عشقك إدماني

Parte89

وصلات عاصمة دخلات مع شوارعها توصلات فيلا ديالهم شافوها الحراس فتحولها الباب دخلات وبلاصات اللوطو فين  مبالاصين سيارات عاد مشات كتنقر فالباب اما فداخل جالسة ليلى كتشرب قهوة ديالها اما عماد خرج لخدمتو شويا سمعو صونيت فالباب مشات خادمة تفتح وتمات دخلا نور بإطلالتها كيف ديما أنيقة وصلات صالون بدون مدير الحس رقات مها منغامسة كتقرا المجلة
وقفات عنزها وحنحنات نطقات
نور : احم احم ماما
ليلى غسمعات صوتها طلعات عينيها كتأكد وش بنتها هذي ولا لا ناضت واقفة بلهفة
ليلى : نوري هذي ياك
نور : اه ماما مالك نسيتيني
وطارت عليها بتعنيقة ليلى وكذلك نور توحشو بعضياتهم  ونطقات
ليلى : علاش انا نسى كبدتي الله ابنيتي  شحال توحشتك
نور : حتا انا ماما توحشتكم بزااف
بعدات منها ليلى ونطقات
ليلى : زيدي ابنتي جلسي رتاحي طولتي غيبة عليا
نور جلسات فوق سداري وحداها ليلى جالسة حداها كعودو على بعضياتهم
ونطقات نور : اه اماما شحال ندمت كون يرجع بيا الزمن اللور نقتل راسي ومنديرش هاد خطاأ فادح وندل راسي ونخليكم مقلقين مني
ودارت إيدها على وجهها بدات كتبكي
ليلى ضمتها عندها ونطقات : اشش ابنيتي مذكريش الموت، من خطاأ نتعلم مسحي دموعك الله يوضي عليك كلنا كنغلطوا اهم أننا منعاودوش نفس غلط
نور : اه عندك صاح انا غلطت وندمت واعدت راسي نخليكم تسامحوني
وهبطات راسها وكتبكي في صمت
ليلى : انا مسامحاك ابنتي علاش كاينا شي الأم متسمحش ولادها انا غوت عليك باش تعرفي غلطك
نور طلعات فيها عينيها ونفاجرات فالبكا  وخصوصا ملي كتفكر شنو دارت كتموت بالفقصة والندم ومعندها متغير لدارت دارتو
ليلى : اشش براكا من البكا شوفي عينيك كردتيهم حمرين وغتفخيهم
نور : ماما وش كظني بابا غيسامحني
ليلى طبطبات على كتفها ونطقات : غيسامحك غار باغي ايعاقبك باش تعرفي شنو درتي وفاش غلطتي
نور مسحات دموعها بإيديها ونطقات : اه غيسامحني اماما بابا ميمكنش ايبقا مقلق عليا حياتو كاملة
ليلى : اجي عندي غيسامحك نتي رانك بنتنا ونتي و ريتاج وكبدتنا راه عندنا غانتوما وباباك غيسامحك اكيد علاش غيبقا مقلق على كبدتو حتا هو تقلق وكان مشطون وش نسيتيه ولا باقي
نور : انا نسيتو اماما نسيتو كتاشفت بلي معرفت كفاش نترجم علاقة اخوية ليبيناتنا ودارت امل على فاضي
ليلى : حمدالله هاذي خبار زوينة كنت مشطونة بزااف عليك
نور : متخافيش اماما انا راه لقيت لعاطيني قيمة وكيبغيني وكنبغيه حتا أنا
ليلى شهقات وحطات إيدها على فمها ونطقات : بصح ابنتي بصح
نور : ااه اماما عمبالك بلي تواحد ميبغيني ومغنبغي تواحد عمبالك بلي حياتي اتبقا مرتبطة بيه
ليلى : لا ماشي هكاك غار بهاد سرعة شكون هذا بعد
نور بدات كتخبرها بكلشي على مروان وعلى علاقتهم حيت العلاقة بين ليلى ونور علاقة صداقة وليلى دايرا لبناتهم صحباتهم اي حاجة ضرتهم كقولوها لها وهي بدورها كتنصحهم وكتوريهم صح من الغلط  قبل متكون علاقة الأم ببنتها
اما عند البنات من بعد مكملو حصصهم وخارجين من حصة الأخيرة وكما العادة ريتاج وصوفيا شاديين فإسراء وهي مرة تقمعهم مرة حتاهيا تشد فيهم
حتا شوية جات عندهم  بنت ملامحها ناعمة وحادة عينيها لكبار مشفرين تقريبا بحال عينين إسراء  شعرها عسلي جمعاه الفوق مخليا شي خصلات مطلوقة على جبهتها ولابسة سروال دجين بوي فراند مع قميجة كحلا وهزا  فإيديها كتاب وستيلو لتعرفات عليهم وسط قسم  ونطقات
جوهرة : البنات، صوفيا وريتاج وإسراء ووقفوا
دارت عندها صوفيا متاسمة لها ونطقات  : نعام اجوهرة
جات كتجري عندهم ووقفات كتلهت ونطقات
إسراء : بشوية عليك
ريتاج : نعام اجوهرة بغيتي شيحاجة جوهرة وقفات مباتسمة ليهم وحلات دفتارها ونعتات فصبعها ونطقات : اجو وش فهمتو هاد بارتية مفهمتهاش الا كان ممكن تشروحهالي
إسراء : اه وخا انشوف
شدات من عندها دفتر وبدات كتشرح لها إسراء انطلاقا من داكشي لفهمات فالقاعة والا نسات شيحاجة كذكرو بيها ريتاج وصوفيا
شي 5 دقائق هوما كشرحولها
تنطقات إسراء : وش فهمتي ولا لا؟!
جوهرة : شكرا بزااف ليكم اه فهمت
ريتاج : يلاه نخرجو راه خرج كلشي
خرجو البنات واقفة معاهم جوهرة كهدرو معاها وكتهدر معاهم تاشوية سمعو حس اللوطو وكان اخ ديك بنت كان مسند جسدو على اللوطو وداير نطاظر كحلين لابس قميجة بيضة مع سروال سليم كحل تقريبا طولو كوصل 180 وشعرو مسرحو اللور وملامحو كتبان حادة
جوهرة : يلاه البنات انا محظوظة حيث تعرفت عليكم
وريتاج كتشوف بإعجاب تجاه اخ ل جوهرة ونطقات إسراء : شرف لينا
صوفيا : حتا حنايا محظوظين بتعرف عليك
جوهرة : شكرا ليكم
تنطقات ريتاج : اه جوهرة بغيت نسولك هذا لواقف كتسناك شكيجيك
صوفيا نطقات هامسة للإسراء : شوفي ختنا مكضيعش الفرص
إسراء همسات لها كذلك : وصدماتني نيشان بغات تعرف شكيجيها
ضحكات جوهرة ونطقات : هذاك خويا معتصم
ريتاج فرحات من داخل عمبالها اتكون حتاهي مزوجة بحال صحباتها ونطقات : ااه مزيان مزيان
جوهرة : يلله نخليكم خويا صعيب راه كيبان مخنزر حيث تعطلت عليه ههه
صوفيا : سيري وكان جري
بتاسمات لهم جوهرة ومشات عندو ونطق
معتصم بحدة : شهاد تعطيلة
جوهرة كتسرط فريقها : اه خويا كنت مع البنات راه شفتيني واقفة معاهم
معتصم  مخنزر فيها : كنعرف الوقت هو الوقت
جوهرة : وخا خويا تعطلت حيث  كانوا كشرحولي شنو لمفهمتش
معتصم شرلها بإيديه باش تركب وركب هو دمارا نيشان وجهتهم
اما عند البنات داز هدشي قدام عينيهم ونطقات
ريتاج : ااه قلبي لا يتحمل ذلك
صوفيا : وناري زعطة خايبة اصكعة
إسراء : عندك تمشي تلاحي عليه راه تمشي تعتارفيلو قبل ميعتارفلك مكنعرفش ومنك صحبتي
ريتاج : منيتك وش منيتك انا نمشي نعتارف ليه اوا هاك
صوفيا : مهم  حنا معاك اريتاج تنزوجكم تانتيَ متبقايش بايرة
إسراء : ااه منخلوكش فجفاف عاطفي
ريتاج : اوا هاكا مزيان
تاشوية وقفات اللوطو ديال إلياس وعمر اما شيفور كان ديجا كتسنا ريتاج
ونطقات
إسراء : اخيرا جا، بسلامة توحشت راجلي
صوفيا وريتاج كشوف فيعا ونطقات صوفيا : وش نسيبنا فورمطاك
إسراء : سيرو ديوركم يالله خلوني نمشي راه نيت توحشت كوفيتيري مخلانيش نديه معايا وقالي غيشريلي شكلاط كوفيتير
صوفيا شدات راسها ونطقات  : وش نتي مضروبة بالمقلة ولا شنو
ريتاج : تسوطات ختنا
تاشويا جاي عندهم إلياس وعمر ومشات كتجزي عندو إسراء وعنقاتو بلا حشمة كانت كتحشم تعنقو قدام شيواحد ونطقات : إلياسو توحشتك
إلياس : حتا انا توحشتك اعمري
جات صوفيا وريتاج ونطقات صوفيا : بلاتي انسيبنا ناخوذ معندك إسراء واحد دقيقة
عمر : اديك حمقة نتي زيدي تركبي
صوفيا : بلاتي اعمر
ريتاج : خويا إلياس عفاك راه غنهضرو معاها وصافي
إلياس نطق موجه كلامو ليهم : عندكم 5 دقائق وترجعولي مرتي نتوما اربعة سوايع معاها
إسراء بتاسمات لإلياس ونطقات : هانا 5 دقائق ونجيك
شدوه البنات بعدو شويا على إلياس وعمر وبقاو كشوفو فيها بشك ونطقات إسراء بنفاد صبر
إسراء :  سربو شباغين تقولو هدرو يلاه
ريتاج : وش عرفا بلي انك انتي غير طبيعية
إسراء : كفاش سيرو بعدو مني خلوني نمشي عند إلياس اشريلي كوفيتير راه مشهياه
صوفيا : تكلماي ، انا كنشك بلي نتي حاملة
إسراء : كفاش حاملة شكون حاملة وش انتي صوفيا واه مبروك عليك
صوفيا : هنينا وش نتي مكلخة انا عاد تزوجت هاد سيمانة وبغيتيني نحمل راه نتي لحاملة باينة
ريتاج : اه مالك تكلختي اإسراء
إسراء فيناهيا فصدمة وهزات إيديها على بطنها ونطقات وهي كتسرط فريقها كتنطق بصدمة : ااه انا دبا غيكون عندي هنا وليد صغير غنكون الأم
شدات صوفيا من كتافها ونطقات بجدية : شوفي حنا ممتأكدين ولكن نتي خاصك ديري اختبار الحمل اوك
ويتاج : اه بلا متقولي إلياس والو حتا تأكدي اوك  عاد تمشي ديري فحص عند طبيبة تشوفي صحة جنين اوك
إسراء حركات راسها بإيجاب
تاشويا تم جاي إلياس وعمر حيث تعطلو عليهم ونطق
إلياس :اشكاين نتوما
عمر : هاد وقت كامل الهدرة شكاتقولو تم
صوفيا وريتاج بتاسمو بإتسامة صفراء ونطقات صوفيا : ههه غير كنا كنهدرو عرفنا حنا البنات غينا كثرة الهدرة
ريتاج : اه اخويا كنا كنجمعو ونسينا راسنا
وإسراء بقات ساهية فنقطة وحدة وش هي حاملة ولا لا كتمنى فخاطرها تجرب إحساس الأمومة تنغزاتها صوفيا ملي شافتها ساهية وإلياس بقا حكشوف جيهتها مالها ساهية هكا وهمسات لها ريتاج : اديك هبيلة اتفرشينا هدري يلاه
إسراء : احم سمحولنا تعطلنا عليكم رانكم عارفين كنا كنهدرو عادي
إلياس شاف فيعا ومطلع حاجبو  ونطق : اوا يلاه
إسراء سلمات على بنات وتجهات معاه كلها و ركب فاللوطو  ماشيين لوجهتهم
تنطق إلياس موجه كلامو ليعا حيث كتبان غساهية ملي ركبات معاه وهي اساهية : وش واقعة شيحاجة
إسراء : ااه والو والو اشغايوقع غار كنفكر وصافي
إلياس : شاركي فاش كتفكري
إسراء : مديرش بالك ونطقات قالبة موضوع، اه إلياس تعرفنا على راحد بنت ضريفة
إلياس : ااه اوا مزيان
وبدات إسراء كتعاودلو على كفاش جاتها قراية تم وبلي جامعة حمقاتها واعرة شكلها
وإلياس كجاوبها وكستامع لها بدون ملل  تشوية تفكرات ونطقات : إلياس فيناهو شكلاط وكوفيتير
إلياس مسح على راسو ونطق : ااه سمحيلي احبيبة نسيتو مع خدمة وجيت جاي عندك بسرعة لانتعطل عليك
إسراء : اه ماشي مشكل مهم بغيتو دبا
إلياس :  اوك
مسافة طريق توقف عند واحد المول هز فيه سقاطة وشكلاط واكيد كوفتير وطلع في اللوطو  وهي عينيها كلمعو عند داكشي لهاز فإيديه ومدولها شداتو بلهفة من إيديه وهو دمارا نيشان ماشي لفيلا وهي فتحات ساشية وبقات كتشوف بلمعة وتهز من هذي وتكول ومن هذي كذلك