عشقك إدماني

parte 141

رجعات كتنقب بغير خاطر مورالها طايح وشهيتها مسدودة بعد مكملو داك الغداء رجعو جلسو فصالون كجمعو ويهدرو من غير إسراء مرة مرة تجاوب وتفكيرها مشغول من بعد حطو كسكروط تجمعو كياكلو اما هي اكتشوف تنطقات نور : كولي اختي مكليتي والو
إسراء دارت عندها ونطقات : كليت حمدالله كليت
ريتاج : إسراء وش نجيبلك كوفتير بغيتي شيحاجة مشهياها مكليتي والو اصحبتي
إسراء نطقات بهدوء: لا لا اختي كليت غابصحة كلوا نتوما
ريتاج : هانا كناكلو هههههه
ونور احاضية رانيا شغادير وقالت فعقلها يمكن تراجعات على داكشي لكانت غدير
بعد مدة زمنية نطقات
إيمان ملي وقفات : اوا خليتكم على الخير غنمشي عند خالتك
إلياس وقف ونطق : جلسي معانا الواليدة باتي معانا
إيمان : مرة اخرى اولدي خاصني نعاون ليلى في تحضيرات العرس نور
إلياس : وخا ماشي مشكل
إسراء ناضت وقفات ونطقات : اوا خالتي باتي غنهار معانا وديكساعا سيري
إيمان : مرة اخرى ابنتي ان شاء الله غيفوت العرس نجلس معاكم شي أيامات
إسراء بتاسمات ونطقات : وملي هكا صافي
تسالمات معاهم ونطقات ريتاج هامسة لها : اسراء شوفي متعصبي راسك اختي هي راه فيها تبوحيط وصافي وبعدي منها حيث هي راه خطار انا بنت خالتي وكنعرفها مزيان
نور جات عندها ونطقات بصوت خافت : ردي بالك معاها وحاولي تبعدي منها اختي
إسراء : اه وخا صافي
ريتاج : يلاه بسلامة نتلقاو غدا
إسراء نطقات: بسلامة اختي
وخرج معاهم إلياس لبرا من بعد متسالمات إسراء معاهم بقات فداخل غإسراء ورانيا وهي تنطق رانيا
رانيا : اوه حبيبة شكون عصبك ازين ياك قتلك ملي شيحاجة مقداش عليها متقربيهالهاش حيث غتأذاي بزااف ونتي بلاصتك ماشي معانا المتشردة
إسراء طلعات عينيها فيها ونطقات : اشوفي نتي راه مافيا لي ضارب معاك خليني عليك وعطيني تساع
رانيا طبطبات على كتفها ونطقات وهي مبتاسمة ابتسامة سخرية : اوه مكاين لاش غضب والبكاء اتحتاجيهم من بعد اليتيمة شفتي راسك كلشي جا فصفي الا نتي تعرضتي الحݣرة هههههه ومزال ماشفتي والو وخويا غيطلقك الا ماطلقك مسميتيش رانيا منصوري
إسراء عيات متكتم فغضبها ولكن متلات قادرة تصبر وهي تشد إيدها لوات لها وجها عند وجه لوخرا متقابلا معاها وكتشوف فيها مخنزرة ونطقات بحدة: اخر مرة تقوليلي انا يتيمة ونتي لباقي مشفتي مني والو راه غتبقاي طيري وتنزلي تاتجيبيها فراسك و يا تابربي ديك كمارة لعجبك ودايرلنا هاد هيلالا كاملة ياتنخسرها لك متجبدينيش وخليني عليك حيث باقي مشفتيش شكون إسراء
رانيا كتألم وكتنين : طلقي طلقي الهمجية طلقي اي إيدي بغيتي تهرسيها لي اي
يلاه بغات تنطق إسراء وباقا حاكمها من إيدها ولوخرا كتنين بالألم
و هو يتم داخل إلياس باش اعيط ختو ترقاهم فهاد منظر ونطق مغوت : إسرااء اش هاد المرض لي كنشوف
وتم جاي عندهم وهو معصب ونطق : طلقي منها يلاه
إسراء طلقات منها ورجعات اللور ورانيا بدات كطيح دموع ونطقات بصوت مغبن وكتقلب فإيديها لفيهم لطراس ديال ليدين إسراء : اي إيدي شفتي اخويا علين مهرسات ليا إيدي هيئ هيئ شنو درتلك نتي باش ديري ليا هكا
إسراء كتشوف فيها ببرود اما إلياس نطق مغوت وجا حكمها من ذراعها : اشنو هدشي لدرتي هاا مبقا الاحترام مبقا والو عتاذري منها يلاه
إسراء شافت فيه مخنزرة ودفعاتو عليها وطلعات كتجري فدروج نيشان لبيت قفلات عليها
اما هو بقات تحت اكيسوط ونطق : رانيا وش نتوما مباغينش تبعدو من مشاكل ولا شنو اش هاد المرض
رانيا كتمسح دموعها : خويا هي انا كنت خارجة وانت شفتي هاد منظر هي لكتعدا عليا انا مدرت ليها والو اخويا شوف كفاش رداتلي ايدي
إلياس تنهد ونطق : صافي سيري ارانيا سيري
رانيا : وخا لكن عندك ديرلها شيحاجة راه وخا هكاك راه مراتك هادي
إلياس بقا كمسح على شعرو وشار ليها بيديه غتمشي وبالفعل خرجات وهي مبتاسمة ونطقات : قريب غتمشي مبقا والو
اما عندو هو طلع كجري فدروج درجة كطلع فيها تلاتة درجات كنقزهم وصل عندها الغرفة وبقا كدق بجهد : فتحي يلاه فتحي نشوفو هاد المرض ديالك
اما إسراء لجالسة وكتبكي غسمعات صوتو تخلعات خصوصا كفاش عيط لها ومسحات دموعها وضمات رجليها عند صدرها وهو ينطق مغوت : فتحي هاد الباب ولا نهرسو انا بحال كنخوي الماء فرملة فتحي يلاه
وبقا كضرب الباب بجهد وهي تنوض شادا تحت كرشها بلخلعة وفتحات الباب بشوية تاداخل هاجم عليها وشدها من ذقنها تلصقها مع الحيط وهي كتشوف فيه و مخنزرة وكاتمة دموعها ونطق هو معصب وكشاكشو خارجين : شنو نتي شنو مبقا الاحترام مبقا والو هاا انا اش قتلك ياك قتلك ختي عطيها تساع وش مك كتقلبي على صداع نتي ولا شنو هدري
إسراء كتحاول تفلت من قبضة إيدو ونطقات هي كتنين حيث كتحس بذقنها بغا يتهرس : طلق ااا طلق مني طلق اي رانك ضريتيني طلق المرض طلق
تبداو دموعها كهبطو وهو غاحس بدموعها طلق منها ورجع اللور وكحاول ميضعفش قدام دموعها ونطق : شنو هدشي لدرتي فالتحت هاا اختي جالسة تعايريها وضارباها قدام عيني اش هاد المرض
إسراء نطقات مغوتة : ماشي سوقك ماشي هي تبوحط عليك وتجي ترد حر عليا راه تاختك مساهلاش
تقدم عندها و ترجعات اللور تالصق ضهرها مع الحيط وحاسة بالخوف متملكها وهو مخنزر فيها كن كانو عينيه قرطاس كن تيرا فيها ونطق مغوت هو كضرب قبضات إيدو فالحيط : سكتي صوتك منسمعوش باش انا نجي داري نرتاح فيها وتلاقا مع مشاكل هاا سكتي يلاه مزال زايدة فيه
إسراء وخا خوف تملكها ونطقات مغوتة هي كذلك : ومغاديش نسكت انت بقات فيك ختك اما انا مابقيتش فيك هاا لجالسة كتعاير فيا فوالديا وتقولي انا اليتيمة هااا انت شفتي غا لبغيتي ومباغيش تسمعني انا مصدومة فيك وش انت هو لبغيت نهار اللول وش انت هو داك إلياس لحنين فيا
رجع عندها وشد ها من ذراعها تلصقها مع صدرو ونطق هو الغضب عامي عينو : راه بربي وتبقاي تعايري ختي وتعايري شيحد من عائلتي وتجبدي العيب يا مغنعقل عليك وتقي شري خليني متقي فيك الله ابنت الناس
إسراء دفعاتو عليها ترجعات اللور كانت غطيح كن مشدات فالحيط وقفات قدامو ونطقات مغوتة : باغيني نسكت تعايرني نسكت والله لاسكت لعايرني غنعايرو سمعتي ولا لا
إلياس كشوف فيها مخنزر ونطق بحدة : ملي مبغاش تحشمي انا غنحد هوملك فششتك بلا قياس وليتي ترادي معايا الهضرة ومبقاش الاحترام هاا
إسراء نطقات مغوتة : الا معجبك الحال عطيني طلاقي اللهم نطلق ولا نحس بالحݣرة سمعتي ولا لا
إلياس نطق بهدوء وهو كتقدم عندها وهي كترجع اللور تقنطها مع الحيط : هاا صافي جوج كلمات ذكرتي طلاق على فمك بغا طلقي ياك
إسراء تعصبات ونطقات بحدة : ااه بغا نطلق الا كنت غنحس بالحݣرة بحالهاكا وقدام كلشي ومتقتيش فيا اذن طلقني ماعندي مندير بهاد زواج
إلياس بتاسم ابتسامة الغدايد ونطق بهدوء : هذا هو اخر كلام عندك هاا
إسراء : اااه هذا هو اخر كلام عندي بغيت طلاقي صافي
إلياس مشا من حداها وبقا ماشي جاي فالبيت وهي اكتشوف فيه ومقنطة مع الحيط ورجع عندها معصب ونطق هو يمد صبعو كضرب ضربات متتالية لجبهتا ضربات خفيفة ونطق معصب : وبربي لاطلقتك نتي غتكوني مراتي وغتبقاي مراتي لمدى الحياة ديريها فبالك وطلاق هو لمتحلميش بيه والا معجبك الحال هاهو الحيط ضربي راسك معاه
هو يخرج ضارب الباب بجهد تخلعها وهبط نيشان خارج من فيلا اما هي بداو دموعها كهبطو وجلسات وبقات كطلق عنان دموعها وشهقات متتالية وبقات على داك منوال تادخلات دوش وقفات قدام لاڤابو كتغسل وجهها مرارا وتكرارا وكتخاطب نفسها : نتي ااإسراء قوية ماتبكيش تحملي على قبل ولد لفكرشك
ومشات خرجات من دوش هزات حوايج لتلبسهم كانت بيجامة خفيفة مع ملابس داخلية ودخلات دوش تسترخي فترة زمن تخرجات وهي لابسة ديك بيجامة وشعرها جامعاه بزيف وجلسات فوق نموسية وجهها خالي من اي تعبير فقط غساهية وكتقول فنفسها واش رتكبات الغلط ملي تزوجات وتمددات على جنبها فوق نموسية وجرات الغطاء وتغطات ولكن نعاس والو وش جاها بقات على هاد منوال لمدة ساعة عينيها متغامضوش وهي تنوض هبطات تحت دخلات صالون وشعلات تلفازة على فلم معين كتفرج فيه ولكن عقلها مكاينش تافترة من زمن دخل إلياس مشافتش جهتو ݣاع غار سمعات حس خطواتو و هو طلع نيشان البيت ودخل دوش عليه ولبس شورط كحل وتريكو نص كوم بالبيض وهبط تحت اما هي غساهية فتلفازة معرفا ݣاع علياش كهدر لفلم ونطقات بصوت خافت : كن كنتي اماما حية تشوفي بنتك لتعرضات الحݣرة ونزلو دموعها ومسحاتهم بالخف ورجعات كتفرج اما هو حدو خدا قرعة ديال ماء باردة ومشا يتريني
وبقات شحال كتفرج تداتها عينيها ونعسات بعد ساعتين رجع عرقان وطلع نيشان الغرفة ديالهم دوش عليه وخرج لابس سروال سورفيت مع تريكو نص كوم وفوطة صغيرة فإيديها كنشف بيه شعرو وهو يهبط تحت رقاها ناعسة بوضعية غير مريحة عنقها طايح الجنب وهو يقادها وجاب الغطاء وغطاها وطلع الفوق باش ينعس تكا فوق نموسية بقا شحال كتقلب ففراشو مجاهش نعاس حيث ولفها تنعس حداه ويعنقها عندو وهو ينفض الغطاء وخرج من بيت نيشان تحت وتحنى هزها بين ايديه طالع بيها وهي فسبات نوم تحطها فوق نموسية وقادلها نعاسها عاد جا تكى حداها وهو مسند على مرفقو و حاضي تفاصيل وجهها وعينيها لفيهم اثار دموع ومد يدو مسح دوك دموع وتقرب منها تقبلها فجبهتها وجرها عندو نعسها فوق صدرو وايدو كتمسح على شعرها بعد عدة دقائق تانعس