عشقك إدماني

parte 164

كملو ليها البنات ميكاب لبرز ليها عينيها وخذوذها شافو فيها البنات بإعجاب ونطقات جوهرة بإعجاب : واو ابنت خالي وجيتي فنة ماشاء الله وينو وينو على حنيكات
إسراء ضحكات ونطقات : ياكما معيق البنات والله منعقل عليكم الا كان معيق رانكم عارفين إلياس شغايديرلي
صوفيا شافت فيها بملامح الانزعاج ونطقات : ياربي صبرني ياربي قلنا لك درنالك خفيف يعني خفيف صافي امالكي رانا ضاربين لحساب لداك مصعور ديال راجلك
ناضت ريتاج وجات جهتها وجراتها جهة كوافوز وشارت لها تجلس تجلسات فوق كرسي ومقابلا مع مراية ودارت ريتاج وراها وهي شدا شعرها فإيديها ونطقات : هانا انقدلك سرحة تكون مواتية لهاد مناسبة
إسراء : صافي لدرتي هو هداك
بقات ريتاج معاها تقادتلها مشيطة خفيفة
عاد جراتها صوفيا جهة مراية لكانت بالاطلالة روعة مع قفطان جوهرة وميكاب خفيف ومع مشيطة خفيفة ونطقات بإعجاب : وايلي وش هاذي انا
صوفيا هزات فيها حاجب ونطقات : هذا خيالك هذا
لبسات فرجليها صندالة بلا وهزات إياد فإيدبها وعاد خرجو من بيت وتمات هابطة بهدوء وتجهات البيت لمجموعيين فيها العائلة سلمو عليها عاد جلسات وجلسوا حداها بنات كتعاودو تجات عندها وئام وأية اية عنقاتها وسلمات عليهم وكذلك وئام جات عنقاتهم عاد مشات جهة اسراء عنقاتها ونطقات : وليك وحشة اختي وشحال عدي بيك
إسراء منعسة ولدها في حضنها وهي تنطق : حتا انا توحشتكم بزااف
جلسو حداها وتحناو باسو إياد فجبهتو عاد بقاو جالسين مجمعين وصوفيا كتعرفهم على ريتاج وجوهرة وهي تنطق صوفيا : اوا اية كغادا مع الباك ياك كتبريباري بعدا ليه
أية شافت فيها ونطقات : اوا ضروري رانا كنراجعو ياختي خالعني
صوفيا طبطبات على كتفها ونطقات بحنية : متخلعي موالو كلشي غيدوز مزيان غتهناي
أية بتاسمات لها ونطقات : ان شاءالله دعو معايا بتوفيق
تاشويا تمات دخلا رانيا بغرور وتبعاها غيثة وجلسو مقابلين مع البنات ورانيا دارت رجل فوق رجل ونظراتها مسلطين لإسراء وبظبط لطفل إياد وبقات غكتشوف ونظراتها ممفهومينش ، إسراء طلعات عينيها فيها ورقاتها بقا كتشوف و همسات لصوفيا : هذي مالها كتشوف فيا هكا وفولدي إياد يكما ناوية على شيحاجة
صوفيا عقدات حواجبهاونطقات : معرفت اختي ممرتاحاش ليها
عند رانيا لجالسة وغكتشوف تهمساتلها غيثة : مالك كتشوفي فيهم راه كلشي تبه جيهتك
رانيا لقلبات عينيها جهة غيثة وابتسمات ابتسامة غريبة ورجعات نظراتها لإسراء وولدها كتشوف فيهم وهي تنطق بالحقد : شفتي لشفت هي لولات محور الكون هي لولاو عاطينها اولوية إسراء طارت إسراء نزلات انا هي محور الكون انا هي كلشي مخص تواحد اشوف جيهتها انا لخاص اتسلط عليا اضواء ماشي هي
غيثة بقات ساكتة.وهي تكمل رانيا كلامها لكان خافت مسموع بينها فقط هي وغيثة : انا محقداش عليها
وسعات عينيها غيثة بصدمة ونطقات : كفاش محقداش عليها ؟! مفهمتش
رانيا بقا عينيها على إسراء وإسراء غار مخنزرة فيها وكتجاهلها قدر الامكان ونطقات : سكتي متهدريش
غيثة : وخا هانا ساكتة
رانيا : انا محقداش عليها ومسوقيش فيها ولكن هي لجات بلاصة لمخص تجي فيها تواحد ، سرقات مني خويا لكان كهتم بيا منبعد مكنت فاقدا الحنان
غرغرو عينيها وغيثة كتسمع منها كل كلمة وكتصدم : ااه انا خويا هو لهتم بيا وخا كاينا ماما وخا كاين بابا ماما كانت ديما خارجة مع صحاباتها هوس بالموضات وبابا ديما خدام كعرفوني غا الا عطاوني فلوس انا خويا هو لكان عاطيني حنان فورا مارجع المغرب وخدم الخدمة لكحلم بيها باقي مهتم بيا ولكن ونطقات بكره: هي بسببها خدات مني خويا خلاتو يهتم بيها بوحدها هي خدات مني ضوء لكان عليا كلشي ولا كشوف غار جهتها انا كنكرهها سمعتي كنكرهها وبزااف
غيثة كتشوف فيها وبقات ساكتة وقلبات عينيها رانيا جهتها ونطقات بنرجيسية : سمعتي اي واحد مخاصوش اسرق مني الانظار انا الكل فالكل انا بوحدي لعندي قيمة تواحد ماعندو قيمة من غيري انا كل فالكل كلكم عبارة عن حشرات قدامي انا ،،
غيثة سرطات ريقها ونطقات بهدوء: ولكن ارانيا نتي انانية فراسك هدشي ولا لا من ديما كتجنب مناقشات معك حيث عرفاك نرجيسية وزدت تأكدت
هي لبتاسمات ابتسامة استهزاء على محياها وشافت ناحيتها ونطقات : ااه انا انانية ونرجيسية وعجبني راسي وكنبغي راسي اللوم ماشي عليا على والديا إيمان وعمران هوما لفششوني بفلوسهم وخا هكاك مغنحطش عليهم اللوم حيث انا هي كلشي فحياة
وسكتات وعادت نظرها لإسراء لجا من ناس كتسالم معاها وهي غكتشوف بكره ناحيتها وزادت حقدات كثر وكثر تكسرات صمت لكان بيناتهم ملي نطقات غيثة : مثلا الا كنت انا بلاصتها واخذت الاهتمام وش غادي تكرهيني وخا صحبتك
رانيا وجهات نظراتها لها ونطقات بكلمات سامة : انا وياك اغيثة ماشي صحابات ، حتى الا كنا صحابات بالطبع غندمك وغنكرهك فحياتك نتي علاش ختاريتك بلاصتها تزوجي بخويا بدلا لها حيث غنقدر نتحكم فيك كالدمية حيث عارفا نسيطر عليك اما هي شخصيتها قوية بزااف لذلك غتعاني معايا اما نتي فقط غنسيرك كالدمية فيدي
غيثة تصدمات من كلامها وعينيها غرغرو ومسحاتهم بزربة وبقات محافظة على صمتها وشافت فيها رانيا بتلاعب والاستحقاروكملات كلامها : مالكي سكتي نتي سولتيني وانا جاوبتك ، متنسايش مكانتك اغيثة نتي ماشي صحبتي نتي مجرد واحد قمامة لكنت كنلعب معاها فصغري وكنستمتع ملي كنتلاعب بيك دبا
غيثة شافت فيها بغضب وكتحاول مثير الاهتمام نحوهم ونطقات وهي مصدومة من كلماتها لجرحوها ومتوقعاتهومش: رانيااا انا وياك دوزنا عشرة سنين كفااش كتقولي عليا هكاك نتي خاصك تمشي تعالجي حيث لا يعقل هدشي نتي عندك الاظطراب في شخصية مرة كتقوليلي صحبتك مرة كتفرعني عليا وش عارفا شكديري ولا لا
قلبات عينيها بملل ونطقات بغرور : عرفا شكندير مغاديش توريني شنو ندير متنسايش راسك معامن اغيثة
غيثة بتاسمات لها وقربات منها ونطقات : شباليك ازين نقول لخوك على داك دواء لكتاكلي وماشي قانوني بلي نتي مبلية بيه لذلك ارنيا متختبرينيش وخليك هكا مزيانة وصحابات متعاونين
هي لتصدمات منها وخنزرات فيها وناضت من حداها مشات جهة إسراء واقفا عند راسهم طلعات فيها عينيها إسراء ونطقات بغضب : شنو بغا نتي
رانيا بتاسمات ابتسامة صفراء وجلسات حداها ملي دارتلها وئام بلاصة ودارت رجل فوق رجل ونطقات : لا مبغيت والو ،غير جيت نعتاذر ليك احبيبة على داكشي لوقع ولمقصدش يوقع
إ سراء غطات ولدها ومخبياه عليها وشافت فيهاا مخنزرة ونطقات كتحاول تهدأ اعصابها : كفاااش وش انتي مريضة فمخك قالك مقصداش ، راني عرفاك قصدا ولكن حمدالله ولدي تشبت بيا و تزاد لهاد حياة بيخير وعلى خير نتي متستاهليش تكون عمتو نتي لفعة محال اكون عندك شيحاجة سميتها ضمير ولا رحمة ولكن طالبة الله هدشي لكان غيوقعلي ان شاء الله يوقع ليك كثر وماكثر وأضعاف وبغيت ربي اجرب لك طعم فقدان وان شاء الله تجربي معانات فالحياة وبغيت ربي ياخوذ حقي من هاد دنيا قبل لاخرة
رانيا ديك ابتسامة لكانت دايرة جمعاتها ورجعو نظراتها فارغة وكتفرك فإيديها ونطقات بهدوء : انا قلت ليك مقصدتش مكنتش عارفا انا ماشي شريرة لديك درجة لغنقتل ولد خويا علاش كدعي عليا
إسراء مجوبتهاش مافيها لبقا يعاود معها الهدرة تنطقات صوفيا لضحكات بالاستهزاء وجات تبدلات مع وئام بلاصة وجلسات بلاصتها وشافت فرانيا نظرات حارقة ونطقات بحدة من بعد مجمعات ضحكة : غنقوليك شي كلام وكنتمنى دخليه لهاد نص لعقل حيث والله هاد مرة ارانيا مغتفكي مني لا أنا لا إسراء
رانيا غمضاتهم وحلاتهم وكتصطانع الهدوء وكملات كلامها صوفيا ملي نطقات : عرفتي ارانيا وديري شيحاجة اخرى راه والله منعقل عليك غنسيفطوك فين ترباي هاد مرة دازت على خير ولكن مرة اخرى منضمنش ليك ، يلاه نوضي تݣعدي من حدانا ورجعي بلاصتك كمارة كدايرة
رانيا سرطات ريقها وناضت ورجعات بلاصتها لكانت حدا غيثة وغيثة غاكتشوف
تبدا قرأن كتسمع فالفيلا كلها للأنه إلياس عرض على لفقها وبداو كقراو الاحزاب من قرأن كريم عاد
تحط الغداء وتجمعو عليه رجال بوحدهم والعيلات بوحدهم
مورا مكملو الغداء رجالا خرجو وإلياس طلع بيتو يرتاح تاتمات طالعة إسراء البيت فتحاتو بشوية عمبالها نعس هو كان باقي فايق وهزا بإيدها إياد لرضعاتو ونعس وحطاتو فالكونة ديالو تشاف فيها إلياس عقد حواجبو ملي شافها ميكاب فوجهها وناض عندها ونطق بحدة : شهاد زمر لدايرة فوجهك
تقربات منو إسراء ونطقات بتحلوين هي كدوز إيدها على صدرو وكترمش عويناتها بالاغراء : حبيبي هذا نهاري وبغيت نفرح بيه وشوف ݣاع ممكتراه
هو سرط ريقو وديك العصبية لفيه تهدأت وبقا جامد كشوف فيها تحكمها من خصرها وقرب منها تتلقاو شفايفهم بقا كقبلها بشغف عاد سند جبهتو على جبهتها ونطق وهو كتنهد وكدوز ابهامو على حنيكاتها : اوف امتا غتكملي توحشتك صبري راه كضبر ابنت الناس
هي لعضات على شفايفها وحنيكاتها تزنكو وضحكات ونطقات : باقي ههههه صبر وكان صبر
إلياس ضمها لصدرو وايدو كدوز على ظهرها بحنية ونطق : عييتي اعمري
إسراء : شوية وصافي ، ااه كنت غنخلي عندك إياد حيث غنطبلو انا والنساء عارف نشاط كاين فالدم
إلياس طلق منها ونطق وهو كشوف بيها بحب : وخا عمري نشطي مع رساتك انا مع إياد
بتاسمات لو وقبلاتو وخلاتو هو يرتاح وهبطات عند عيالات لبداو كسخنو في بنادير باش يبداو نشاط على اصولو