عشقك إدماني

parte 125

بعد ساعتين كانو وصلو شوارع رباط إلياس دمارا نيشان وجهة دار حاج مهدي وحاجة فاطمة ومراهم عمر تكانو بعد دقائق وصلو ونزل حاج مهدي ونطق : الله يرضي عليك اولدي الله يسر ليك عذبناكم معانا
إلياس : امين يارب متقول هكا مكاين تاعذاب الحاج ،
الحاجة فاطمة : بسلامة ابنتي وسلمات معاها هي وحاج مهدي ونزهة ونزلو من اللوطو
ونزلات أية ووئام من اللوطو ديال عمر من بعد متسالمو مع صوفيا ونطقات
أية : بسلامة اصوفيا مرة مرة جي عندنا
صوفيا : ان شاء الله تهلاي فراسك وقراي مزيان بسلامة اوئام
وئام : بسلامة اختي تهلاي فراسك
ودمارا عمر نيشان هو صوفيا لدارهم
اما عند إسراء وإلياس
جات عندها وئام وأية وعنقاتها ونطقات
أية : هاهي دار جي عندنا عندك تنساينا هدي دار جدي وجدتي وحنا درنا مع دورة
إسراء : اه هكاك ان شاء الله انجيكم مط يلاه بسلامة سيري دخلي
وئام : بسلامة
ودخلو دارهم اما إسراء بقات جالسة اللور مربعة إيديها تنطقات : وش مغنتحركو لدار لاش باقي واقف
إلياس شاف فيها من مراية ونطق بعصبية : دوري تݣعدي لݣدام انا راه ماشي شيفور عندك
إسراء بقا فيها حال كفاش يهدر معاها بحال هكا وهبطات وطلعات قدام حداه وقدات سمطة عاد سدات عليها الباب ودمارا هو نيشا فيلا ديالهم بدون كلام وهي حاضية طريق والافكار كدوها وكجيبوها
بعد دقائق وصلو وبلاصا اللوطو ونزل منها تشاف جيهتها لهي جالسة مزال مهبطات ونطق : وش مغتهبطي ولا شنو
إسراء طلعات فيها عينيها لفيهم حزن لتعامل ديالو سرطات ريقها وهبطات من اللوطو بدون ماتنطق بتاحرف اما هو سد اللوطو ودخل سابقها وهي كتمشي بالبطئ تادخلو داخل وخادمات كحنو لهم بإحترام ومشاو خادمات جيهة كوزينة اكملو اعمالهم اما هو دخل جلس فصالون جات جلسات حداه وبقات شحال ساكتة ونطقات بهدوء : إلياس خاصك تسمعني
إلياس شاد تيلي فإيدو ونطق : هنينا ولا طلعي تنعسي ولا شوفيلك شديري خليني هاني فمخي
إسراء ناضت و مربعة بإيدها ونطقات مغوتة : ااه وخا ولكن بزز منك خاصك تسمعني سمعتي ولا لا انا مغنتحرك من هنا تنوضح الامور لواقع بيناتنا
ناض إلياس وقف قبالتها مع طويل عليها بزااف حنا راسو جهتها ونطق : اهاه الالة دايراها بإيدك وزيداها بالغوات
وطلع راسو ونطق : حيدي من قدامي ومتصرعنيش خليني معاك مزيان راه حاد الآن كابح نفسي عليك قبل مندير فيك شي كارثة
إسراء رمشات عينيها باش ميتساقطوش دموعها وجمعات نفس ونطقات : خاصك تسمعني ميمكنش تحكم عليا هكاك
إلياس داز من حداها وماشي طالع لغرفة وهي تدفع برجليها طابلة ونطقات مغوتة : إلياس راه غتندم انا ماشي من عوايدي نشرح لشي واحد ولكن الابقيت كدير هكا مغنشرحلكش راه عندك فرصة مضيعهاش
إلياس داى عندها ونطق : شغتشرحي الوقفة لواقفا مع داك ال* ها ولا خروجك بلا متعلمني ها إنا وحدة من هاد جوج غتشرحي ؟!
إسراء : انا راه موقفتش معاه
إلياس بتاسم بسخرية ونطق : سيري ابنت الناس شوفيلك شنو ديري وفوتيني عليك
إسراء بقات واقفا كتشوف فإلياس لطالع غرفة وجلسات ودارت إيدها على وجهها كتبكي وتفش قلبها ونطقات : انا راه مدرت والو علاش مباغيش افهم علاش مباغيش اسمعني شنو درتلو انا
اما هو لطلع لبس سروال سورفيت بالكحل وتوني بالكحل مزير على صدرو وهبط تحت رقاها هي لدايرا إيدها على وجهها وصوت بكاها لمسموع مشا يجري عندها هبط لمستوها وحيد إيدها من على وجهها وهي لوجهها حمر من البكاء وصوت شهقاتها مسموع ونطق هو كمسح لها دموعها بإيدو كتفحص عينو وجهها ورموشها لفازكين بدموع ونطق : مالك اعمري علاش كتبكي اشكاين
إسراء كتشوف فيها وبعدات من حداه ونطقات : بعد مني ماشي شغلك نكون كنبكي ولا لا
إلياس بتاسم وشعكك شعرها وجلس حداها : وايلي ولكن بغيت نعرف شكون بكا مراتي زوينة الغزالة ديالي
إسراء : كتسولني بوجهك حمر سير بعد مني ملي مباغيش تسمعلي سير فوتني عليك
إلياس : هههه عرفتي نتي وخا نكون فيا موت لعصاب راه غادمعة نشوفها فعينيه كطفيني كتخليني ملهوف فيك
إسراء بتاسمات وجمعاتها دغية وهو ينطق : غاورينا ضحيكة كتحاسبي عليها ولا شنو
إسراء نطقات هي كتشوف فعينيه : ولكن نتي مبغيتش تسمعني قلتليا واقفة معاه انا راه موقفتش معاه
إلياس نطق بجدية وهو حاضي ملامح وجهها : عرفنا موقفتيش معاه هو لتعرضلك انا عارف هتشي
إسراء: مالك كتقولي انا وقفت معاه
إلياس : هكاك نعصبوك
إسراء: معرفت شغانقولك مخليني مرضا مخي معاك لين بكتينا كاع والله تاحشوما عليك تاكسكو مكلتو من عند مي رحمة وانا كنت مشهياه
إلياس : وايلي وعلاش متوكلي ياك كتقولي ماكلة هي لولا وخا يوقع ليوقع
إسراء بتاسمات وحطات إيدها على اللحيتو كتلمسها وهي هايمة فتفاصيلو لكتجذبها ليه ودايرة فيه نظرة كلها حب ونطقات : علاش لعشقك انت غيتحلالو ماكلة وانت مقلق مني نو ابب نو ماشي ديما ماكلة هي لولا
إلياس تخدر من لمساتها ونطق هو هايم فعشقها : انا راه كنموت في حسك نتي اغزالي ازينة البنات
إسراء : ههه صافي تصالحنا
وبعدات من حداه ونطق إلياس : راه بربي نتي راه كتقلبي عليا
إسراء : ماشي دبا احبيبي تال منبعد انا فيا جوع دبا
إلياس ناض وقف نطق : بربي لازݣلتك فالليل عندك تختالقي شي عذر تاني منعقلش عليك نتي لقلبتي عليا
إسراء: اه صافي تهنا اناري
إلياس مشا هو ضاحك داز على كوزينة جبد قرعة ديال ماء باردة من تلاجة وخرج من فيلا نيشان ورا جردة فين كاين لاصال باش يتريني فيه
اما إسراء بقات جالسة وناضت طلعات الفوق دخلات غرفة مشات نيشان دوش دوشات وعتنات بجسمها وخرجات لاوية عليها فوطة وفوطة على شعرها مشات دريسينغ ختارت منو سورفيت كحلة فيها كتابة بالبيض
وجلسات عند كوافوز بقات كتنشف شعرها تنشفاتو وسرحاتو خلاتو مطلوق وهبطات تحت كوزينة رقاتهم منغامسين كقادو العشاء ونطقات : سلام البنات كدايرين
احد خادمة : سلام ختي إسراء ، حمدالله حنا بيخير توحشناك
إسراء : تاأنا توحشتكم
وخرجات من كوزينة خلاتهم منغامسين فعملهم هزات سوبيرة لفيهم حلويات لعطاتها رحمة ومشات خرجات من فيلا مشات جهة لاصال لقاتو كتريني فالصاك ديال بوكس وهي تجي توقف حداه هزا سوبيرة فإيدها وكتاكل من الحلوة لعطاتها رحمة وهو لكان مكنسونطري وهي تنطق فمها عامر بالماكلة : و إلياس واشوف فيا اصاحبي
إلياس سمع صوتها دار عندها هبطها وطلعها بعينيه ونطق : شكديري نتي هنايا
إسراء : ومالي منجيش نشوف راجلي شكدير
إلياس : ااه وخا من حقك الالة تجي
إسراء بقات كتاكول ونطقها وفمها عامر بالماكلة : اشوف هاا عطيني نجرب عفاك
إلياس ونطق : اش غتجربي ، سرطي وكان اداكشي لكتاكلي
إسراء سرطات ماكلة لفمها ونطقات : ومالك كتحݣرني ارا لهنا اصاحبي نجربو حتا حنا نفرغو غا طاقة سلبية
إلياس : انا والله معرفت وش مزوج بالمرأة ولا زوفري ݣادي كلامك
إسراء بقات كترمش عويناتها فيه ونطقات بلطف : وأرى خليني نجرب عفاك اإلياس خليني نجرب حتا انا كنعرف نتريني عفاك عفاك احبيبي
إلياس بقا كشوف فيا وبتاسم بجانبية و هو احيد ليقات ديال بوكس من يديه ومدهم لها ونطق : يلاه زيدي نشوف هاد خفة لفيك
تحنات وحطات سوبيرة تحت وهي تلبسهم بلهفة وخا جاو كبار عليها ونطقات : دبا تشوف وخا معنديش عضلات وانا على قد الحال غادي نصدمك فيا غشوفني
إلياس جايتلو ضحكة وحبسها ونطق هو مبتاسم : اوكان غابداي براكا من هدرة
إسراء معرفات بحالاش دير داكشي ونطقات : اقولي بحلاش وش نجمع ايدي ولا اش ولا ندير هكا ولا اش ولا نضرب رجلي في هاد خنشة
إلياس شد راسو بيديه وميت بضحك شداتو هسترية ديال ضحك وهي بقات ساهية فيه وفضحكتو لكطيرلها العقل ونطق هو من بعد محبس بسيف من ضحك ودار عندها رقاها ساهية فيه ونطق : احم اري لهنا ابنت الناس سيري تريحي لهيه هادشي راه ماشي ديالك
إسراء وعات على راسها ونطقات : الا ابلاتي نجرب مضحكش فيا انا راه عارفة غانسيت انت سير تريح لهيه
إلياس عقد حواجبو وشير لها بيديه ونطق: غازيدي وكان نشوف
إسراء بتاسمات : وخا غادي نصدمك فيا انا راه واعرة
وبقات كضرب ضربات خفيفة وهو ينطق : اري لهنا اري كن كانو الناس اضربو هكا وهلي
إسراء : وبلاتي دبا راه غاكندير احماء ليدي باش ندرب إيدي على ضربات باش منصدق مقطعة هادي وتصدق شاريها من جديد شتي راه كنراعيو ليك
إلياس ربع إيدو عندو بقا واقف كشوف شغدير
وهي ضرب بجهد بالنسبة ليها هي اما هو عندو ماضربة ماتاوزة وهي تبعد ونطقات وحاسة بإيدها كتوجعها : واه هتشي عندك قاصح
إلياس قرب منها ونطق : اشناهو لقاصح
إسراء : وهذيك الخنشة علين مهرسات لي إيدي اي وجعات لي إيدي
شدلها إلياس إيدها وحيد منهم دوك ليقات ديال بوكس بدا كلمس فإيدها وكديرلها مساج وحيد من حدها هز ديك سوبيرة وحطها لها فإيدها ونطق : سيري جلسي لهيه كولي هتشي لعندك ووفري طاقة
إسراء : ااه وخا غاتريني بصحتك رانك واعر
إلياس بقا كحرك راسو يمين شمال بهاد هبيلة لعندو ولبس ليقات ديالو وبدا كتريني وهي كتشوف فيه في تفاصيل جسمو وكتاكول بشهية وحطات داكشي من إيدها وبقات كتجرب ماتريال لتم
لين كمل إلياس ودار عندها ونطق : يلاه زيدي
إسراء : اخيرا كملت
وهو سبقها باش يمشي يدوش وهي تهز سوبيرتها تاني وتبعاتو وهو لدخل نيشان طلع الفوق ادوش عليه اما هي ماشيا كتمنظر وريح كضرب فوجهها ومرة شعرها يجي على وجهها تسمعات تلفون كصوني هزاتو رقات ريتاج مصونيا عليها
ريتاج : الو
إسراء : اهلا اصفريطة لباس عليك توحشناك اختي
ريتاج : بصح توحشتيني انا مكنتيقش اختشي ، علاش مشيتي بلابيا نتي وديك جرانة ديال صوفيا لكازا بلا بيا ياجحشات يامتسواو بصلة
إسراء: وابدينا فالمعيور اختي نتي تكلماي امالكي ، وراه مشينا على غفلة تلغدا ونعاودوليك
ريتاج : وخا تلغدا كولشي اكون عندي تنساو حرف منعقلش عليكم
إسراء : وصافي تهناي ونتي كدازت خطبة ختك كانت سبت ياك
ريتاج : اه دازت زوينة تخيلي داك مروان لغيولي راجل اختي ان شاء الله و صدق عندو خوه على مزيناتوا واختي تزعطت فيه
إسراء : ياك نتي كتبغي معتصم وش مك لشفتيه تزعطي فيه
ريتاج جالسة فوق سريرها ودارت شعرها ورا وذنها ونطقات : اااه واه باش نساه راه باينا مغاديش اديها فيا لاش انمرض مخي وتانيا انا راه مكنبغيهش غار عجبني وصافي
إسراء: اوا شغانقولك معرفت منقولك حالتك صعيبة ، لغنقولك يلاه بسلامة
ريتاج : سيري بسلامة تلغدا وتعادولي كلشي
إسراء: صافي تهناي
وقطعات معاها ودخلات فيلا رقاتهم وجدو لعشاء بعد دقائق تاتم نازل إلياس بشورط كحل والفوق توني بالبيض لاصق على صدرو وشعرو مخربق مامسرحوش حدو نشفو وهبط ورقاها هي جالسة عند طابلة وتاجلس حداها ونطق : عمري يلاه كولي
إسراء : وخا
بداو كتعشاو بجو مرح ومرة إلياس ومرة هي كتوكلو وهكذا
تناضو وطلعو فوق وقضاو ليلتهم عاد نعسو فحضن بعضيتهم