🌹هن القوارير🌹 (في طور التنزيل )

part59

👑👑 هن القوارير 👑👑
شمس الغريب

الجزء 59:

كمل الاسبوع ودازت نهايته فأحسن بلاصة ليها ولي هي دارو لي برا المدينة ما كاينش اليوم لي ما دوزوهش فهاد الاسبوع بلا حلويات وقتما جا الخير نفعهم بجوج هما عايشين الحياة فرحانين ووحدين آخرين مكمدين وكيدرسو فخطواتهم

عاض على حنكه من الداخل وهي متكية على كتفه عيانة: يالاه اا البرانسيسة وصلنا
حلات عينيها بتثاقل عيات بزاف هاد الاسبوع ولكن هي لي كانت باغيا تستغل أي وقت قبل لا تسالي ليها العطلة وتبدأ ثاني الجهاد
جلال كيقاد ليها الزيف على راسها وكيمرر يديه على خدودها: إلى كنتي حاسة براسك ماشي مزيان صافي نطلبو لك إجازة اليوم
حركات راسها بلا وقربات باسته غاطسة فمها وسط لحيته: أم أم.. صافي انا غير ندخل ونشوف الماطيريال نفيق
صغر عينيه وقرب همس ليها: نتي ماطيريال واحد هو لي كيفيقك ها هو عندي.. (باسها هو هاد المرة بحنان) يالاه سيري.. قراي مزيان

هبطات هاد المرة كتجري هاربة منه لقات راحة يالاه شوية باش دخلات جمعات هي وياها قبل ما تمشي كل وحدة لحصتها أما جلال تحرك من تما ما مديهاش فالطموبيل لي تابعاه والدموع فعينيها كتسنى الفرصة المناسبة فين تهضر معاه وهو عافط حتى وقف قدام محل كبير خاص بأي حاجة كتخص البناء من معدات من أدوات لوازم....

فعلا كانت هناء فاقت هي الأولى فالمغرب يمكن لبسات وقادات حالتها على أكمل وجه حاولت أنها تكون كلاص امرأة ناضجة خرجات مخلية رسالة حدا نهيلة ما وقفات حتى لقدام فين ساكنين فالمدينة بقات ساعات وهي كتسنى غير خرجو تبعاتهم شافتو حتى حط ضياء وتبعاته كتسناه غير يوقف تنزل تواجهه بقدومها وتشوف ردة فعله

يمكن كانت عندهم نفس الفكرة فنفس النهار حتى هي من بعد تفكير طويل متعمق قررات أنها تجي تحط شي نقيطات على الحروف وتشوف باش غادي تحس داك الساعة واش فعلا كما قال خوها غادي تقدر تعيش وتنسى هاد الحب لي منغص عليها حياتها ولا غير كيخربقو الناس وما عارفينش اشنو معنى الإحساس لي كتحس بيه هي

أما هو كان واقف كيشوف ف عايدة لي هبطات من الطموبيل دياله معرضة ليه قبل لا يدخل يراقب هاد المحل لي هي عارفة بلي كيبدا بيه هو الاول بكثرة ما كانت فحياته غير هي بنت فهاد السنوات الأخيرة أو عفوا دخلات راسها أو نيفها بالأحرى فحياته ولات عارفة كل حاجة عليه وقف مقابل ليها خاشي يديه فجيابه كيتنهد بقات ليه حاجة وحدة ما دارهاش باش تبعد منه وهي مزال ما عطاها شي ملخة ديال العصا

هو كيشوف فيها ما فاهمش سبب شوفتها ليه بهاد طريقة لي دايرة فيه تساؤل تعجب استغراب صدمة غضب اشاوا مال هادي كيقول فدماغه
هزات صبعها هند مشوكية فاتجاهه هز صبعه حتى هو شير لراسه بتساؤل زعما واش أنا حتى بان ليه بؤبؤ عينيها تحرك من الشمال لليمين عرف بأنها كتشوف من وراه دار ويا ريته ما دار فعلا كانت ليه صدمة ما ظنش أنها باقي عندها الوجه لي تبان به قدامه واخا تكون كاينة فعلا فالمغرب ولكن باشمن وجه تبان قدامه هو بالخصوص