عشقك إدماني

parte138

خرجات من عندها نور وهي تهز تيلي وطفات تسجيل صوتي ونطقات بينها وبين نفسها وهي غادا فكولوار جهة بيتها  : ودبا نشوفو ارانيا تأاديهم نأديك حيث ميمكن نشوف بنت لسمحاتلي وعملاتني مزيان حياتها دمريها لها
ودخلات بيتها ودارت تلفونها اتشارجا
اما عند رانيا لباقا معصبة ومتسرطاتش لها كلمة انها حاملة تشافت جهة تيلي رقات غيثة لمصونيا عليها وجوباتها ونطقات بهدوء :الو غيثة
غيثة لجوباتها : على سلامة هي جيتي المغرب اليوم ومقلتيليش بلي غتجي  اليوم حشوما عليك 
رانيا نطقات لمتسألة  : كفاش عرفتيني جيت المغرب
غيثة : وايلي اصحبتي ماشي نتي لدايرا فسطوري  انك جايا لبلادك
رانيا تنهدات ومسحات على جبهتها : اوف نسيت علاش غيبقا عندي عقل اغيثة مورا هاد خبر لسمعت
غيثة : شمن خبر مفهمتش شنو لشطنك هكا
رانيا نطقات بغضب : اللفعة بغات تربط خويا بولاد  هي حاملة صدقات حاملة
غيثة تصعقات بالخبر بقات كتشوف مصدومة وهبطات تلفون من وذنيها وفقط كلمات كترددو فمسامعها انها حاملة تنطقات رانيا : الو غيثة كتسمعيني متزيدينيش تانتي
كَلِمات رانيا فيقاتها  من سهوتها وصدمتها ورجعات تلفون وذنها وهي لسانها تعقد نطقات لمرة تانية رانيا : غيثة وجاوبي
غيثة نطقات مغوتة : كفااش كفاش حاملة شكاتقولي نتي ياك قلتي ليا غادي تفارقيهم ويكون إلياس ليا دبا شكاتقولي كدارت لها كفاش حاملة كتكذبي كذابة علاش خليتي يرجع فيا الأمل من بعد محاولت نساه ملي مقداش علاش درتي فيا هكا علاش ارانيا وكتقوليلي دبا هاديك حاملة هااا علاش هدري
رانيا نطقات لحدة : غيثة ديري معايا عقلك انهيار ديالك خليه منبعد راه خاصنا نتحركو
غيثة نطقات مغوتة : انا كنت بغا نتحرك نتي لكتقولي ليا صبري باقي وقت ها دبا صدقات حاملة كغنديرولها ولد ولا بنت غيكون مرتابط معاهم وخا نطلقوهم
رانيا نطقات ونظرات شر من عينيها : مغتبقا تحاجة مرتابطة بيهم داك ولد ولا بنت لغيتزاد مغيبقاش لو وجود  غتهناي وغيتحرق قلبها سمعتي اغيثة انا ملي كنقول شيحاجة كنفدها
غيثة نطقات مصدومة: رانيا وش بعقلك وش بغا تقتلي جنين حرام عليك انا مبغا نقتل تاروح انا بغا غار إلياس نتزوجو انا وياه
رانيا نطقات بهدوء : هاد الحنية لفيك خاصها تقتل نتي ماشي سوقك شنو غندير وش غنقتل ولا لا نتي غتنفدي لغنقولك وخرجي سوقي ياك بغا خويا اوا  نفدي داكشي لغنقولك
غيثة : وخا انا مسوقيش شنو غديري نتي انا الأهم عندي هو إلياس اكون ليا ولكن عندي سؤال
رانيا : سولي بزربة حيث خاصني نقطع
غيثة نطقات مبتاسمة بسخرية : كفاش غتقتلي جنين وش غدفعيها ولا شنو غديري.حمستيني 
رانيا : لا لا مغاديش ندفعها ولكن كاينة طريقة سهلة متشغليش بالك فيا غير انتي اغزالة غثمتلي بلي انتي كتعزيها  وكتبغيها وعزيزة عليك تقني دور مزيان وديريها صحبتك هدشي لمطلوب منك دبا
غيثة  لمبتاسمة ونطقات : اوك من ناحية نديرها صحبتي غادي نستمتع هههه وهي كتعاود ليا اسرارها
رانيا : ابون برافو رانك بديتي كتفهمي يلاه ازين امرات خويا تهلاي فراسك
غيثة ضحكات ونطقات : مرات خوك ههههه
رانيا : وعلاش لا قريب
غيثة : بالطبع ملي غيتفارق معاها غنجي انا نواسيه ومن بعد غيبغيني ونتزوجو
رانيا : هكاك  يلاه باي
يلاه قطعات معاها تسمعات حس دقان فتحات الباب رقات إيمان ونطقات
رانيا : ماما مالكي
إيمان ضيقات عينيها فيها ونطقات : لاش عازلة راسك بوحدك هنا هبطي عند إسراء وخوك مالكي متوحشتيهمش
رانيا بتاسمات إبتسامة صفراء ونطقات: وخا اماما انا غار كان جاني اتصال مهم من شركة وجاوبت عليه
إيمان : وخا ابنتي
هبطات إيمان وتبعاتها رانيا تاجهو صالون رقاو رتاج ونور وإسراء مجمعين وكضحكو ونطقات
نور : عرفتي هاد حمقة ديال رتاج اديكنهار رقيتها كتنقز فوق نموسية  كالهبيلة بقاي جبديلها وذنيها اإسراء
إسراء : ويه وسيدة اكتشوف فيه كذوب كزبدة
ريتاج نطقات بتذمر : وصافي بعدومني شوهتوني
رانيا جلسات حدا رتاج ونطقات : علاش فاش شوهوك احبيبة
ريتاج شافت فيها وخا مكدخلش خاطرها ولكن  بتاسمات لها ونطقات : غار ختي بقات كتذكرلي فعايلي ملي كنت صغيرة ههههه
رانيا : اوه بعدو منها اصلا ملي كنا صغار مخلينا تحاجة مدرناهاا هههههه
إسراء كتشوف فيها كفاش كتصطانع ودايرة فيها ديك شوفة ديال ياه على بنادمة كدايرة
طلعات فيها رانيا عينيها  ونطقات بحدة : مالكي كتشوفي فيا بحالهاكا
إسراء نطقات : لاش غنشوف فيك بزينك مثلا غار كنشوف هاد تمثيل لفيك فين غيوصل
ريتاج مفاهمة والو اكتشوف ونور ضحكات فخاطرها وحاضية موقف بهدوء
نطقات رانيا معصبة لكن لباس مكيسمعهم حاد حيث كل واحد متلاهي فهدرة رجالا فهدرة على خدمة و إيمان وليلى كهدرو بيناتهم من غير هاد رباعي لجالسين بيناتهم ونطقات رانيا معصبة : جمعي عينيك حسن ليك حيث منضمنش ليك شنو غيوقع فيك اسحارة اخطافة رجال فين درتي سحر باش كلشي يعاملك زوين
ريتاج نطقات : كفاش سحر هاا اصلا  إسراء بأخلاقها وبإنطباعها زوين  وبطبيعتك غتخليك تحتارميها وتقدريها ماشي كلشي بسحر ارانيا اشهاد فكر  ديال جهلاء لفدماغك ارانيا
رانيا نطقات بحدة : ريتاج مهضرتش معاك نتي هضرت مع هاديك لفجنبك مالك صافي مقدراش دوي حيث عارفا راسك اكبر سحارة واللفعة مقطرة
إسراء طلعات عينيها فيها بهدوء ونطقات بسخرية : تكالماي تكالماي مالك بغيتي تسخفي وش هاد درجة مكندوز ليك انا واحلا لك فالحلق ياك  معصباك  انا و مخلياك تنعسي مهمومة وتفيقي مهمومة بلاصة متشوفي حياتك كتنبشي فحياتي ههههه كتبقاي فيا بزااف بغيت نعاونك ولكن لغنقولك هو شربيلك اللويزة ودوليبران  وتكالماي حيث الاعصاب راه ممزيانيش راه غتولي شارفة وفيك تجاعيد
رانيا بقات كتشوف فيها مخنزرة معرفات مترد عليها ونطقات : نتي الا مدمرتك منتسماش رانيا ديريها فبالك كنكرهك مكنحملكش نتي اكبر نحس جا عندنا اليتيمة والديك ماتو بسبابك بسبابك باش ماتو المتشردة اليتيمة معندك ماماك وباباك كتبقاي فيا بزااف
إسراء تعصبات وهي مخنزرة فيها كقولها واحد راس ريشيها يلاه كانت غتنوض ليها إسراء توريها كفاش تعاير والديها تشداتها نور وهمساتلها : إسراء هي بلعاني كدير هكا باش تعصبك باش تكوني نتي مولات مشكل تهدني ومديهاش فيها ديري راسك مسمعتي والو بغا تجبد منك العيب تهدني
إسراء نطقات بحدة : بعدي مني انور نوريها شكتسوا إسراء مزيان تبارك الله تعايرلي والديا
ريتاج همسات لها كذالك : إسراء تهدني اصحبتي صافي مديهاش فيها
إسراء مزال مخنزرة فيها وكتحاول تحكم فأعصابها
رانيا ابتسامة انتصار على شفايفها ونطقات مستهزءة  : مالكي معصبة احبيبة شنو درت ليك ههههه باش تشوفي فيا بحالهكا اوه كتخلعيني
نور نطقات بحدة : براكا ارانيا هاد اللعب ديالك خليه عندك
رانيا : مدويتش معاك نتيا دويت مع مرات خويا ههههه نكتة زوينة هادي ههههه ومن الفوق حاملة امم يعني غيجي ولد ولا بنت خويا هذا الا جا  مثلا الا جا سطري عليها
إسراء كتشوف فيها بصدمة ونطقات بحدة : والله ارانيا وتحاولي تأدي ولدي ياتنقتلك بيديا ونمشي الحبس و انا مسوقيش سمعتي ولا لا ديريها فعقلك وتقاي شري حسن ليك حيث دبا راه مهدنة ولكن نهار نتعصب منضمن ليك شكون هي إسراء وش إسراء لضريفة ولا إسراء لغتشوفيها بعينيك الا تماديتي بزااف
يلاه كانت اترد عليها رانيا تنطقات
ليلى : يلاه العشاء واجد مرحبا بيكم عمرتو عليا الدار
كلشي تجمع على طابلة لكانت بأشهى والذ اطباق خصوصا إسراء لغار شافت بسطيلة  طاحت فيها عمية وكلشي كضحك من خلال تصرفاتها وإلياس لغار كتسالي طبسيلها كيزيدها
تنطقات  رانيا بسخرية : معمرك شفتي النعمة بسيف ونتي اصلا كنتي عايشة غار فالفقر
إسراء لمعجبهاش الحال من هضرتها وبغات ترد عليها تشدها إلياس من إيدها
وطلع  عينو في رانيا  ومخنزر فيها لدرجة رانيا هبطات عينيها وحسات بخوف ونطق بحدة  : رانيا تالمنبعد وليك هضرة  وكملي ماكلتك وهنينا ودخلي سوق راسك
إيمان شافت في بنتها ونطقات : رانيا مبغيتيش تديري عقلك ياك
رانيا : مالي شنو درت انا غاهدرت
إلياس نطق مغوت : هنينا صوتك منسمعوش تالمنبعد ابلاتي
رانيا سرطات ريقها وكتغدد فخاطرها على إسراء
من بعد مكملو عشاهم بهدوء تواحد متلا هضر تتفرقو وجلسو فصالون كجمعو تنطق
إلياس : رانيا دقيقة نهضر معك
رانيا نطقات بهدوء : وخا خويا
وناضت مشات البيت وهو تبعها البيت وجلسات وجلس قبالتها وهي غكتفرك فإيديها وعرفا خويا مزيان الا تعصب ونطق بهدوء : رانيا شنو دوك تصرفات لكديري مع إسراء فين باغا توصلي
رانيا سرطات ريقها ونطقات : وخويا انا غار بغيت نضحك معاها متفهمنيش غلط
إلياس ضرب إيدو فوق طابلة ونطق مغوت : سكتي هذاك ماشي ضحك هذاك ،  شحال مرة بريتك مال مك مكتفهميش الهضرة زعما شنو كتقصدي قبيلا هاا
رانيا  نطقات بنبرة حزن : وعلاش كتعاملني بحال هكا حتا هي كتعايرني وانا غار هضرت وصافي علاش اخويا ماشي كانت هي  فقيرة ويتيمة 
إلياس تنهد ومسح على جبهتو وشاف فيها مخنزر ورانيا كتسرط فريقها عارفا مزيان دوك شوفات ونطق بحدة : اسمعي نتي ختي وهي مراتي منبغيش مشاكل وصداع راس تاني حاجة راه نتي لكتعداي ارانيا  ماشي تشوفيني ساكت عليك وديري مابغيتي
رانيا مجوباتوش ونطق تاني : اخر مرة ارانيا وتعايريلي مراتي وتبداي تسبيها وتستهزئ بيها  مغتعرفي شغنديرلك وهنينا من صداع راس
رانيا : ولكن اخويا علاش انا تهدر معايا بحال هاكا انا راه ختك قبل متكون هي مراتك
إلياس مسح على راسو ونطق : وش مك بغا تمرضيني عرفناك ختي رانك على راس والعين ولكن باش تقلبي على صداع وتبداي تعايريلي  فمراتي مدارتلك والو فين أداتك هي هاا ،  راه  تاهي هضرت معها وش مك نتي  مسوطيا  فمخك ولا شنو بغيت نعرف فين هي ختي لكانت حنينة انا راه مبقيت كنعرفك ارانيا اشهاد  تكبر لولا فيك يا غتسݣمي مع طريق يغنرجع ربيك وهنينا من صداع المرض
رانيا نطقات بهدوء وهي مهبطة راسها : وخا وخا خويا سمحليا
إلياس نطق بحدة : كنتمنى اكون كلامي مفهوم واخر مرة يطرا قدامي هاد جيست لدرتيه والا رانك عرفاني مزيان
رانيا كتلعثم فهضرتها ونطقات : ووخااا ووخاا خويا كلامك هو الكبير
إلياس : اوا كنتمني
وخرج من بيت جهة صالون
وهي تابعاه ومحملاش بلان
اما هو وقف عند باب ديال صالون ونطق : اوا اسيادنا خليناكم على خير
إسراء ناضت سلمات عليهم
ونطق عماد : بقاو معانا مسخينا ݣاع بيكم
إلياس : مرة اخرى ان شاء الله مرة اخرى
ليلى : اوا عندك تنسانا
إسراء : هههه متخافيش الا مجاش نجيبو بزز
ليلى : هكاك ابنتي
نطق إلياس : الواليدة تمشي معانا ولا غتبقاي
إيمان بتاسمات ونطقات: تال غدا اولدي ونجي عندكم
إلياس : وخا دار داركم هاديك
إسراء : انتسناوك اخالتي
إيمات نطقات : وخا ابنيتي
وبقاو كتسالمو على بعضياتهم تجات رانيا عند إسراء
وإسراء مزعماش تسلم عليها لاديرلها بحال لطرا ملي جات تعنقاتها رانيا صدماتها ونطقات هامسة لها رانيا : هاد عناق المتشردة غير قدام خويا بسبابك نتي ولا خويا كوبخني ولكن غتندمي على هدشي
إسراء نطقات هامسة لها كذلك : اوا لفجهدك ارانيا ديريه انا مخايفاش منك
وفصلوا عناق واحدة كتخنزر فلوخرى
خرجو من عندهم وتاجهو اللوطو ركبو ودمارا  نيشان لفيلا ديالهم  دخلو داخل طلعو نيشان غرفة حدهم بدلو لباسهم  إسراء لبسات شورط ديال توب فالبيض واصل حاد الفخاض وسوفيطمة ديالها اما إلياس لابس شورط فالزرق مع نص كوم بيض وتكاو فنموسية استعداد لنوم  وإلياس معنقها لحضنو وإيدو كتلعب فشعرها ونطق : ياكما بقا فيك الحال اعمري مديهاش فيها
إسراء بتاسمات ونطقات : لا لا علاش غيبقا فيا الحال اصلا انا مكهمنيش
إلياس باسها  فوق راسها  كنوع من رضى وبقاو كجمعو بيناتهم تداتهم عينيهم وهوما ناعسين فحضن بعضيتهم