عشقك إدماني

Parte27

في جهة اخرى عند اهل ريتاج
ريتاج : شكرا ليكم كان عيد ميلادي زوين
ليلى : هانيا احبيبة نتي رانك بنتي ومنفرحش بيك
ريتاج : يلاه صبحو علي خير غنمشي نطلع بيتي
نور : ريتاج بغيت نسولك قبيلا علاش ملي هبط إلياس من فوق كان معصب ومخلني تانهدر معاه تجاهلني
ليلى : اه بصح انور وصحبتك إسراء كانت منزعجة ومعصبة شنو وقع نتي كنتي معاهم
ريتاج : اه موقع والو غير نتوما كتعرفو ديما إلياس معصب فين معمرو عطانا شي وقت
نور : اه صراحة ديما مخنزر هههه ولكن صحبتك كانت فرحانة ولكن بان عليها غضب مالها
ريتاج : غير دبا باباها قالها ضروري تجو حيت قاليهم خاصهم ارجعو دار مع تمانية اكيد ايكون خاصم عليها
ليلى : اه اوا هكاك صراحة صحباتك مصوابات وضريفات
بتسمات ليها ريتاج وطلعات بيتها بدلات عليها ومسجات مكياجها ولبست بيجامة خفيفة وكلست فوق نموسية كتفكر وش تراسل إسراء ولا لا  فالأخير ستسلمت نوم
اما عند إلياس غير دخل دار بدل عليه وشويا شاف مو متاصلا بيه
إلياس : الو الواليدة لباس عليك
إيمان : بيخير حمدالله اوا كداز عيد ميلاد تعرفت على شيواحدة راه بغيناك نشوفو متزوج ياك حققتي مستقبلك اوا فكر فزواج
إلياس : الواليدة وش معيطالي على هاد موضوع الا كان بسلامة غنعس راه عيان
إيمان : وخا اولدي صبح على خير سير تنعس
اصبجنا واصبح ملك للله
صوفيا وإسراء باقيين خامرين تحت مانطة
اما عن رحمة فديما كتنوض بكري موجدة فطور حطاهم فوق طابلة وكتفطر هي ومصطفى
نطق مصطفى
مصطفى : البنات باقي مفاقو هاذي 10 ديال صباح
رحمة : خليهم امصطفى انعسو مساكن سيمانة كاملة هوما ديما مصبحين على الثمانية
اما فالبيت عند صوفيا وإسراء
ناضت صوفيا غسلات وجهها وهي تنوض إسراء
صوفيا : إسراء نوضي راه مزال تابعانا حفاظة وتخراج تمارين نوضي
إسراء : وخا هانا نايضة وش ديما خاصك تفكريني بدوك تمارين لغنخرج
ناضت إسراء غسلت وججها ومشطت شعرها هي وصوفيا وخرجو الصالون فين جالسين رحمة ومصطفى 
صوفيا : صباح الخير
سلمات عليهم هي وإسراء وجلسو كفطرو
من بعد مسالو فطور جمعو ماعيين وتناوبت هي وصوفيا شكون لغيغسل ماعيبن وشكون غيشطب
خلاو دار تشعل نقاوها
اما رحمة فكطيب الغداء، دخلو البيت باش يخرجو تمارينهم ويحفظو حفاظتهم
جبدو كتوباتهم وبداو كخرجو تمارين تانطقات صوفيا
صوفيا : إسراء صراحة عائلة ريتاج حبيتها ولكن محملتو مقبلتو هو داك ولد خالتها مفهمت مال مو جاعر عليك
إسراء: وصوفيا بلا متجبديلي هاداك خونا جاي كتهمني بلا دليل. اخر مرة الا تليت شفت كمرتو الله يحفظ
صوفيا : ههههه زيدي نكملو حفاظة
تاشويا كسمعو رحمة كتعيط لهم
رحمة : إسراء وصوفيا اجو تغداو يلاه