🌹هن القوارير🌹 (في طور التنزيل )

part97

👑👑 هن القوارير 👑👑
شمس الغريب

الجزء 97:

الشميسة طلعات معها حياة كل واحد تبدلات.. وخدات مسار جديد مسار لي غادي يبدل حياتهم بدرجات مختلفة.. طول الليل وهي كتخمم فالطريقة باش تهضر وتفتاتح هاد الموضوع جديد عليها والويكاند ساعدها نوعا ما
ضياء: بصحتكم الخريجة
زهور لي كانت لابسة: الله يعطيك الصحة.. لوكان غير مشينا مجموعين
ضياء حركات راسها: لا اا خالتي صافي من الأحسن غير نتي وياه
زهور: نقدر من تما ندوز عند ماماك.. ياك الويكاند ها راجلك معاك اا ختي
ضحكات ضياء: يااااك اا الخوييلة (سلمات عليها) يالاه بصحتكم.. واا عنداك تودرها اا عبد العالي

سدات الباب ورجعات تخشات جنب جلال لي دوز هاد السيمانة كلها شقاء.. أما هما خداو طاكسي لواحد المركب سياحي زوين يدوزو فيه النهار شبعو دوران فيه وتصاور كان فيه نباتات حيوانات مناظر زوينة ومحلات تجارية للصناعة التقليدية عاد مطاعم ومقاهي المهم بلاصة سياحية جلسو من بعدما عياو فقهوة وطلبو بجوج بيهم عصير

زهور شافت ف عبد العالي: ولدي.. اجي حدايا
ناض بكل فرح وسرور جلس جنبها: مالك اا ماما ما عجبتينيش؟
زهور: من ديما اا ولدي كنقولك الحاجة لي تخسر خاطرك ما كيناش.. وبلي سعادتك عندي احسن من أي حاجة فهاد الدنيا.. نفضل نبقا فالذل والقهرة غير انت تعيش مزيان وتكون بخير وعلى خير
عبد العالي حنى راسه بحزن: عارف اا ماما الله يخليك ليا
زهور: وبفمي قلت ليك عمري نفكر نتزوج ونخليك تحس باليتم ديالي وانا فالحياة
عبد العالي: واخا شحال من مرة خالي ضربك باش تقبلي بزز ونتي ما بغيتيش

زهور حسات بقلبها كينزف من رده راه ما باغيش: ودبا ملي كبرتي انا قررت باش نشاركك فقراراتي انت هو الراجل فحياتي.. إلى بغيت شي حاجة ما نتسوقش لخوالك طالما عندي ولدي كبر
عبد العالي: ما فهمتش اا ماما
زهور: ولدي انا وليت كنشوف فمستقبلك لي لولا خوالك لاخرين كون ضاع.. غا ندخل فالموضوع نيشان وبغيت رأيك
حرك راسه: وااخاا اا ماما
زهور: عتيق صاحب جلال.. طلب الزواج مني وانا ما عرفتش باش نجاوب.. وعلاش حرت؟ حيت بغا يحقق ليا حلمي لي هو فالاصل حقي.. بغا يعطيني فرصة نعيش انا وولدي تحت سقف واحد وبحياة كريمة ما يسبني ولا يعايرني حد.. باغيني انا وياك فحياته ويعاملك ماشي بحال ولده لأنك انت اا ولدي عندك باباك إنما بحال خوالك أو خوك جلال ولا شرف وحكم انت فهمتيني.. انا مهما كان جوابك انا قابلة بيه لأنه انت هو حياتي اا ولدي
لحسن الحظ هذا ويكاند حلات عينيها مرتاحة فنفس الفراش ما عرفاتش فاليوم الأول سبب الراحة باش حسات وسط هاد الفراش ولكن من بعد عرفات بلي راه هي كتمرغ فبلاصته حلات عينيها قافزة ما عقلاتش على راسها فوقاش نعسات لي عاقلة انه سكت وخرج من البيت وخلاها ولكن بقا فالدار يعني سيارته وكلشي فالدار ناضت عيانة دخلات للحمام قضت روتينها وخرجات لبسات كسوتها وهزات لوازمها من بعدما قادات الفراش وطوات ليه حوايجو حلات الباب لقاته مفتوح وهبطات بكل ثقة عارفة بلي ما كاين حتى واحد وحتى هو متأكد انه حتى واحد ما غادي يجي أما ما يحطهاش فموقف لا تحسد عليه