عشقك إدماني

Parte 39

من بعد مسالو فطور مشاو جمعو ماعيين لغيتغسلو وتعاونو عليه إسراء وصوفيا حتا غسلو ماعيين ونقاو كوزينة وناضو مشاو توضاو باش يمشو اصلو تروايح
صوفيا : إسراء شباليك ملي نسالو تروايح نخرجو ندورو شويا
إسراء : وخا ماشي مشكل لكن خاص نتشاورو مع خالتي وعمي
صوفيا : وخا انتشاور معاهم
من بعد متشاورو مع رحمة ومصطفى وخلاوهم قالولهم ميتعطلو احاولو اجو مع 1 كتعرفو اجواء رمضان بحالاش يعني بنادم كيبقا تال 4 ديال صباح عاد كرجع دارو
من بعد مشاو جامع اصلو صلاة تروايح مع وصلات 10 ونص ديال الليل سلات صلاة رجعو دار لبسو عليهم
إسراء لبسات كسوة بإيديها وصلا تال تحت باللون بيج مع صندالة سامبل وجمعات شعرها كوب شوفال  مع ساكها بنفس اللون كسوة اما صوفيا حتا هيا لباسات كسوة بحالها باللون بنفسجي فاتح مع صندالة  سامبل وجمعات شعرها شفنجة الفوق حتا هيا مع نفس اللون ساك
وخرجو البنات ادورو
اما في جهة اخرى الياش وعمر فكرو حتا هما اخرجو 
من بعد مشاو البنات جهة البحر كالسين وكهضرو بيناتهم
اما عمر وإلياس حتا هوما وصلو البحر تاكشوفوهم
عمر : إلياس شوف لهيه شكون جالس
إلياس : اه هادو صحابات ريتاج
عمر : يلاه نمشو عندهم
إلياس : نتا شبغينا نمشو عندهم
عمر : ويلاه اصاحبي
اما بنات منساجمين فالحديت تاكحسو بشي ضل واقف عليهم هزات إسراء عينيها ونطقات
إسراء : بسم الله الرحمن الرحيم هدو شجابهم
شافت صوفيا فيهم : منعرف اصحبتي
عمر: نتوما مالكم شفتو جن ولا شنو ديرو بلاصة لينا خلونا نجلسو حداكم
إسراء : اشباغيين عدنا تاني فيما ندور نلقاكم فوجهي
إلياس : ههههه نتي لدايرا كصاعقة غيما جيت شي بلاصة نشوفك فيها
إسراء : اسبحان الله اشريف اشكون لواقف دبا عند راسنا
صوفيا : وهنونا اواه فيما تلكاودابزو
كلسو نتوما
كلسو حداهم ونطق عمر
عمر : نتوما شكديرو هنا راه خاصكم تمشو تحفظو
صوفيا : شوف الا كنت باغيين تجبدو حس قرايا غير نوضو من حدانا
إسراء : ويه وش فيما ندورو نشمعو غالقراية ملينا اواه بزااف
إلياس : مليتو ههههه مزال مشتو والو برهوشات صافي
نوض اصاحبي راه هادو مبرهشين
إسراء : احسن حاجة ملي فهمتو ريوسكم يلاه تلاحو
عمر : نتي راه خاصك تعلمي تحتارمي لكبر منك
ومشاو خلاوهم كشوفو
صوفيا : مفهمت هاد الويل فين مسلطين علينا
إسراء : وخلينا منهم مراض
صوفيا : يلاه نمشودار اوف بغيت غانعس عينيا تغمضو
إسراء : يلاه
مشاو دار فتحتلهم رحمة مشاو بدلو عليهم وفرشو بلاصتهم حتا نوضتهم رحمة سحور وتسحرو
من بعد ايام كمل رمضان كان موراه عيد فطر كأي عيد كحتفلو بيه مسلمون

ناضو بكري البنات لبسو لباسهم وسلمو علي مصطفى ورحمة وبركولهم العيد ودور معاهم مصطفى
ورحمة كترش البخور وكتوجد حلويات فوق طابلة هي و البنات وكرحبو بالضيوف وجيران لجا كبارك لهم عيد من بعد بداو كجو عندهم ضياف عائلة صوفيا وكسولو شكون هاد لمعاها وحكو لهم كلشي وتقبلوها نطقات جدة صوفيا
جدة : ابنتي إسراء نتي معندك عمامك ولا خوالك ولاشيواحد من عائلة
إسراء : صراحة الجدة ملي جيت دنيا عرفا غير ماما وبابا معمري عرفت شيحد من عائلتي
جدة : فشكل هتشي
قاطعتهم صوفيا
صوفيا :جدة هاكي دوقي هاد غريبة انا قديتها اناوإسراء
جدة : ارى نشوف ابنيتي. ( بدات كتدوق وكتعطي اصوات على انها الذيذة) الله يعطيك صحة ابنياتي اوا حداكيتو مخليتو رحمة تعذب بوحدها
إسراء : شكرا الجدة
جات صوفيا كتعيط إسراء وهزا تلفون في ايدها كتكلم مع ريتاج
صوفيا :وإسراء اجي راه صوانات عليا ريتاج
إسراء : اه وخا
جات عندها ريتاج وبداو كهدرووريتاج كدوز لعائلتها اهدرو مع إسراء وصوفيا

عند الاهل ريتاج مجتمعين عائلة كاملة بحكن ايمان وعمران ورانيا جاو من سفر وحتى إلياس معاهم ونور  حتاهيا كلهم مجتمعين كحتافلو بالعيد
من بعد مرور ايام وصل نهار لغيدزو البنات جهوي
ناضو البنات بكري مع فجر صلو فجر وكلسو كدعو ومن بعد مشاو فطرو رقاو رحمة نايضة معاهم هي ومصطفى