عشقك إدماني

parte 137

ختارت فلم معين وبقات مكونسونطريا مع أحداث فيلم وهي فإيدها سقاطة كتاكول تاتم داخل إلياس ودور عينو في إرجاء كقلب عليها بعينو تقال مع راسو اتكون في البيت يلاه كان غيطلع مع دروج دور راسو جهتها رقاها جالسة وكتنخصص وتبكي جا كجري مخلوع عندها وهبط مستواها ونطق بإستغراب : مالك اعمري مالك كتبكي اشواقع
إسراء مسحات دموعها ونطقات وهي كتنخصص وتمسح في دموعها : إلياس شوف هوما قتلوه حشوما عليهم علاش اديرولو هكا علاش هاد الغدر
إلياس بقا كشوف فيها مفاهم والو ونطق : اش كفاش شكون هذا لقتلوه
إسراء نطقات: حيد راسك خليني نشوف شنو يوقع تاني كباليا مسكين غيدفنوه بقا فيا شاب صغير يموت خسارة
إلياس دور راسو جهة فين كتشوف و دار عندها وهو كشوف فيها ديك نظرة غنشدك نفلعصك ونطق بحدة وهو كدوز إيدو على جبهتو : هاذ البكاء كامل على هذشي لكتفرجي فيه هدري
إسراء سرطات ريقها شافت فيه ببراءة وكتفرك فإيديها ونطقات : اااه انت هدشي مغتفهموش
إلياس جمع وقفة ونطق : لاحول ولاقوة الا بالله العلي العظيم ، نوضي طلعي تلبسي لباسك باش نمشو وطفي عليك هاد زمر واخر مرة نجي ونرقاك كتبكي على شيحاجة تافهة حسابي معك هو اللخر
وتم طالع وهي بقات كترمش بعينيها كتستوعب كلامو تنطقات بجهد من بعد مستوعبات : ولا هدشي راه ماشي تافه بالعكس راه فيلم واعر
وطفات تلفازة وطلعات البيت سمعات حسو في دوش كدوش هي مشات دريسينغ ختارت لو مايلبس لكان عبارة على قميجة كحلة مع سروال كحل وفيستة كحلة كذالك كما كيبغي وحطاتهم فوق نموسية ومعاهم لباس داخلي تاتم خارج لاوي فوطة على خصرو وفإيدو فوطة صغيرة كنشف بيها شعرو بقات كتشوف فيه وساهية فجسمو رياضي وطلع عينو فيها ونطق : مغدخليش دوشي
إسراء بتسمات ببلاهة كتخفي إحراجها ونطقات : ايه ايه غندخل ندوش اكنت كنتسناك تخرج
ضحك فنفسو على هبالها وهي مشات هزات برودويات دياولها تجهات نيشان الدوش باش دوش عليها
اما هو لبس لباسو لوجداتلو محبوبتو مع سباط كحل وهبط تحت مخليها على راحتها
خرجات من دوش مشات دريسينغ نيشان ختارت منو جلابة كحلة لي مطرزة ومنبثة بالعقيق وهزات ميني طالون بالكحل كذالك حطاتهم ومشات جلسات مقابلة مع كوافوز كتدهن لحمها بلكريم فانيلا وملي كملت بدات كتنشف شعرها وسرحاتو بالبلاك خلاتو مسرح على طولو واما وجهها كتفات فقط بمرطب شفاه و تجهات لبسات ديك جلابة وميني طالون وهزات صاك صغير كحل دارت فيه اغراضها وهزات لبراسلي درتهم فإدها وأكيد خاتم زواج وخرجات من بيت هابطا وحاضيا خطواتها تنزلات اما هو لكان جالس خدام وكتسناها طلع عينو فيها بقا غار ساهي وكشوف فيها وتجهات عندو وقفات قبالتو و هي مبتاسمة ملي شافت كفاش كطلعها ويهبطها بنظرات إعجاب ونطقات وهي مبتاسمة : هلو فين سهيتي
ناض إلياس من بعد ماحط بيسي جانيا وشد إيديها وبدا كدورها وكصفر : لا لا اعمري نتي فتي زين لهيه مخاصك تخرجي بحالهاكا
إسراء شافت فيه بصدمة ونطقات : وعلاش
إلياس : رانك جيتي كتهبلي نتي راه غتسطيني فخبارك هتشي ولا لا ناري كن رقيت منخرجك كاع منخرجكش
إسراء عضات على شفايفها ومهبطة عينيها تحت وخجل مسيطر عليها
إلياس قرب منها طبع قبلة فجبهتها كنوع من رضى عليها وعنقها جنبو ونطق هو كشوف فيها وحاضي تفاصيلها بعينيه : الله يحفظك من كل شر ويخليك ليا ونتي وهاد ولدي ولا بنتي لجاي فطريق فخبارك نتي احسن حاجة وقعاتلي هي ملي تعرفت عليك وبغيتك
إسراء طلعات فيها عينيها دمعانين وتلاحت في حظنو ونطقات : حتا انت احسن حاجة وقعاتلي رقيت فيك زوج والاب والاخ وعوضتيني ومخلتيني مخصوصا من والو انا محظوظة بزااف بيك
من بعد مفصلات عناق وهو كشوف فيها ومد يدو مسح لها دموعها ونطق : هادو لاش هادو
إسراء : معرفتش
إلياس : يلاه اعمري انتعطلو
إسراء : وخا انا بعدا وجدا
هو تحنى وطفا بيسي ودارو فوق طابلة وتاجه عندها معنقها في جنبو وخرجو من فيلا ركبو فاللوطو نيشان لمكان فيلا عماد
مسافة طريق تكانو وصلو فتحولهم حراس بوابة تاتم داخل باللوطو ديالو نيشان لجهة فين كبلاصيو اللوطو عاد بلاصاها وهبط كما العادة فتح لها الباب هبطات هي كذالك وشد فإيديها مورا ماقفل اللوطو وتاجه نيشان الباب دق تافتحاتلهم خادمة وتاجهو داخلين تجات ليلى بتجاههم وعماد وريتاج مستقبلينهم نطقات ليلى
ليلى : مرحبا بكم نهار كبير هذا نتوما الا معيطليكم متجوش عندنا والو
جات عندها وعنقاتها إسراء من بعد مفصلات عناق وتسالمات مع عماد ونطقات : كدايرة اخالتي لباس عليك
ليلى : حمدالله ابنتي ونتي لباس ياك بيخير
إسراء بتاسمات لها ونطقات : انا بيخير حمدالله
عماد : دخلو مرحبا انت إلياس لباس عليك
إلياس عنقو عناق رجولي وسلم على خالتو ونطق : حمدالله وانت ياك بيخير
عماد : حمدالله
إلياس : الخالة بيخير
ليلى : حمدالله لباس ملي متفكر خالتك متقول نجي نزور خالتي والو
إلياس : والله لامعا الوقت والخدمة وإسراء مع قراية رانك عرفا
تمو داخلين داخل تقريبا نفس ديكور لفيلتهم فكازا
ريتاج جرات معاها إسراء ونطقات هوما داخلين : هايهاي على ناس لابسة بلدي
إسراء نطقات: اجي نتي ياك قتلك دقيقة ترجعي صدقتي مفوتة بزااف ديال وقت فين كنتي
ريتاج دارت تشوف جنبها ياكما سمعها حد ونطقات : اشش سكتي وش بغا تفضحيني
إسراء : دبا انا راه شدني فضول
ريتاج : وتهناي غدا نعاودليكم
وتاجهو وقفو فصالون كانو مجتمعين كهدرو وقفات إيمان معنقة ولدها عناق حار وكتهضر وتعبر على إشتيقاها : توحشتك اولدي توحشتك الغبرة هادي متجي عندنا موالو
إلياس : كدايرة الواليدة لباس عليك
ونطقات بعد مفصلات عناق معاه : حمدالله اولدي نتوما وش بيخير فيناهيا بنيتي إسراء شحال توحشتها
إلياس بتاسم ونطق : هاهيا هنايا اما هو تاجه يسلم على باه وختو و إيمان تجهات عند إسراء لكانت منغامسة في الحديت مع نور وريتاج تنطقات
إيمان :إسراء متعنقينيش ابنتي
إسراء تلفتات عندها ونطقات : اهلا اخالتي شحال توحشتك والغبرة هادي وعنقاتها وبقاو شحال كتسالمو وتجهات عند عمران تسالمات معاه عاد عند نور لمحملهاش وقربات تسلم عليها تنطقات
نور بتاسمات لها ابتسامة استهزاء ونطقات بسخرية : اخليك متسلميش عليا بقاي بعيدة عليا حسن ليك
إسراء طلعات حاجبها فيها مستغربة ونطقات بهدوء : وخا
تواحد ملاحظ هدشي من غير نور لكتشوف فهدوء الموقف لطرا قدام عينيها ونطقات
نور : إسراء هانيا عندك اختي
إسراء : حمدالله وانتي بخير
نور بتاسمات لها ونطقات: حمدالله
إسراء : مبروك عليك الله يكمل عليك بالخير اختي الله يسر ليك
نور : امين يارب احبيبتي
تجات إيمان وجراتها وجلساتها حداها ورانيا جلسات حدا نور اما إلياس جالس حدا عماد وعمران وليلى جلسة حدا إيمان من ديك جيه وريتاج جلسة جنب إسراء
نطقات إيمان وهي فرحانة بوجودهم : مشاء الله على مرات ولدي جيتي كتحمقي ابنيتي الله يحفظك من العين
رانيا غامخنزرة معجبهاش الحال يكون ضوء مسلط على إسراء
بتاسمات إسراء بالخجل ونطقات : شكرا اخالتي
إيمان : اوا تبارك الله مشاء الله اولدي رانك ديتي زين وتباتة ورزانة مشاء الله
إلياس نطق : بالطبع الله يحفظها لي ويخليهالي
إسراء فقط مبتاسمة ومهبطة عينيها وحاسة بالحشمة ملي كيبداو اشكرو فيها
تنطقات إيمان : امين اولدي مصاب تجيبولنا شي حفيد اعمر علينا دار
وهي تنطق ريتاج : وايلي معرفاش اخالتي راه إسراء حاملة
إيمان ضحكات نطقات : وش بصح
وشافت جهة إسراء وفرحة باينة من عينيها
: بصح ابنيتي هي حفيدي جاي فطريق
إسراء نطقات بخجل : ااه اخالتي كنت غنقولها ولكن هاد جنية سبقاتني فمها كيكولها ههههه بغينا نديرو مفاجأة وسبقاتني
ليلى : مبروك عليك احبيبتي مبروك الله يثبت حملك يارب
إيمان ضماتها عندها ونطقات وهي فرحانة : حمدالله
وزغرتات تزغريتة لين صمكات إسراء وفرحانين بهاد خبر وعماد وعمر باركو لهم وليلى كذالك ونور وريتاج وخا عارفين عايشين فرحة معاهم من غير رانيا نزل عليها خبر بحال صاعقة ونطقات بدون إدراك : كفاش حاملة شكون حاملة
إيمان طلعات عينيها فيها ونطقات : ابنتي وقيلا تكلختي مرات خوك إسراء حاملة غيجينا شي فنيكيش
رانيا نطقات مغددة : شكون قالها تحمل
إلياس نطق مستغرب : كفاش ارانيا شكتقصدي
نور قربات حدا رانيا ونطقات : ديري عقلك ارانيا اشهاد الاسئلة كتسولي وش انتي شويا لباس عادي مرات خوك حاملة باركي ليها وباركي لخوك
رانيا داركات نفسها ونطقات هي مبتاسمة ابتسامة صفراء : ااه ههه غير مع فرحة معرفت شنو كنقول مبروك عليك ا حبيبة مبروك عليك اخويا فرحت ليكم بزااف
إسراء : الله يبارك فيك
اما إلياس حدو امالها براسو
وبقاو كهدرو ويجمعو شنو كتوحم وهوما كعطوها نصائح ليلى وإيمان
ليلى : الوحم صعيب انا عند نور دوز عليا عذاب ولكلتو حشاكم نردو
اما عند ريتاج داز مزيان ماشي بحال ملي حملت بنور
إيمان : ويه حمالة صعيبة نتي ابنتي حاولي تبعدي من سكريات وسقاطة راه الله يحفظ يديرلك ديابيت راه ممزيانش كثرة حلويات
إسراء نطقات : وشغندير اخالتي الوحم جاني عليه
ليلى : الله يعطيك ذرية صالحة ابنيتي
إسراء : امين اخالتي
ونطقات إيمان : اوا ابنتي شحال عندك دبا
إسراء : عندي دبا 3 اشهر
إيمان : هي 4 اشهر غادي تشوفو جنس الجنين
إسراء : ان شاء الله اكون غابصحتو
اما رانيا ستاذنات منهم وطلعات الفوق فتحات بيتها لكانت غرفة عبارة عن غرفة هادئة بعض شيئ من ناحية الكولور لمصبوغ بيه بيت لكان بالبيج ونموسية فالوسط ومقابل معاه درسينغ وحداه دوش وكوفوز لكاين فجنب نموسية عاد كاين بالكون لكانت فيه واحد الجليسة
سدات الباب بدون مدور ساروت وبقات غادا جايا وكترجع شعرها اللور بعصبية ونطقات بصوت مرتفاع : اللفعة بغيتي تربطي خويا بولاد هااا والله لكانت ليك الا مخليت قلبك يتحرق على ولدك لغيموت منتسماش رانيا والا مفرقتك على خويا ابلاتي عليك اليتيمة اللفعة كلهم فصفك هااا
تفتحات نور عليها الباب وشافت جهتها رانيا بنظرات الغضب بينما نور نظراتها هادئة دخلات من بعد مسدات الباب ونطقات رانيا بعصبية : اشنو باغا خرجي عليا لاش داخلا عندي نتي
نور نطقات بهدوء : كالم طوا رانيا مالك وش مفرحناش ان خوك ومراتو بعد بضع اشهر غيكون عندهم بيبي
رانيا نطقات مغوتة : وش كضحكي على وقت نتي بغيتيني نكون انا فرحانة انا غندمرها تداك ولد لفكرشها لفرحانة بيها غيموت وغيتحرق قلبها الا مدرت هدشي منتسماش رانيا منصوري
نور نطقات : اسمعي ارانيا مالك على هاد حقد كامل شنو دارتليك إسراء وش لهاد درجة نتي حقيرة بغا تقتلي طفل بريئ لباقي محل تاعينو فحياة بغا دمري حياة خوك علاش هدري
رانيا نطقات وهي شرارة غضب من عينيها : نتي مفاهما والو كن تعاونتي معايا وفرقناهم ݣاع مغادي نقتل طفل بريئ و هي مخصهاش تكون مع خويا هي اكبر سحارة كلشي دارتكم فصفها فينك انور ملي كنتي كتقولي خويا كتحماقي عليه فينكي هاا ولا دغيا لعبات بعقلك تانتي ونسيتي خويا وبغا تزوجي ولكن الا كانت ليها غنلعب اللعبتي وغادي نفرقهم
نور نطقات بهدوء وابتسامة سخرية على وجهها : نتي معاشرتيش إسراء كن عاشرتيها كن تانتي دبا فرحانة بحملها ومساندة خوك وفرحانة لفرحو وزعما نتي اخت نتي نتي اكبر وحدة نرجيسية وانانية شفتها نتي بغا دمري حياة خوك بغا تباني مظاهر لهامينك باش تقوليلهم راه خويا تزوج بفلانة بنت او فلانة بنت عائلة معروفة كذا ياك ارانيا هدري
رانيا نطقات : ااه انا ماعندي مندير بشي متشردة تكون فعائلتي غندمرها غندمها على نهار فكرات تزوج بخويا غنحرق قلبها وغادي نقتل ولدهم ونحيدو طريق ونحيدها هي كذالك والا ظطر انني نقتلها غنقتلها ومغنترددش
نور شافت فيها نظرات الخزي والكره من هادشي لقالت ونطقات بحدة : سمعيني مزيان تقريبلها غنوقف ضدك مغاديش نشوف كدمري فحياة خوك فحياة إنسانة بريئة ونسكت يا غديري عقلك ياغدي تعرفي مزيان شكون نور حيث نتي محال تكوني من عائلتي ابدا
ودفلات حدا رجليها
رانيا نطقات مغوتة : خرجي عليا يلاه خرجي
نور نطقات مهددها : والله يارانيا وتقيس شعرة من إسراء وولدهم ولا يوقع لها شيحاجة انا لولا لغادي نفضحك
رانيا نطقات مغوتة : خرجي عليا يلاه معندك ماتفضحيني خرجي
خرجات من عندها نور وهي تهز تيلي وطفات تسجيل صوتي ونطقات بينها وبين نفسها : ودبا نشوفو ارانيا تأاديهم نأديك حيث ميمكن نشوف بنت لسمحاتلي وعملاتني مزيان حياتها دمريها لها