🌹هن القوارير🌹 (في طور التنزيل )

part64

👑👑 هن القوارير 👑👑
شمس الغريب

الجزء 64:

نهيلة: ديك القتلة لي كليت فداك اليوم منها اا محمود عمري كليتها فحياتي.. ما اكتفتش بيها عيطات عليه جا من القهوة كيجري.. الصمطة حيدها فالطريق.. غير حل الباب واخا ما لقا فين يزيد يضرب بسبب الكابلي ديال الضوء لي كنت غالبا ما كنتسلخ بيه.. حلف حتى يحط بصمة صمطته على لحمي.. وماما واقفة فالباب كتسكت فولدها ولحد الآن ما فهمتش سبب الدموع لي كانت كتنزل وهي كتقول بنت الحرااام مزال ما نسات لي فات وباغيا طيح عليك الباطل مزال.. تخاااايل كانت خايفة عليه وما خافتش عليا.. داك الاسبوع غادي تبقا مقابلاني بالأدوية والبوماضات وهو كيفكرها.. قلت يمكن تأنيب الضمير.. هههه كنت طفلة ما خلاونيش نحلم بزاف.. فنهاية الأسبوع لقيت راسي مبيوووعة.. وهذا هو سبب كرهي لأي واحد من بلاد باااك

محمود وجهه معبر بلا ما يتكلم كان كله تساؤلات

نهيلة: لقيت راسي فطموبيل واعرة مع ناس كتفوح منهم ريحة طيبة بملابس غريبة عليا.. اشنو جاني انا لبالي.. وليت متبنية غادي يربيوني فرحت ملي باعوني.. تلقيت العناية الكاملة طول أسبوع آخر فاوطيل.. وليت انا ما عارفاش راسي.. من بعد لقيت راسي فالطيارة ههههه خفت اا محمود شحال من مرة لا نكون غير كنحلم وغادي نبول فالفراش ويسلخوني ثاني.. حتى كنلقا بلي راه بصح انا فالطيارة.. طول ديك المدة ودوك الناس ما كلموني ولا انا كلمتهم انا ارتاحيت من سوء المعاملة.. حتى وصلنا وتما غادي نتلاقا مع زوجة الراجل لي شراني منهم ومعها فالاستقبال ولد وجوج بنات أولادهم.. فرحت بزاف كطفلة دارت المرأة إشارة لخادمة جات خداتني وفديك الليلة عرفت سبب تواجدي تما

محمود: كيف يعني؟ ماشي باش يربيوك؟

ضحكات محركة راسها بالنفي: كانو باغيين لعبة لولدهم لي بدا كيثور خايفين لا يخرج على مستقباله خصوصا وأنهم عائلة معروفة.. وهو الوريث الوحيد عنده داك الوقت 20 سنة.. وباش ما يوقعش فالمحضور.. والديه قررو يجيبو ليه دمية بنت ما يسول عليها حد ما يتبعها حد يبقا وقت ما حب يخرج على السيطرة هاااه يرجع للبيت

محمود مصدوم عالاخر: كييييييييف؟

نهيلة: محمود.. ما كنتش غير بوحدي تما كنا ثلاثة بنات.. كل وحدة ومنين.. كلنا صغااار.. 8 سنوات وانا محتجزة عندهم ممنوع نفوتو جردة كنا فقصر قول.. حتى ليوم لي كنت كندور فالحديقة بانت ليا السيارة دياله مصفوفة وهو غادي يخرج.. كان داك الوقت عنده 28 سنة متزوج وعايش مستقل بالحق مزال محتفظ بنا فبيت عائلته.. قال ليا دماغي تخشاي فالكوفر جريت بسرعة وركبت فالكوفر كنت كنتسنى يجي العساس ولا شي خدم ويحل عليا.. ولكن ههههه ما وقعاتش الطموبيل تحركت.. مع العلم شافني واحد الماليزي خدام تما فجردة ودار راسه ما شافش

محمود ضحك بفرح بحال الى متبع فلم بقوة الأحداث الخايبة والصعيبة نسا بأنها قصة حقيقية وفرح فرحة كبيرة ملي تفكر هبط راسه بحزن واعتذر منها