🌹هن القوارير🌹 (في طور التنزيل )

part14

👑👑 هن القوارير 👑👑
شمس الغريب

الجزء 14:

طلعات والسخونية طالعاها باقي يالاه بدلات دخل زيني فرحي ناشط وهي كتقول مع دماغها ما عرفت اش قالت ليه حتى فرحاته حتى زوجة ما تقبل راجلها يهز معه شي وحدة ما كتقربو حتى شي حاجة وعاد مناقشين فالموضوع ناهيك على الزواج لي خرج بيه من جنب واتهامه ليها بالعقم

ع.الخالق طبطب على السداري: اجي اا ضياء اجي راني فرحان عندي ليك خبر زوين
صغرات عينيها وجلسات: خبار الخير
ع.الخالق: كل خير انشاء الله ... عقلتي على الديبو لي قلت ليك غا يحلو جديد
ضياء: ووقلتي بلي واحد منكم هو لي غادي يكون شاف عليه .. (شدات على فمها) ما تقول ليا اختاروك انت لي تكون (تبسمات) الشاف
قرصها من خدها: كطيريها فالسماء
ضياء بصفاء قلبها: فرحت ليك والله تستاهل تعذبتي باش تشد داك المنصب

هنا يبان ليك اا ولد الناس بلي ماشي أنانية بالعكس باغية ليك الخير وكتمنى ليك الربح والنجاح فالحاجة لي ضربتي فيها تمارة ماشي غير ما كنولدوش نتي السبب وخاص تخليني نتزوج ولا نتي أنانية بلا ما نزورو طبيب ما نديرو تحاليل

ع.الخالق شد فيديها مزير عليهم: سمحي ليا اا ضياء ما كانش عليا نتصرف بديك الطريقة وعارفك ما كنتيش تخليني نمشي بلا فطور وعارف بلي قسيت عليك (قبل يديها) سمحي ليا
ما بغاتش تخسر لحظتهم وتجبد ديك خيتي فهاد اللحظة: حتى انت سمح ليا ولكن
حط صبعه على فمها: داك الموضوع كان جدي بزاف وانا غلطت بزااف ما كانش عليا نفتحو بديك الطريقة

طرطقات عينيها ما عرفاتش على اشمن موضوع كيهضر بالضبط واش على موضوع البنت لي خاص يولي شيفور عليها ولا على الزواج لي تجبد وباينة بلي هو وعائلته كانو كيطبخو ويطخطخو ليه من قبل بقات حالة فمها مصدومة ما عارفة اش دير ولا اش تقول ويديها بين يديه وعينيه كيقلبو على

بقا شاد ليها يديها بين يديه كيمرر صباعه عليها بحنان لي ما استشعراتوش هاد المرة
ع.الخالق: ضياء نتي راه كنتي بحال شي ضوء نور ليا حياتي كنتي كتباني ليا فالدرب وما كنتش نقدر حتى نهز فيك العين بكثرة احترامك لراسك فرضتي على الكل يحتارمك نهار قررت نتزوج وحطوك العائلة قدامي قلت غا تكمل فرحتي إلى قبلتي بيا
بغات تهضر وقاطعها حاط صبعه السبابة على فمها: غير خليني نكمل حتى انا بغيت وليدات اا ضياء حققت طلبك ومشيت للطبيب درت التحاليل اللازمة (مد يديه للصاك جبدهم قدامها) أنا كنولد اا ضياء ما عندي حتى شي مشكل والى كنتي كظني بلي إلى تزوجت غانهملك والله الى راك غالطة نتي هي كلشي نتي هي لي بغيت من بعد زواجي بك ما قادرش على هاد شي ولكن بغيت وليدات .. وها نتي ربي كيدير الخير الخدمة ولات مزيانة غادي نقد بهاد المسؤولية

بقا كيشوف فيها ما دارت حتى ردة فعل طبيعي كانت مصدومة من كلامه ما توقعاتش منه يمشي للطبيب ويجي يزيد فاتهاماته ليها بقات كتشوف بلا ما ترمش واش هذا هو الخبر المفرح كانت بغات تسمع هادشي ولكن بنسخة مختلفة ماشي بهاد الطريقة

نفضات يديها من يديه فاقت وفيقاته: ما متيقاااش اا عبد الخالق كيفاش قدرتي دير هاك هاا كيفاش انا عمري قلت ليك انت عاقر ولا فيك المشكل عكسك انت.. انا فاش كنت كنقولك نمشيو للطبيب كنقولك نمشيو بجوج حيت ممكن ما يكون لا انا لا انت فينا المشكل.. انا اا عبد الخالق كنت مستاعدة واخا يكون انت لي فيك المشكل ما نخليكش
قاطعها: حتى أنا ما باغيش نخليك اا ضياء نتي لي تسمي الوليدات نتي لي ترب....
وقفات ما باغياش تسمع أكثر: واش سااامع ااش كتقول اا ..

انهارت اصلا الطريقة وللنبرة باش كانت كتهضر تشفي العديان وتبكي الحجر وتهضر البكم وتسمع الأصم كواها فقلبها وشواها علاش هي عمرها ظنات فيه هاد التصرفات علاش الإنسان كيتغير

تقدمات لباب الدار ناسية راسها بلي راه بحوايج الدار: يالاه نوض يالاه نمشيو للطبيب حتى انا مستاعدة ندير التحاليل اللازمة
بانت ليه كتصرف بلا عقل وصوتها ارتافع على غير المعتاد ناض طرق الباب وشدها من كتافها كيزعزع فيها
ع.الخالق: فيقي اا ضياء واش أنا راجل لي ندي مراتي يقلبوها الرجال
تنترات منه: كاينين طبيبات
ع.الخالق: مستحيل نخليك تنهاري وتمرضي ملي يقولو ليك ما كتولديش
غوتات: وااا غير خليني ننهار غييير خليني

                💣💣💣💣💣 توقاعتكم وآرائكم 💣💣💣💣💣

ااااا حاااي على كحل العفطة