عشقك إدماني

parte 101

حطها فوق بياص وماشيين بيها ادخلوها الغرفة وهو شاد فإيديه وكهدر بهستيرية : نتي اعمري ماشي ديال هتشي غار فيقي ليا وكوني لباس
توقفوه برا من غرفة منعوه باش يدخل معاها وبقا كتسنا وهو غادي وجاي فداك كلوار وفداخل بقاو كفحصوا حالتها شي نص ساعة هو كحاني تخرجات دكتورة وقف عندها ونطق بزربة : مالها اشواقع وش مراتي بيخير هي وولدي
دكتورة : تهدن اسيدي راه بيخير دبا حتا جنين بيخير
إلياس : و شنو وقع ليها لخلاها تسخف
دكتورة : القلق اسيدي تبعد منو ممزيانش ليها وهي فهاد مرحلة حرجة تقدر لقدر الله تفقد جنين وسبب سخفة هو انخفاض الظغط الدم شي لخالها تفقد توازنها وتعرض لحالة الاغماء والله يخليك بعدها من قلق راه كنظن تعرضات ظغط نفسي هاد نهار
إلياس : شكرا وش نقدر ندخل عندها دبا
دكتورة : اه يمكن ليك
إلياس : وش غتخرج هاد الليلة ولا لا
دكتورة : من أحسن تبقا فعناية مركزة تالغدا وتخرج وراه نص ساعة وغتفيق
إلياس دخل عندها وكشوفها كفاش ناعسة وسيروم معلق ليها وشعرها مسرح على طولو فوق وسادة تقدم عندها وقف حدا راسها وهز إيديه كتحسي ووجهها ونطق بصوت خافت : ممزياناش ليك هاذ نعسةاعمري شنو وقع ليك لترجعي بهاد حالة
وجر كرسي لحداها وجلس عليه وهو شاد إيديها فإيديه وكقبل إيدياتها بلهفة وكهمس ليها شي مدة نص ساعة هو كان حاط إيديه على جبهتو وإيد تانية شد بيها إيدها وكتسناها تفيق تبدات إسراء كتحاول تفتح عينيها ببطئ تستاقرات عينيها فسقف ومع إلياس كان ساهي مردش البال تنطقات بصوت خفيت حدو كتسمع : فين انا !؟
سمع إلياس صوتها وطلع فيها عينو فيها فرح ملي فاقت وناض وقف عند وجهها ونطق : عمري خلعتيني عليك
إسراء طلعات فيه عينيها وجهها صفر : فين انا اإلياس
إلياس كدوز إيدو على شعرها ونطق هو حاضيها : رتاحيلك رانك في لوبيطال
إسراء : اوف علاش جبتيني هنا عرفني كنكره سبيطارات
إلياس : اشش متعييش راسك بهدرة غنمشي نجيبلك متاكلي شنو مشهيا اعمري
إسراء : لا لا مقدا على والو قوليهم بغيت نخرج راه محملاش هاد بلاصة
إلياس : الا كلتي غنخرجك من هنا اوك
إسراء : وخا وخا اسير جيبلي مناكول حيث مقداش نزيد دقيقة هنايا بغيت نرتاح فدارنا
إلياس بتاسم لها من بعد معنكش شعرها ونطق : هي لولا احبيبتي شحال عندي من إسراء انا
إسراء بتاسمات بخجل ونطقات : إلياس تسنا
دار عندها ونطق : نعام خاصك شيحاجة
إسراء : عوني نجلس مرتاحة عييت نبقا ناعسة
تقدم عندها إسراء وقدلها وسادة دارها ورا ظهرها باش تسند عليها ونطق : دبا اعمري وش مرتاحة ولا لا
إسراء : مرتاحة
إلياس : يلاه هاني نمشي نجيبلك متوكلي باش تقواي
إسراء : وخا عفاك جيبلي شوا كنحس طعمو في لساني
إلياس : اممم شكون لتشها مراتي ولا ولدي
إسراء ضحكات ونطقات : هههه صراحة بجوج ماشي غاهوا حتا انا تشهيتو
إلياس: وخا نجيبولك نتي غتشهاي وامري وانا نفذ ، وخرج وخلاها هي كتفكر وكتسناه اجي
بعد دقائق جبلها شنو طلبات ونطق من بعد مجلس حداها : نوكل انا عمري
إسراء نطقات : لا لا متوكلني منوكلك اخليني نوكل راسي
إلياس خنزر فيها ونطق : انا عارف ماكلتك كيف دايرة تبداي تنقبي لي  تم انا نوكلك بيدي
إسراء حدها امأت براسها وبدا كيوكلها وتنطقات : وش باقي مقلق مني حيث خرجت بلا خبارك
إلياس : لا مرضك شفع ليك ولكن مرة اخرى معك هدرة اخرى شقالك راسك ملي متشاورينيش
إسراء : معرفت غار قلت نشد ضد وصافي وتخيل ندمت حيث خرجت
إلياس : علاش شنو وقع
إسراء : تخيل تلاقيت مع خالتي توأم ماما بحالها
إلياس : كفاش نتي كفاش تاني عرفتيها خالتك وقولي عوتاني نفس كنية
إسراء : لا هاد مرة هي لوراتليا صورة ماما وتخيل معايا
ولاو دموعها اعلى سبة هبطو من عينيها بغزارة ونطق إلياس كمسح لها دموعها : شوت براكا من البكا عينيك نشفتيهم مالكي اشواقع راه قلق ممزيانش لولدنا
إسراء بصوت مغبن : تخيل معايا معرفاش بلي ماما ماتت كتزاوك فيا باش تشوف ماما
إلياس عنقها عندو ونطق : كلشي اتصلح غرخيها على راسك صافي
إسراء : كنتمني
إلياس : يلاه زيدي توكلي
إسراء : براكا عليا شبعت خرجني من هنا
نطق : وخا عمري هانا غنمشي نقاد وراق ديال خروج باش نخرجك من هنا
خرج من عندها مشا اقاد استمارة خروج وخلاها هي تبدل لباسها تتم جايها رقاها جالسة كتشناه
إلياس : عمري يلاه نخرجو
إسراء : وخا
ناض بغات توقف تهزها ونطقات
إسراء : اويلي اإلياس نزلني الله يهديك
إلياس : اشش براكا من هدرة
إسراء: ونزلني راه قدا نمشي
إلياس : قتلك سكتي
خرج من غرفة وناس كشوفو كيفاش هزها وإسراء تحرجات وحشمات من موقف بقات كطلب بعينيها للإلياس انزلها ولكن هي معامن تخرجو من مستشفي وفتح الباب وحطها قدام قدلها سنطة عاد ركب هو ودمارا نيشان فيلا ونطقات إسراء بعد مكسرات صمت لكان سائد: إلياس
إلياس : نعام بغيتي شيحاجة
إسراء : انا خايفة بزااف
إلياس قبض إيديها عندو ونص هو مركز فطريق مرة مرة عينو كترمى ليها ونطق : مناش خايفة
إسراء: خايفة تجي خالتي غدا حيت عطيتها العنوان
إلياس : والا جات مرحبا بيها فيناهو مشكل
إسراء نطقات بصوت هادئ : راه كفاش غنخبرها بلي ماما ماتت هذي 4 سنين كفاش انخبرها
إلياس : اشش شوت متخافيش انا معاك غادي يتقبلوا ومر صافي احبيبتي متقلقيش راسك ردي بال راسك وردي بال ولدنا راه القلق ممزيانش
إسراء: كنحاول ولكن هوما مبالهم غيظهرو دبا كون ابقيت بلا عائلة ولا كل فرد من عائلة جاي من جيه
إلياس : صافي اعمري وش بغا تمرضي راسك تاني كل حاجة بوقتها واي حاجة وقعات لنا زوينة ولا خايبة فهي مقدرة لينا ولا لا متنسايش انا ديما معاك
إسراء حدها بتاسمات ابتسامة باهتة وبقات كتشوف فطريق تاشويا إلياس وقف اللوطو وبغا ينزل منها تنطقات
إسراء: إلياس فين غادي
إلياس : هانا دبا جاي
إسراء : اوك
هبط من اللوطو قصد المول اشري شنو لكتعجب اسراء دقائق قليلة تشرى داكشي لبغا وجا غندها ركب فاللوطو ومدولها وشداتو من عندو ونطقات متسائلة: شنو هذا
إلياس : ماشي شيحاجة غار باش داوي جوع نتي كعجبوك سقاطة
إسراء: ههههه شكرا
اما هو دمارا نيشان لفيلا
فتحات إسراء ساشية وبدات كتاكول بلهفة وحم جاها على حلويات وسقاطة وشافت فيه ودلات شفايفها ونطقات : فيناهو كوفتير ؟!
إلياس شاف عندها ونطق : شبغيتي نتي كوفتير ؟!
إسراء دلات شفايفها ونطقات : وبغيت كوفتير انت كفاش تنسى كوفتير ديالي اشنو انا ناكول
إلياس حط إيدو على جبهتو ونطق : وخا اعمري نجيبولك كوفتير
إسراء: ههههه سربي جيبلي كوفتير وفريز وبلاتي نفكر شنو تجيبلي تاني ...
إلياس حاضيها بي نص عينو كفاش كتاكول ونطق : راه باقي كاين فريز لجبتواك فصباح
إسراء : اااه نسيت صافي جيبلي غا كوفتير واكونو مختلفين فهمتي
إلياس حط إيدو علي جبهتو ونطق : علاش نتي شحال بغا من كوفتير
إسراء: اهه بغيت يكونو انواع ديال اشكال ومذاق مختالفين
إلياس : براكا عليك واحد تسطيتي نتي لا
إسراء: ولا جيبهم ليا يلاه وراه ولدك لتشها ولا نخلي فولدك طبعة ديال كوفتير ملي يتزاد الا مجبتليش داكشي لبغيت
إلياس : ايه نجيبولك الله اودي الا ولدي اهياتا
إسراء: وهي لدرتها من اللول
مشاو مسافة طريق تافرانا جبلها سنو بغات عاد مشاو نيشان فيلا فتحلها الباب وهزها فإيديه ونطقات : ونزلني خلاص اويلي راه عندي رجليا نتمشا بيهم
إلياس : سكتي سمعتي طبيبة قتلك كثرة الحركة والقلق ممزيانش الجنين لذلك هنينا يلاه
إسراء : وخا وخا فهمنا ولكن راه ماقلت متلينا نتمشاو
طلع بيها البيت وحطها فوق نموسية ومشا دريسينغ لبس عليه شورط بالكحل وتيشورت بيض ومشا بلاصة حوايجها اجبلها متلبس وهي احاضياه بعينيها تجابلها بيجامة سخونة ونطق : نلبسك ولا تلبسي
إسراء شدات من عندو بيجامة ونطقات : انا غنلبس اويلي على تلبسني
إلياس : اوك
جات ماشيا دوش تشدها من ايديها ونطق: فين غادة
إسراء : ماشيا انبدل فدوش
إلياس : نتي تركني بدلي هنا بغيتي اضربك شي جن
إسراء : وخا ولكن خاصك تخرج راه منقدرش نبدل قدامك
إلياس حرك راسو يمين وشمال ونطق : لاحول ولاقوة الا بالله راني شايفك وعابرك
وخرج من البيت اما هي ملي خرج من عندها بدلات لباسها بزربة ولبسات بيجامة لجاب ليها وتكات فوق نموسية تدخل هو ورقاها متكية ونطق : صافي بدلتي
إسراء: اه ، وخا تجيبلي ملعقة ناكول بيها كوفتير
إلياس : اوك
مشا هبط وجبلها داكشي لبغات وطلع عندها رقاها بقا كتاكول فسقاطة وهو يجلس حداها ومدلها ملعفة ورقاها مضاربة تفتح كوفتير وتنطق : اري لهنا
مداتلو كوفتير فتحولها وبدات كتاكول وكتبنن وهو حاضيها بعينيه خصوصا كفاش كتبنن بلسانها ونطق مغوت حيث ميقدر ادير والو هي مريضة : براكا عليك جمعي داكشي لعندك ونعسي
إسراء شافت فيه ومستغربة علاش غوت عليها وكفاش هضر معصب ونطقات : مالك علاش كتغوت عليا شدرتليك انا
إلياس مسح على شعرو ونطق : مدرتي والو انا لدرت صافي
إسراء اكتشوف فيه تنطقات : اااه والله مفهمت دبا انت مالك
إلياس : الله يرضي عليك جمعي داكشي لعندك وخلينا نعسو الليل هذا وانتي مريضة
إسراء : وخا مفهمت وخا
إلياس : هكاك كوني تسمعي الهضرة وبراكا من حلاوة لايولي فيك سكر
إسراء : وراه ولدك لباغي حلويات ماشي انا شغنديرلو انا، معليا غار نتقبل اواميرو
إلياس : ههههه حمقة نتي
إسراء ناضت من حداه حطات كوفتير فوق كوافوز وهبدي سقاطة لجاب لها ومشات غسلات وجهها ويديها عاد جات عندو نعسات حداه وعنقها عندو ونعسو في حضن بعضيتهم على إثر ظغوطات وصدمات لدازت منهم إسراء في هاد يوم