عشقك إدماني

parte 153

ونطق إلياس : شويا اعمري ولا باقي وجع فيك
إسراء : لا لا حمدالله
ودمارا نيشان وجهة لفيلا
مسافة طريق تكانو وصلو فيلا بلاصا اللوطو عاد هبط منها وتاجه لمراتو عونها تهبطات وهي شادا جنبها وصلها تال بيتهم وبقا جالس حداها وبعد بضع دقائق طلعات خادمة هزا فيديها سرباية لفيها ماكلة فتح لها الباب وشد من عندها سرباية وتاجه حدا إسراء بدا كوكلها وكسيف عليها تكملات ماكلتها وغفات  وهو نزل و هاز ديك سرباية فيدو حطها فكوزينة ويلاه غيمشي صالون  تسمع صونيت فالباب مشا حل الباب رقا قدامو ريتاج وصوفيا موصلهم عمر
نطقات صوفيا من بعد مدخلو : خويا وش إسراء لباس عليها تخلعت عليها
إلياس : حمدالله راها بيخير راها ناعسة
ريتاج : الله يجيب شفاء ياربي ااه هي ناعسة
إلياس : مهم غنمشي خدمة دبا بقاو معاها تانجي ردولها البال الله يجازيكم
ريتاج : كن هاني اخويا انا وصوفيا غنردولها البال
حدو امألها براسو وهو يهز فيستة فيدو وخرج ركب مع عمر فاللوطو ديالو تاجهو الخدمة
اما عند بنات فورا مادخلو ومشاو جلسو فصالون بقاو شحال جالسين تنطقات صوفيا : اديك الحمقة
ريتاج : نعام مالكي اشكاين
صوفيا صغرات عينيها فيها ونطقات : وش داك خونا مغايجيش اخطبك ولا مكم ستحليتوها
ريتاج : وراه باغي يجي هو من اليوم الا بغا يتزوج بيا غيتزوج بيا غار انا لمعكسة
صوفيا نزلات عليها بضربة لظهر ونطقات : مال مك معكسة معجبك الحلال ولا مك بغا تعيشي لحرام محشمتيش
ريتاج مسكات ظهرها لوجعها بسبب ضربة صوفيا ونطقات بتذمر : وزݣاي اصحبتي وش هذي ايد ولا بالا راه انا بغا نكمل قرايتي وتانيا قتلو ايجي اخطبني مورا عرس ختي
صوفيا نطقات بتفهم  : اامم يعني عرس ختك  مورا هاد سيمانة وراها غيجي يخطبك قولي هكاك يلاه فهمتك اوا صافي منخافش عليك اساطة ملي طيحتي داك معتصم رانك واعرة هههه
ريتاج : شوفي يلاه نوضو ديك دحشة ملينا نبقاو جالسين هكا بلا بيها
صوفيا : وزعما عادي الا طلعنا بيت
ريتاج وقفات ونطقات : وعادي اصحبتي ايلاه
مشاو طلعو فتحو عليها الباب رقاوها ناعسة فسبات ونطقات ريتاج : اشش اصحبتي لا تخلعيها تصدق والدانا هنا
صوفيا : وييه ويصدق داك راجلها لايحنا من شرجم
ريتاج ضحكات ونطقات : ههههه هو صراحة يديرها
مشات صوفيا حداها بقات كتحركها بيديها لكتفها ونطقات بصوت عالي  : وفيقي اديك الدبة افيقي
ريتاج نطقات بالهمس: اشش صحبتي تصدقي خالعانا درية شوفي بحالاش غنفيقها
صوفيا  ناضت من حداها وبقات كتدور فالبيت حتاهيا فيها تبقشيش : صافي سيري فيقيها انا غنتسارا فبيتها وتبارك الله على مزيناتو البيت اريتاج
ريتاج ضحكات ونطقات : وصوفيا وديك الهبيلة تي خلي متبقشي حشوما عيب
صوفيا : صافي فيقي هاديك الحلوفة خمرات ݣاع
بقاو شحال بنات كفيقوها
تفاقت إسراء معمشة وشافت فيهم ونطقات : بسم الله الرحمن الرحيم
صوفيا مربعة إيديها واقفة عند راسها اما ريتاج جالسة حداها ونطقات صوفيا بإستفزاز : مالك احنينتي شفتي جنون
إسراء ناضت جلسات وهي شادا تحت كرشها لبدات كتبان : انتوما اشجابكم عندي
ريتاج نطقات بغضب طفيف : مالك اختشي منجوش عندك صواب زيرو رحبي بينا شكون بحالك نجو عندك
ناضت ونطقات : يلاه اصوفيا هاد العوجة شافت راجلها تسيفات علينا يلاه حنا حمقات جينا عندها
صوفيا شداتها من دراعها ونطقات وهي كتبوحط : وييه  يلاه اصحبتي عشرة سنين ملي تولدنا وحنا عارفين بعضياتنا فلاخير ولات كتقول شجابكم يلاه نمشو متلينا ݣاع نجوها
إسراء كتشوف فيهم ونطقات : ياربي صبرني والله يامكم نرقاكم مشيتو ياتنشدكم ونشبعكم نتيف يلاه نزلو ابنياتي وتسناوني فصالون بين مافقت مزيان وستوعبت شكون انا وشكون نتوما ، اه حقا فيناهو راجلي شتو خلاكم جيتو طلعتو عندي
ريتاج : اوا راجلك مشا الخدمة وقالنا حنا نردوليك البال باش ندو الاجر ولد مسكين اما انتي على وجهك مردوليكش البال
صوفيا : ويه قوليهالها اريتاج هكاك الله يرضي عليك
إسراء ناضت وتجهات الحمام اما هوها خرجو من البيت ونزلو جلسو فصالون كتسناوها
بضع دقائق تكانت نازلة  ببطئ حدها كدير خطوة خطوة وتجهات جلسات معاهم تجاو خادمات هازين ضيافة حطوها فوق طبلة
وبداو كهضرو فمواضيع مختلفة
مرت ايام وهما نفس روتين من غير عائلة ريتاج كوجدو العرس نور  تجا نهار لغيكون عرس نور لمر بأجوائو  وعاداتو وتقاليد مغربية العريقة
فواحد بيت لكانت هي واقفة و لابسة قفطان مغربي مطرز بالبيض والذهبي ومع ميني طالون بالبيض ومكياج لكان سموكي لبرز لها ملامحها بريئة وناعمة ومشيطة العروسة ومزينها تاج فوق شعرها وكانت واقفة معاها ريتاج لمرتادية قفطان جوهرة باللون زرق ملاكي ومكتافية فقط بميكاب خفيف ومعاها رانيا لتاهي لايقل جمال عليهم كذلك مرتادية قفطان جوهرة ب أخضر ملاكي وكذلك إسراء لوتاها قفطان باللون بنفسجي مع كريشة لباينة لجاتها كيوت فيها مع قصيرة وحاملة ورجليها مرتادية فيهم فقط سندالة بلا اما صوفيا لرتادت تكشيطة ومع طالون وبميكاب خفيف ولكن برزات عينيها فيهم
نطقات ريتاج : مشاء الله عليك ختي جيتي زوينة اشوفك مروان اصدق طايح كثر من نايض
نور نطقات ضاحكة : سكتي متليتي كتحشمي
نطقات صوفيا : وقالت غار حقيقة اختشي ههههه
ريتاج شافت جهة إسراء ونطقات : وتوما ضربو ليا على مدام إسراء بكريشة ديالها وينو شحال كيوت فنيونة وخسارة داك مجعور ديال ولد خالتي مخلاك ديري مكياج
رانيا شافت جهة إسراء ونطقات بسخرية : فين جاتها كياتة هههه خويا لعبر كن دارت مكياج تجي حالتها
يلاه كانت اتنطق إسراء  تفتحات الباب غيثة لكانت مرتادية قفطان هي كذلك ودايرا مكياج صارخ ونطقات : البنات قاتلكم خالتي إيمان خاصكم تخرجو من بيت غيجي مروان ادي العروسة
رانيا بتاسمات : وي حبيبة هنا انخرجو
غيثة شافت جهة إسراء ونطقات: اويلي مالكي حالتك صفراء علاش مديري ميكاب
إسراء لبتاسمات لها ابتسامة صفراء ونطقات بسخرية : زوجي وقرة عيني مبغانيش ندير مكياج وانا عاجبني زيني هكا
غيثة مرضاتش شنو قالت ونطقات وهي كتحاول تخفي الغيرة لفيها  : اوا لبالك ازين انا اقلت حشوما تجي العرس بحالا جايا جنازة
نطقات صوفبا : والاخت راه الا جينا نشوفو شكون بينك نتي وإسراء شكون تيتيزة نرقاو إسراء وهي بلا مكياج هي تيتيزة عليك لذلك دخلي سوق راسك شويا بلا ماتبقاي تعطاي بحال شيخات شوفي احالتك كدايرة تقولي غدا البيران
رانيا : سمعي اديك برهوشة راه غيثة مهضراتش معك شنو دخلك نتي
نور شافت فيهم نطقات : امالكم اشكاين
ريتاج وقفات قدام صوفيا ورانيا ونطقات  : صافي البنات الله يهديكم مالكم بغيتو تضاربو  صافي كالم طوا
إسراء بتاسمات وشدات فصوفيا حيث عارفاها غدابز لها هنايا ونطقات  : ماعلينا يلاه نخرجو
بالفعل خرجو البنات من البيت خلاو نور بوحدها فالبيت كتسنا عريسها اجيها
اما إسراء وصوفيا ماشيين ونطقات صوفيا : نتي مالك معطيتي لجد مها شنو كتسوا لاش سكتي عصبتني حمارة لاخرة كن اخليتيني نوريها كفاش طاول عليك اصحبتي فيناهيا إسراء لكنعرف
إسراء شافت فيها ونطقات : سكتي اصوفيا راه مبغاش نشطب بيها الارض. احيث مبغاش ندير شوهة هنايا اما انا والله لا سكتلها بالله مزال هاديك رانيا وغيثة وحسابي معاهم وهو لاخر
ريتاج شدات فدراع إسراء : صافي الله ينعل شيطان ديرو عقلكم اه حقا هاديك غيثة عندك صح ختنا حاطة عينيها على ولد خالتي اهيا ناري
إسراء : والله يامها وتقرب راجلي ياتنشرب  من دمها وهادي إسراء واجرك على الله وزوينة هادي بغا طيرلي راجل
صوفيا ضحكات ونطقات : اش غاطير اصحبتي ونتي إلياس كموت في حسك ههههه
خمسات لها فوجهها ونطقات : متيعنولي فراجلي توما خلو عليكم راجلي
ريتاج غاطلعات عينيها وبالها معتصم واقف وحدو ونطقات : دريات غانمشي عند راجلي مستقبلي
شداتها إسراء من دراعها ونطقات : نتي ثبتي لارض غكتشوفيه كحوالو عينيك مالو خاطبك باش تمشي عندو متليتي كتحشمي لمك
صوفيا ضحكات ونطقات : يلاه شدي يا بنيتي ياريتاج
ريتاج بدات كتغبن ونطقات وهي جامعة شفايفها بطفولية : عفااك الله يرحم ميمتك ياإسراء راه توحشتو والله منعنقو غادي غنهضر معاه وتوحشتو خليني نمشي عفاااك
إسراء طلقات من ذراعها ونطقات : سيري شحال فيك ديال تبوحيط سيري والا شافك عمي عماد متجيش تبكاي عليا
ريتاج لمعو عينيها ونطقات ضاحكة : تهناي هههه شكرا
مشات كطير من حداها  ل اتجاهو اما هوما مشاو جلسو فواحد طابلة
ريتاج وقفات قدام معتصم ونطقات وهي مبتاسمة : تراا كجيتك احبيبي جيت تيتيزة
معتصم شاف فيها بحدة محملش داك مكياج لدايراه فوجهها شداتو الغيرة عليها  ونطق  بالغوات : شجابك نتي هنا يلاه سيري من حدايا وبركي حدا النساء نرقا مك كدوري هنا مايعجبك الحال
ريتاج عقدات حواجبها ومعجبهاش الحال كفاش يغوت عليها نطقات : انا لي هبيلة جايا عندك سير بعد مني ومرة اخرى مكنعرفك مكتعرفني
يلاه جا يهضر معاها طارت من حداه وبقا كمسح على اللحيتو كستغفر الله  اما هي  مشات جلسات حدا بنات وهي طلعلها دم عاد كانت فرحانة ودبا دغيا تقلب مزاجها شافو فيها البنات بشك ونطقات إسراء : مالكي اريتاج ؟!
ريتاج حاولات تمنع دموعها يتساقطو ونطقات : إسراء عندك الحق
صوفيا : مفهمت والو مالكي
جوهرة : مالكي اصحبتي عاد كنتي فرحانة وبغا تشوفي خويا مالكي امرات خويا مستقبلية
ريتاج : صافي اجوهرة مبقيتش مرات خوك مستقبلية حمار لاخور عصبني الݣنز لاخر و جرا عليا تفو عليه
جوهرة ضحكات ونطقات : هههه يا ختي مزال مشفتي معتصم مزيان هههه انا ختو وكنخاف منو كخلعني  وحيث غار عليك العفريتة داكشي علاش جرا عليك
ريتاج زمات شفايفها ونطقات بعصبية : اشمن الغيرة ولا المرض ماقد تايقول جيتي الغزالة احبيبة كتنفخ عليا تما صافي متليتش بغاه
البنات ضحكو ونطقات إسراء : اميمتي هربتيني
تادخلو العرسان بزغاريت وبالصلاة والسلام عليك ارسول الله