها معاه عاد ارتاح