عشقك إدماني

parte 102

اصبحنا واصبح الملك لله
عند البنات واقفين كتسناو إسراء
نطقات صوفيا موجهة كلامها ريتاج : تاشافت هذي مغتجيش اليوم اويلي بزااف هتشي على تعطال بقات جوج دقائق وندخلو
ريتاج : تاباليا صحبتنا واقعا لها شيحاجة ملي مجات باينا ولد خالتي دارلها شيحاجة نيت
صوفيا : ويلي ياكما اتكون خرجات بلا خبارو البارح اويلي وباينا قتلها
يلاه جات تنطق ريتاج
تجات عندهم جوهرة كتجري ونطقات : اوف البنات كسحابلي دخلتو عليا
ريتاج : نتي مالك نعستي ولا شنو
جوهرة : ويه راه داني نعاس داكشي علاه
صوفيا : اه هكاك
ريتاج : نتي مشفت خوك وش جابك
جوهرة : خويا راه مغيتسنانيش راه مشا وجيت انا مع شيفور
صوفيا : اه زيدو دخلو تقراو
دخلو البنات اقراو تنطقات جوهرة : فيناهيا إسراء شافتها كاع مكاينا
صوفيا : اوا هانك كتشوفي محضراتش
ريتاج : يلاه براكا من هدرة تانخرجو ونمشو نهجمو عليها
صوفيا : صافي تنخرجو ههههه
اما إلياس وإسراء لصبحو ناعسيين
من غير إلياس لفاق قبل إسراء بشي دقائق حيث معندوش الخدمة اما إسراء كانت قارية
ناض دوش عليه لبس سورفيت صلى صلاتو وعاد تقدم عندها بدا كنوضها
إلياس نطق : إسراء فيقي يلاه
إسراء لارد
إلياس نطق مرة تانية وتالتة ولارد تفتح ريدوات عاد بدات كتفيق بسبب انها تعنكشات بأشعة شمس لجايا على وجهها ونطقات : نعام خلينا نعسو الله يرحم باك
إلياس : تهزي يلاه الخامرة
إسراء فاقت مخلوعة : بلاتي قولي شحال ساعة
إلياس شاف فيها بإستغراب ونطق : هذي 11 ديال نهار
إسراء ناضت بزربة جالسة و ضربات إيدها فوق فخاضها ونطقات مغوتة : وحشومة عليك اإلياس مبالك تفيقني غادبا
إلياس : اشش مالنا على الغوات اشواقع
إسراء : اويلي اويلي اميمتي راه قراية اعباد الله فتتني حصة وانا ناعسة هنا وانت منوضتنيش والله تاحشومة
إلياس : صافي مافيها باس تفوت حصة
إسراء بنفاذ صبر : كفاش انت كتقولها بكل برود حيث صافي ساليتي قرايتك
إلياس : اسمعيني الله يرضي عليك
إسراء : نعام شغانسمع
إلياس : راه اصلا وخا كنتي اتنوضي بكري مكنت غنخليك تمشي
إسراء: وعلاش بسالامة
إلياس : حيث رانك مريضة ابنادم
إسراء خنزرات فيه ونطقات مستهزءة : متليناش عمري وحبيبة وزينة البنات ولينا بنادم ياك وخا
إلياس : ورانك بنادم نيت رانك ماشي حيوان
إسراء : دبا هذي نعتابرها قمعة ولا شنو معمرك تبدل
ناض إلياس من حداها وهو مبتاسم وعنكش شعرها كيف ديما ونطق : سيري قدي حالتك راه غنخرجو
إسراء : فين انخرجو
إلياس : باش نفطرو على برا
إسراء : هههه علاش دبا وقت فطور
إلياس : مهم عندك 10 دقايق رقاك تحت وسمعي هاودني منك ونرقاك شيحاجة لبساها مزيرة ومعرية منعقل عليك
إسراء: صافي فهمنا ياربي سلامة معقد
إلياس خنزر فيها ونطق : يلاه العد تنازلي بدا وديك معقد ذكريها على فمك نوريك شناهيا معقد
إسراء ناضت فوق نموسية وتقابلات معاه ونطقات : يلاه خرج خليني نقاد حالتي
إلياس : بلاتي نبدل عاد نخرج
إسراء : اوك
إلياس دخل دريسينغ إلبس عليه اما إسراء بقات كتجمع البيت وتقادو بعد دقائق خرج إلياس لابس عليه قميجة زرقاء مع سروال دجين غامق وسبرديلة كحلة وهز فيستة فيدوا كحلة و لابس سعتو لمزينة إيدو وإسراء كتشوف فيه وساهية فعينيه لكجذبوها ونطقات بدون شعور : واو على عينين عندك قتاليين
إلياس متقابل معاها وهي بقا واقفة كتشوف فيه خصوصا مع الوحم لاعب دورو وهو يبتسم لها إبتسامة ذوباتها كثر ماهي ذايبة ونطق : عمري غنباتو هنا ولا شنو
إسراء ناضت من سهوتها وهي حاسة بالاحراج خصوصا وجهها دغيا كتزنك وهي كتسرط فريقها وإلياس حاضي توترها وكفاش تحرجات وحشمات وحنيكاتها لمزنكين ونطق هو حاضي تفاصيلها تنهد تنهيدة خارجة من اعماقو ونطق : ااه عليك شحال كتخليني بلا عقل وهاد تسنطيح ديالك والحشمة وعزة نفس كتحمقيني فيك ابنت الناس نهار على نهار كزيد عشقي ليك ومغنقولش بلي حبي ليك ككبر نهار على نهار بل انا وليت معشوق بيك خلتيني بعشقك إدماني
وإسراء وكتسمع ليه كفاش كتغزل بيها نهار على نهار كتزيد تبغيه وتحماق عليه وخصوصا كفاش كعاملها وكخاف عليها وكواسيها وكساعدها هو الامان بالنسبة ليها ومهبطة عينيها وتحت ومزنكة كاسيها الخجل وهو باقي حاضيها وهو يمد ايدو مسح على حنكها وهو لها راسها بإيدو تتقابلات اعينهم حادة ونطق هو كشوف فعينيها لكبار ومشفرين وهي كذلك حاضياه وكتسناه شنو غينطق وبعد صمت نطق : ديما راسك اكون مرفوع عمرك تهبطيه نتي اإسراء قوية وعمر شيحاجة تهرسك صافي اعمري وتاحاجة متستاحق دموعك غالية سمعتيني ومتخليش قلق اسيطر عليك حيث مبقيتيش بحدك وحط إيدو على بطنها ونطق معانا دبا ولدنا وثمرة حبنا سمعتيني
إسراء تلاحت عليه عنقاتو ونطقات : عرفتي انا ممتنة بزااف حيث سيفطك لي ربي فطريقي
وكلمس فشعرها لمطلوق ونطق من بعد مفصلات عناق ونطق : يلاه اعمري بدلي عليك باش نخرجو اوك
إسراء بتاسمات لو ونطقات : وخا
كذلك هو بدلها ابتسامة وخرج من بيت باش يخليها تبدل على خاطرها عرفها متقدرش تبدل قدامو وهبط تحت كتسناها اما هي لبسات عليها قميجة كحلة طويلة واصلة فوق ركبة ومن سروال دجين واسع شوية ومن فوقها تجاكيطة صغيرة بالكحل وعاد لبسات سبرديلة كحلة وسرحات شعرها وجمعاتو كوب شوفال ومخليا شي خصلات فوق جبهتها
عاد هزات ساك صغير دارت فيه مسائلها وخرجات عندو رقاتو كتسناها ونطق هو كشوف فيها برضى عجبو داكشي للبسات وملي سمعات كلامو ونطق من بعد مجمع وقفة وشد إيديها عندو ونطق : يلاه اعمري مشينا
إسراء : وخا
خرجو من فيلا ودمارا نيشان البحر افطرو فشي كافي تم مقابلا مع البحر ومع جو كان زوين
وصلو تم وإسراء كتشوف المنظر عجبها بزااف وحمقها
ودخلو افطرو فجو رومانسي
اما عند بنات فجامعة من بعد مخرجو نطقات صوفيا
صوفيا : يلاه نمشو نهجمو علي هاديك ختنا نطقات جوهرة
جوهرة : حشوما اصحبتي اشمن تهجمي عليها راه سيدة مع راجلها
ريتاج : وعادي اصلا ولد خالتي كبغي البشر لجي عندو
صوفيا : سكتي وكان سكتي ماشي ديك نهار خنزر فينا وقال قدامنا نتوما معندكم اشغالكم لكل نهار جايين عندي
ريتاج : يهديك الله اصوفيا مالنا غنمشو عندو هو راه غنمشو عند ديك مسطية ديال صحبتنا
جوهرة : وراه دارو هديك ايها الناس اصدق مجري عليها ومجري عليكم تانتوما
تاشويا بان معتصم جاي لجيهتهم اما صوفيا بعدات لا يصدق شايفها عمر وانحرهاا مقادا على مشاكل
اما ريتاج فيناهيا ساهية فيه عيات صوفيا متغمزها تجي والو سيدة ماشي فهاد عالم
وجا وقف قدامهم ونطق
معتصم : جوهرة تحركي قدامي يلاه شحال انا وااقف كنتسناك ونتي مقابلا لي جموع هنايا
جوهرة حدرات عينيها خصوصا خالق ليها رعب ونطقات : وخا خويا
تادار عندها ورقا ريتاج ساهية فيه ونطق : ختي وش كاين شي مشكل
ريتاج تحرجات ونطقات معصبة محملاتوش اقولها ختي ولكن تمالكت راسها اما صوفيا حاضياها مكرهات تشدها تنتفها وتجيب حتى إسراء واتعاونو عليها باش تعلم تبين دير هاد اغلاط ونطقات بصوت هادئ : مكاين اخويا تامشكل
معتصم طلع حاجبو ونطق : ولاش كتشوفي فيا ياكما بالك اللوحة تشكيلية انا
ريتاج تغددات فخاطرها وابتسمات ابتسامة استهزاء ونطقات : هههه لا لا غار جاب ليك الله شوف وراك راه كنت كنشوف وش شيفور جاي ولا لا
معتصم دار وشاف نيت شيفور جا وعقد حواجبو محملش بلان ومعرف ميقول وهو ينطق : مزيان اوا سيري سكتسناي
صوفيا شافت بإعجاب كفاش ردات عليه ولكن مزال خاصها تعاتبها باش تولي ترد بال تصرفاتها
نطقات ريتاج بكل هدوء : كتسنا تحيد من قدامي لا
معتصم تغدد وهو يمشي بلا ميجاوبها ودمارا نيشان غادي بسرعة وجوهرة حاضياه بعينيها تنطقات : خويا وش كاين شي مشكل
دار عندها ونطق : هذيك صحبتك منبقاش نشوفها معك سمعتي
جوهرة : ولكن منقدرش اخويا ات عرفني مكانوش عندي صحبات لا ،الا هوما لا سمحليا
معتصم : اوك صافي هنينا
جوهرة : خويا وش عندك شي تصويرة ديال خالي
خنزر فيها معتصم ونطق : اخير مرة كنسمعك ذكريه على فمك هذاك خالك راه جدي الا سمعك كذكريه ميعقلش عليك
جوهرة هبطات عينيها تحت ونطقات : وخا خويا صافي
اما عند البنات ملي مشا وريتاج بدات كترد نفس توقفات عندها صوفيا ونطقات : مرة اخرى ردي بال تصرفاتك ولا هاد مرة مغنهدرش بفمي غنهدر بإيدي وإسراء رانك عرفاها نتي كاع كوليه اويلي اش هاد شوفات بقيتي كديري فيه انا راجلي ومدرت فيه هكا
ريتاج : وصافي اساطة مهم عتقت موقفي ومتقوليهاش إسراء هذيك راه غادي تصفيها لي

10