عشقك إدماني

parte 119

بعد ساعة ونص كانو وصلو لكازا عاد نطقات إسراء موجهة حاديثها لحاجة فاطمة : جدة وش بغيتي نمشو نيشان القبر ولا نمشو عند مي رحمة
حاجة فاطمة : بغينا نمشو  القبر  ابنيتي هو لول
حاج مهدي : القبر ابنتي
إسراء تفهماتهم ونطقات : وخا
إلياس سمعهم دمارا نيشان لقبر فين مدفونة ماماها وإسراء كلما كتقرب القبر قلبها كتزير عليها وكذكر داك نهار مشؤوم لجاية عوالا ترقا ماماها ولكن للأسف كترقا غالناس مجموعين ولحضرو موتها ولكن هي متودعاتش معاها تهبطات دمعة من عينيها مسحاتها بزربة وكتحاول تاخوذ قدر  كافي من هواء باش متنهارش وإلياس مرة حاضيها مرة حاضي طريق تشد إيدها ودارها عندو كحركها فيها الفيتاس وهي مرة تشوف فيه مرة تشوف فالطريق وساهية توصلو المقبرة عاد بلاصا إلياس اللوطو ونزلو منها وبلاصت موراه اللوطو ديال عمر ونزلو منها عاد تاجهو معاها داخلين لقبر تاتفكرات إسراء شال باش ديرو على راسها إحتراما ل اموات ونطقات هامسة للإلياس
إسراء بصوت خافت : إلياس فتح لي الباب اللوطو باش ناخوذ شال راه نسيتو
إلياس : وخا زيدي
وهي تجي عندها صوفيا   اما وئام وأية واقفين بعاد شوية ونطقات صوفيا : وش جبتي شي شال اإسراء راه نسيتو حتا البنات خالتك كيبانو مجابوهش
إسراء: اااه جبتو غتهناي
وصوفيا مشات وقفات حداهم كتسناو إسراء تجي
فتح لها إلياس  الكوفر وهزات صاكادو فتحاتو و هزات منو شالها بالكحل و جوج برمادي وواحد بالبيض وعاد قفل إلياس الكوفر تاجهو عندهم وإسراء دارت شالها فوق راسها وعطات البنات الشال عاد نطقات : يلاه
وبقات ماشيا وهوما تابعينها حيث هي لكتعرف فين دفنات ماماها توصلو قبرها وهي كتشوف فداك القبر والغصة فحلقها وكتشمر نيفها كتحاول تمنع دموعها اتساقطو وبقات كتلف عينيها لهيه  وصوفيا كتشوف فيها وكترطب على كثفها تاجات حاجة فاطمة جلسات عند قبر وعينيها عمرو بدموع ونطقات بصوت منكاسر : الله ابنيتي الله مشيتي فعمرك شباب مشيتي وباقي ابنيتي مشفتكش عشرين عام ابنيتي ديال فراق ابنيتي عشرين عام
نزهة جات جلسات حدا مها ونطقات دموعها كتسقاطو : ختي علاش مشيتي وخلتينا علاش ياك ديما ملي كنا صغار كتقوليلي عمرنا غنتفارقو وخا نتفاتنو علاش مشيتي علاش متودعناش معاك اختي
ودارت إيدها على وجهها كتبكي تجبداتها عندها حاجة فاطمة وكيبكو بجوج وحاج مهدي وكشوف وعينيه كتساقطو بدموع لموت كبدتو لتحرم منها ومشفهاش اما إسراء عيات تصبر تكبح دموعها لكن دموعها تساقطو وجلسات حدا قبر مها وكدوز إيدها فوق تراب ونطقات بصوت مغبن : ماما هاني رجعت عندك اماما علاش خليتيني ومشيتي علاش نتي وبابا مشيتو  و خليتوني يتيمة بلا بيكم علاش
صوفيا عينيها دمعانين : صافي اصحبتي صافي متبكوش راه دموعكم كحرقوها دعولها برحمة دعولها برحمة
إسراء  دموعهها كتساقطو : هيئ هئ هئ انا معنديش ماما  هئهئ مشات وخلاتني انا يتيمة اصوفيا وخا ديرو لدرتو عمر فراغي غيعمر بابا مشا وتبعاتو هي علاش انا يطرا معايا هكا علاش 
ونزهة وحاجة فاطمة دموعهم كتساقطو وكيبكو على فراق بنتها ولاخرة على ختها وحاج مهدي عينيه ولاو حمرين ونطق : صافي براكا متبكو الله يهديكم دعولها برحمة الله يرحمها و يوسع عليها
وئام وأية اكشوفو في إسراء لكتبان منهارة كثر ونطقات أية : إسراء صافي اختي مسحي دوك دموع
صوفيا : الا مفكرتيش فراسك فكري فولدك وش بغا تفقديه ولا شنو
إسراء دايرة إيدها على وجهها وكتبكي بحرقة  وشهقاتها مسموعين
إلياس محملش بلان كفاش تبكي هكا وجا عندها وقفها جبدها عندو معنقها وإيدو كدوز على ضهرها بحنية ونطق هامسا لها : اشش صافي اعمري دعي لماماك برحمة
إسراء بقات شحال كتبكي فصدرو رجعات قميجة ديالو فازكة بدموعها تطلعات عينيها فيه وهو شد وجهها فإيديه   لحمر وعينيها منفوخين وكمسح لها دموعها ونطق : صافي احبيبتي براكا من البكا دعي الوالديك برحمة والغفران هذا راه قضاء وقدر الله ومتنساي راه ماشي بوحدك راه معاك حتا ولدها  ديها فصحتك اعمري
حاجة فاطمة مداتلو ماء : هاك اولدي غسليها وجهها
شد من عندها ماء وهي شدات من عندو قرعة غسلات وجهها ونطقات
نزهة : بيخير ابنتي مقصدناش نبكيوك
إسراء كتشمر فنيفها ونطقات : بيخير بيخير
تنطق حاج مهدي : يلاه نقراو فاتحة وندعيو برحمة لها والغفران
هزو كاملين كفوفهم  لفوق وكقراو سورة فاتحة  وكدعولها برحمة والغفران
عاد خرجو من قبر بقات إسراء وإلياس  لداخل وخلاوهم وركبو فاللوطو كتسناوهم
اما عندهم تحنات إسراء عند قبر ماماها وجلسات وإلياس متبعها بعينو شكدير ونطقات بهدوء : ماما سمحيلي تعطلت مجيتش عندك ولكن اماما وقعو لي بزااف ديال حوايج اماما ، ملي مشيتي اماما مكنتش قادرة نستوعب انني مبقا عندي حاد ولكن حمدالله مي رحمة وبا مصطفى وصوفيا مخلونيش مخصوصا فوالو عاملوني بحال بنتهم لداروه لصوفيا كديروه لي  ومنها تعرفت على احسن إنسان لقدر اعوضني  وشدات فيدين إلياس ونطقات تاني  ونسى قناع إسراء قوية قدر احسسني بلي انا إسراء ديك طفلة بريئة لبقا صغيرة وبقا كتشوف والديها قدام عينيها ماشي إسراء لماتو والديها ولات كتلبس قناع برودة اماما انا تزوجت بحب حياتي لديما كنتي كتقوليلي ورجعات ذاكرتها ونطقات كنتي كتقوليلي  ابنتي عمرك تزوجي بشواحد مبغاهش قلبك ولا هو مكيبغيكش ياتزوجي ونتوما كتبغيو بعضياتكم يا بلاش منو زواج ، انا طبقت ماما مقولتك  دمعو عينيها ونطقات ولكن وخا هكاك  مقدراش نعمر داك فراغ ديالك نتي وبابا عاد عرفت معنى الواليدين امشو اخلوك اماما نتي مشيتي ومشا بابا
إلياس حنا وجلس حداها وجبدها عندو معنقها بجنب ونطق هو كمسح لها دموعها  : اششش صافي براكا من البكاء عينيك طيبتيهم اعمري صافي
إسراء شافت فيه ونطقات : شفتي اماما عندك الحق  شحال زوين تزوجي بشيواحد كيبغيك وكتبغيه اماما انا دبا حاملة  ، انا عرفا دبا كتكوني كتسمعني داكشي علاش كنقوليك كلشي وخا تعطلت عليك بزااف حيث كون جيت فداك وقت كون قتلت راسي اماما  وتبعتك اماما مكنتش متيقة بلي مشيتي وخليتيني
وإلياس كشوف فيها تنطقات : يلاه نمشو
وناصت نفضات حوايجها معنقها عندو إلياس في جنب وقبل متمشي دارت وشافت فقبر ونطقات : بسلامة اماما الله يرحمك ويوسع عليك والله يرزقك جنة يارب ونتجمعو في جنة ان شاء الله حيث عرفا كلنا راحلون والموت ممكتوباش عليك اماما بوحدك كلنا غنموتو
وتجهات معاه عاد ركبو فاللوطو والصمت سيد مكان  وتبعتهم اللوطو ديال عمر عاد بلاصا إلياس عند مول كذلك عمر هبط إلياس وعمر اجيبو تقدية باش يدوها حشوما ايمشو بإيديهم خاويين
بعد مدة زمنية خرجو هازيين تقدية فإيديهم كلها دارها فكوفر ديالو وتاجهو نيشان دار الوليدين صوفيا بعد مسافة طريق تكانو وصلو وبلاصا إلياس وكذلك عمر  وهبطات صوفيا كتجري من اللوطو ومشات كدق الباب  وإسراء كذلك هبطات كتجري وإلياس حرك راسو يمين وشمال  نطق كعاتبها على ديك جرية لدارت : وبشوية اهياتا يكما عمبالك وحدك ولاشنو
عاد هبطو وراهم إلياس وعمر لهازين فإيديهم تقدية  وحاج مهدي وحاجة فاطمة ونزهة ووئام وأية ونطقات حاجة فاطمة كلامها موجه إسراء : ابنتي متبقايش تجري بحالهاكا رانك حاملة ابنتي ماشي بوحدك
إسراء : وخا اجدة
تفتحاتلهم رحمة شافت صوفيا قدامها وإسراء حيث كانو قدام الباب وطارت عليها بتعنيقة وهي كتهدر : مرحبا ابنياتي  مرحبا نهار كبير هذا جيتو عندي  شحال توحشتكم غبتو عليا وخليتو عليا دار خاوية ودازت عنقات إسراء بقاو معانقين  شحال عاد فصلات عناق وشافت فإلياس وعمر وسلمات عليهم وشافت جهة حاجة فاطمة ونزهة وحاج مهدي وئام وأية سلمات عليهم من غير حاج مهدي سلمات عليه من  البعيد
رحمة : مرحبا مرحبا دخلو نهار كبير هذا زرتنا بركة
دخلو تابعينها وهي كترحب تعاود وخا معرفاش شكون لجاو معاهم ولكن كترحب وتعاود ونطقات 
صوفيا : ماما بيخير كداير بابا فيناهوا مشفتوش عرفتي شحال توحشتكم اماما بزااف
رحمة : بيخير ابنيتي ونتي لباس عليك ونتي ابنتي إسراء بخير
صوفيا : حمدالله اماما
إسراء : حمدالله امي رحمة ونتي بيخير
رحمة : حمدالله ابنياتي هدشي لبغيت ليكم  وكون تشوفي كيبقات دار خالية وخاوية  بلا بيكم ابنياتي و مشيتو مرة وحدة لهلا ايبين بلاصتكم ابناتي
إسراء جات عنقاتها هي وصوفيا ونطقات إسراء : حتا انا توحشتك بزااف
رحمة : حتا انا ابنياتي توحشتكم
وفصلات عناق
رحمة وقفات عند صالون وجابت مرشات وكتمسكهم  : دخلو جلسو مرحبا وسهلا نهار كبير هذا
حاجة فاطمة : الله يكبر بيك ابنتي
دخلو جلسو فصالون  وجلسات رحمة مقابلا معاهم وحدها صوفيا وإسراء ونطقات رحمة موجهة كلامها إلياس
رحمة : كداير اولدي مع خدمة بيخير لباس عليك
إلياس : بيخير حمدالله ونتي لباس عليك ياك بيخير
رحمة : حمدالله وانت اولدي عمر لباس عليك صحيحة بيخير
عمر : حمدالله اخالتي ونتي لباس ياك بخير عمي مصطفى لباس عليه
رحمة : حمدالله كلشي بيخير
ودارت عند حاجة فاطمة ونطقات : اهلا لباس عليكم ياك بيخير
حاجة  فاطمة: بيخير ابنتي
نزهة : حمدالله وش  نتي هي رحمة ياك كذكرنا ديما ليك إسراء
رحمة : ايه انا هي ولكن انا معرفتكم 
إسراء : ااه نسيت انا نعرفكم  هذي مي رحمة وشارت بإيدها جيهتهم ونطقات هديك لهيه جدة فاطمة ام ديال ماما ولهيها خالتي نزهة اخت ديال ماما ولهيه هادوك وئام وأية وبناتها بنات خالتي  وهذا جدي مهدي اب ديال ماما
رحمة و صدمات ونطقات : وش بصح ابناتي داوية وش هادو عائلة ماماك
إسراء : ايه تعرفت عليهم قصة طويلة تنعاودليك فيناهو با مصطفى مشفتوش
رحمة : متشرفين نهار كبير هذا جيتو عندي  ، اه مصطفى راه فالخدمة ابنيتي
وناضت رحمة تجيب ضيافة وتبعاتها صوفيا وإسراء  ودخلو معاها كوزينة ونطقات
رحمة : سيري ابنياتي جلسو عيانين من طريق
صوفيا : لا لا انا مامشيا اماما قولي إسراء تمشي ترتاح هي لحاملة
رحمة شافت فصدمة جهة إسراء ونطقات : إسراء وش نتي حاملة ابنيتي
إسراء بحشمة هبطات راسها ونطقات : ااه امي رحمة انا حاملة
زغرتات رحمة واحد تزغريثة لين صمكاتهم ونطقات  وهي معنقاها عندها : مبروك ابنيتي مبروك فرحت ليك الله يثبت حملك يارب ويتولد سالم
إسراء: امين ياربي
رحمة : شحال عندك ابنيتي
إسراء : دبا عندي شهر و15 يوم 
رحمة  بفرحة : مبروك عليك ابنتي مبروك لتشهيتيها ابنيتي قوليها نقادهاليك اي حاجة بغيتيها قوليها ابنتي متسكتي هتشي عادي الوحم هو هذا
صوفيا نطقات ممازحا لها  : وشتي ارحمة بديتي ديري فرزيات
رحمة ضرباتها ضربة خفيفة جيهة كتفها  ونطقات : الله يقلل حياك راني مك تعيطيلي بسميتي  هكا وتاتحملي وديكساعا  واجي تشهاي تصدقي واكلة  كلشي نتي
صوفيا : وماما يهديك الله راه إسراء لولات وكالة
إسراء ميتة بضحك عليهم نساوها فحزنها ونطقات : انا يااك انا واكالة دبا
رحمة : مديهاش فيها ابنتي