🌹هن القوارير🌹 (في طور التنزيل )

part71

👑👑 هن القوارير 👑👑
شمس الغريب

الجزء 72:

ريحة الرفيسة كتشم من الدخلة ديال الفيرمة أما الدار خلاص مجموعة ومتولة بالحق ضاغي عطات فيها ريحة البنة ديال الرفيسة لي ولات كتشم غير هي فالدار جلال لابس gندورة رجالية وكيعطر فقنات الصالون باش تبقا غير ريحة العود وهي معاونة مع العيالات لي فالفيرمة عاجبهم الحال معها وكيفاش عرضاتهم حتى هما باش يجلسو معاهم وحتى الرجال لي فالفيرمة قالهم جلال باش يتجمعو الحاصول تقول مطيبة لعرس استغربو منها كيفاش قادرة طيب كمية كبيرة

ضياء شافت فيهم بابتسامة: لهلا يخطيكم.. صافي دبا راه تقدرو تمشيو تبدلو حتى نتوما دبا راه بقا غير نحطو منين يجيو
المرأة الكبيرة: ما طفيش على البلول اا بنيتي ها نتي حيدتي الدجاج باش يتحمر.. نقصي عليه بزاف وخليه باش يشرب
ضياء: واخا اا خالتي

مشاو فعلا يبدلو فرحانين بهاد العراضة بحال اش وحتى هي سلتات على جلال خايفة لا يقنتها وهي خانزة بريحة الطياب وتحرج قدامه وهو قشعها وتبسم من تصرفها
بعد ساعة أو أقل تقريبا بانت ليه هابطة بقميص جوهرة زوين ومزينة راسها بذهبها وما دارتش الماكياج كثير بزاف حاجة بسيطة وصافي نازلة مع الدروج وهو جا استقبلها لتحت مد لها يده شدات فيها ولوخرى رماتها على كتفه ونزلات راسها باستحياء

جلال بصوت خفيف وحنين: داك العكر ما يخسرش إلى خديت شربة من شفايفك
حسات بالتبوريشة سارية معها: جلال.. غادي يجيو ويلقاونا
جاوبها بنفس النبرة ناوي يسكت ليها الحجرة: علاش كنسرقو؟ حلااااالي وفدارنا فين المشكل ممم؟ ومزال مخبية الرسائل لي كنت نصيفط ليها.. ها 200 درهم ها فالدواء
(غمزها مفكرها فالليلة لي فاتت اش لقا فديك البواطة الصغيرة حاطاهم مع الحاجات الغالية والثمينة)   
تسمع الدقان وتسلتات من يديه غادية فاتجاه الباب تبسم وهو كيشوف فالفراغ قدامه صرط ريقه وتبعها من الخلف متبع رزقه مشيتها وحركاتها كلها على بعضها حتى حلات الباب لقات عائلته هو متقدمهم سي محمد ولالة راضية سلمات عليهم واستقبلاتهم كاملين بحفاوة وحتى هما مكبرين بيها جلسو مجموعين فالصالون الكبير حيت مزال ما التحق كلشي حتى بداو كيجيو وتقسمو كيتسمع الهراج فالدار عرس صافي جاو حتى الناس لي مقابلين الفيرمة فالأول حشمو ولكن ملي لقاو التواضع منهم تطلقو معاهم
شوية ناضو مع ضياء عاونوها وسرباو الغدا هو الاول كلشي كياكل ويتبنن ويشكر لا منظر ولا مذاق كلشي كياخد العقل

ضياء من بعد ما تجمعو الطوابل دفعو للرجال اتاي يعمرو لراسهم باش تطول الجلسة والتقيوتات وجات نوضات لعيالات لصالون آخر حتى كيتصدمو بالبرزة لي محطوطة ديال الحناء والنقاشة باين واش يالاه وصلات كلشي تفاجئ وعجباتهم التبريزة
كلشي كيقول تبارك الله على البرزة وبلي مفاجأة زوينة وكل واحد جلس والبنات مشاو كيتصورو حداها ضاحكين ناشطين
ضياء كضحك معاهم: اييوة نوضو نووضوو.. هو الصراحة انا راه لي بغات تنقش مرحبا دايرة بحسابكم كاملين بالحق البرزة لا.. غييير ديال وحدة صافي