عشقك إدماني

Parte 10

دخلات دار سدات عليها وكلسات فمراح لكان مفرش وكلسات كتفكر وكتقول مع راستها ناري كنت شويا ندخل الحبس اويلي حمدالله حمدتك ياربي وشكرتك مدخلت داك حبس وتعششت فيه وصراحة هاد شاف زوين ناري شكانقول انا مالي تسطيت ودبا بقيت بلا خدمة
كانت هديك ساعة 8 ديال عشيا شويا كتسمع دقان فدار شويا كتسمع بحالا صوت صوفيا
صوفيا : وإسراء وحلي اصحبتي
خرجات إسراء فتحات الباب وهي تعنقها
إسراء : وتوحشتك اصحبتي دبا 6 أشهر باش مشيتي بقات بلاصتك خويا
صوفيا : وحتا أنا صحبتي توحشتك
إسراء : فين خالتي رحمة وامتا جيتيو
صوفيا : يلاه جينا وماما فدار وقلت نجي عندك ونجمعو ونهدرو وغدي نبات معاك اليوم
إسراء : اه دخلي اصحبتي دخلي عندي شلا مايتقال
صوفيا : اوا قوليلي
قالتلها إشراء كامل داكشي لوقع معاها
صوفيا :اويلي ويني مكتحشم عاد ختنا حمدالله لبانت قضية وخرجتي بريئة وهذا مول مقهى تفو كلب حمار لاخور
إسراء :ويه اصحبتي اليوم طلعلي اعصاب
صوفيا : اوا شنو غديري دبا
إسراء :معرفت اصحبتي شغندير
صوفيا : اكون اخير اصحبتي
إسراء : صوفيا قوليلي شحال جبتي عندك هاد العام أولى باك وش مغتقرايش تما
صوفيا : اه صراحة مجبت مزيان جبت غا ديك9 ومكرهت نعاود عام و اه غنقرا هاد عام هنايا تما مولفتوش وحمدالله بابا رجعتلو خدمتو هنا كون صحبتي قريتي راه باقي عندك فرصة
إسراء : الله يوفقك اصحبتي وصراحة غيتعبك كريدي وزيدون غار خليني يلاه قدا بماكلتي والكرا وزائد مشاولي جوج خدمات
صوفيا : اوا شغانقوليك الله يعاونك
إسراء : امين يارب
ناضو فرشو وتماو باش ينعسو
صوفيا : عرفتي إسراء حالتك صعيبة بزااف علاش متلقاي شي فارس احلام وتعيشي معاه فسعادة
رمات عليها وسادة إسراء
إسراء : سكتي بقالي انا شي فارس أحلام
صوفيا : ومالك حتا انا بغا شيواحد ادافع عليا ويبغيني
إسراء : لاحولا ولا قوة الا بالله هبيلة نتي خلينا نعسو يلاه شحال فيك ديال هدرة
صوفيا : وخا نعسي نعسي