🌹هن القوارير🌹 (في طور التنزيل )

part90

👑👑 هن القوارير 👑👑
شمس الغريب

الجزء 90:

القرطاسة خرجات من مسدس نفس المحقق المغربي بطلقة ثابتة ومعبورة طير ليه الجهة لي فيها السكين من يديه خلى ليه غير القبضة دياله خلى الكل يهز المسدس لأنه ما عرفوش حتى كيفاش جبد فرديه بديك السرعة تما عرفو هما معامن واشمن شخص هذا سواء من حيث الذكاء والمكر أو الفورمة الرياضية البوليسية أو هاد الطلقة المعبورة كانو صافي قالو غادي يديو زين ميت لولا هاد المحقق الغريب الجميل
خلاهم كيشوفو نجاحاته المتتالية وهو زاد اتجاه زين لي فقد الوعي قلب ليه النبض لي قليل وجروحه لي كانت عميقة وعيط على وحدة الإسعاف لأنهم كانو دايرين جميع الاحتمالات وبعد اخد ورد مع المحققين لي تما فالاخير قدر بمساعدة من كبار بلاد المغرب انه ياخد زين من بين يديهم بموافقة كبارهم للمغرب وتما غا يتم التحقيق معه

نهيلة غادي طير بالفرحة وأخيرا سمعات احسن خبر دخلات للغرفة لي استقرت فيها جبدات التيلي ودوزات لخط لحبيب قلبها لي ممنوع عليه يتصل بيها فأي وقت هي لي تقدر تتصل بيه فتح الخط بسرعة كيخلي التيلي معه فالاجتماعات فاي حاجة خوفا انه يضيع أبسط فرصة لسماع صوتها
عماد موحشها: الهاااربة ديالي توحشتك اا نهيلة.. ولا نتي لمك عاجبك الحال تما
خرجات عينيها: واا زمممر عليك واش أنا لخاطري.. حتى انا توحشتك بزاااف اا عماد.. وعندي ليك خبر وااعر
عماد تقاد فالجلسة: ايمتا تخرجي
نهيلة: ما عرفتش بالحق شدو زين وعائلته
عماد سميته كيكرهها داكشي باش منع عليها من يوم عتقها أنها باقي تجيب سيرته حتى بالغلط وما كرهش لوكان موته تكون على يديه عاد ارتاح كان خايف ياديوها هي أما هو قاد يحمي راسه

عماد: فوقاش نجي موراااك دبا ولا بلاتي شوية؟
خرجات عينيها لأنه كيهضر من نيته: عماد راه مزال ما يخليوني نخرج ما عارفاش التفاصيل بالحق قالت ليا المحققة مزال ما متأكدينش واش الخطر حيد عليا ولا باقي
عماد حرك راسه: واخا انا نقلب على هاد التفاصيل
نهيلة: كيف داير عمي ودادا وعايدة ؟
عماد: سوليني على راسي.. أما راه كلشي كياكل الخبز
حسات بيه تقلق وعارفة بلي غير الاشتياق ليها هو لي خلاه فهاد الحالة وهي أكثر منه بالحق باغيا تعيش معه فراحة وبلا مشاكل هادشي باش كتبرد راسها

دخلات المحققة وما رضاتش البال: الطائرة الخاصة لي جايبة الشاف * خليفة * غا تحط نيشان فالمستشفى حالة زين خطيرة.. وخاص نمشيو تما بغرض تتعرفي عليه اا نهيلة مستعدة ياك؟
ما عرفات تجاوبها ولا تجاوب عماد لي غادي يخرج من التيلي كيغوت ويعاود أنها ما تمشيش تشوفه ولا يكون معها
عماد: والله وتمشي تشوفي داك ***** ******** ***** حتى نريب داك المركز والصبيطار على ******** تاع بوووهم 
دخل وفيديه ملابس كثيرة تقول مشا تسوق على راحته وهو راه دخل لمحل قرب الفندق خاص بأي حاجة للنساء عطاهم قياسها خدا لها بيجامة ولبسة أخرى كاملين مكمولين من اختيار وحدة من البائعات لي تما من بعدما قربها من ذوق عايدة.. ملي دخل كيسمع صوتها كتنين وتنادي بنفس الأسماء ولكن عماد هو أكثر اسم كتردد
تصعق ملي قرب ليها أكثر وشاف حنيكاتها حومر والسخانة طالعة ليها حالتها ديك الساعة عيط على الريسيبشن جابو ليه مخفضات الحرارة وميزان الحرارة