🌹هن القوارير🌹 (في طور التنزيل )

part123

👑👑 هن القوارير 👑👑
شمس الغريب

الجزء 123:

كان فلاصال لي عندهم معزولة فواحد المرفق فالفيلا كيتريني حتى صونات لالاغم ديال التيلي دياله هزها وبانت ليه وقت خدمتها انتهى ديك الساعة رسل ليها ميساج وملي بانت ليه كتسجل اوديو طويل استغرب فالأول كيفاش هي يعني هي غادي تصيفط اوديو بقا واقف بفضول مع وصل ضغط عليه
مع بدا غوباشتو تدريجيا بدات كتفك وابتسامة صغيرة طلعات على محياه وشحال زوينة ابتسامته مع دائما مأكتيvي الوجه العبوس ملي كيبتاسم كيبان كأنه شخص خجول ومع قالت فالاخير ديك ولكن زوين تما كملات ليه الباهية غير كيكمل الاوديو كترجع الغوباشة ويعاود يسمع ليه مرة أخرى لدرجة نسى باش يجاوبها
خدا دوش وبدل وهبط بانت ليه الأم دياله شادة براد ديال اتاي ودايرة جلسة فوق الgازو هي والمرأة لي كانت كتقابل معها ولادها ومسؤولة على الدار حتى بعث معهم باس لكل وحدة جبينها وجر مخدة تكا عليها كأنه قايد زمانه مدو ليه كأس اتاي

بعد صمت طويل خليفة تنهد: دخلنا عليكم بالله.. واش أنا قاصح بزاف؟
شافو فبعضياتهم وهضرات امه: واا ولدي علاش هاد السؤال؟
خليفة دار بناقص: صافي بلاش عليك
ناضت السيدة وبقات هي وياه: واا اا ولدي الغزال.. بالنسبة ليا انا راك شهوة.. وبحالك فالأولاد ما كاينش.. ولكن دبا شوف طبعك تقريبا بحال باك حتى هو قاصح.. وانا كنتقبل طبعك حيت انت ولدي ولكن طباع باك مرة نتقبل مرة لا ولكن كنصبر
هز فيها عينيه طبعا هي فهماته علاش سول لأنها أمه وما يفهمك حد قد ميمتك وحتى هو فهم بلي فهمات علاش جا هاد السؤال
زادت كتلعب بصباعها وسط شعره: بالحق اا العزيز الغالي.. لي يبغيك كيبغيك بطباعك.. نخاف غير ولدي الوحيد يطيح حبه على شي قاصحة الراس بحاله ونوحل انا (ملي تفكرات) أما ديك رشا لي مصدع ليا بيها باك راسي راه إلى سايرتيه نخرج ليكم من الدار انا وها أنا علمتكم

ضحك من توعدات أمه الكاذبة واخا يجيب 10 من رشا ما تخويش: علاش مالها رشا؟
ضحكات باستهزاء: لااااا لااا ما مالهاش غير ما تعزلهاش من بين الرجال.. الgارو وكتكميه.. الشراب وكتشربو ااش بقا لها.. بقات لها حتى هي تلقا شي بنت الناس تقبل عليها ببليتها وخدمتها وعصبيتها
يالاه غادي يجاوبها تدخل الاب دياله مشارك معاهم الجلسة: داكشي غير فبداية خدمة البنت.. وخدمتها صعيبة بفمك قلتيها ما تعزلهاش من بين الرجال كدير خدمة كثر من 10 الرجال غير بوحدها
هزات يديها كتشالي: وانا باغيا لولدي عروسة ماشي طرزان.. راني كنقولك اا عبد الله تحكمتي فحياة أولادي وقرايتهم بالحق فزواجهم كلهم دخل سوق راسك
بعناد حتى هو: تصرفتي فالبنات خلي ليا خليفة مني ليه

وقف هاز كأسه ومبعد هادشي لي كيعصبو فباه ما كيشوفوش ولده كيحس بيه كأنه كيشوفو مشروع دياله باغي يوصلو لأعلى القمم حتى من حياته الشخصية كيبغي يخشي فيها نيفه
وسط دارو واقفين كانت خاوية ونهيلة مصدومة على الاخر: اويلي ياكما جاك السيزي
بغا يجربها نيت ملي جات منها حك مؤخرة رأسه وحزن ملامحه: وااييه كلشي مشا.. هذا هو الموضوع لي كنت كنقولك خليه لمن بعد.. حتى الطموبيل غادي يديوها غدا
نهيلة غوتات وسط وجهه: والشركة اا عماد
عماد بملامح حزينة: حتى هي للأسف دخلت فمناقصة انا ماشي قدها وخسرت.. ما بغيتش نطلب مساعدة الواليد حيت هو غاتجيه مزيانة نترأس الشركة
نهيلة قربات منه كتزعزعو: وااا علاش ما قلتيهاش ليا علاااااش نبيع المgازة والمصبنة وما نضيعش الفلوس لي كنت مخبية فالإصلاحات