عشقك إدماني

Parte 53

صوفيا : اوه اصحبتي كون غاجوبتي
ريتاج : ويه قوليلى شنو رأيك فإلياس
إسراء : منعرف كون كنت عرفا كون جوبتو
صوفيا : اوا حشوما عليك
إسراء : شتكم متحمسين بزااف  اشكاين ياكما باغيبن تزوجو بلاصتي
صوفيا : لا لا إلياس خليه ليك وانا ديالي عمر ههههه
ريتاج شافت فيها فإستغراب : نتي درتي صحبو فبالك
إسراء : وايلي نتي ياد بديتي كتفكري فيه وتخطي ياديك صكعة كون تحشمي
صوفيا : اه راه فكرت فيه نهار قاتلك اإسراء إلياس تصلاحي معاه وانا براكا عليا صاحبو كنت عنياها
ريتاح : وانا نبقا بايرة
صوفيا : لا مغتبقايش بايرة متعرفي تعرفي على شي تيتيز
اما إسراء كتشوف فهاد حمقات لمعاها لبداو كخطو من دبا ونطقات
إسراء : انا صراحة مبغاش نتزوج بغا نقرا ونحقق احلامي ونكون حتا انا عندي رأسمالي
ريتاج : ولكن معرفت اصحبتي  وش عطاك إلياس نمرتو ولا لا
إسراء : لا اخليه بغيت نسا اصلا موضوع تفو مكنحملش بحال هكا
صوفيا : اويلي، والبنات راه تعطلنا مشيينا فيها
توادعو مع ريتاج ومشاو كجريودار فتحت لهم رحمة
رحمة : اشهاد الوقت نتوما فين كنتو
إسراء : اه غار تلهينا مع ريتاج فالهدرة
رحمة : اوامرة اخرى عرفو الوقت حمدو الله مزال مجا مصطفى اوريكم على هاد تعطال
ودخلو البنات بدلو لباسهم وتم داخل مصطفى حطو الغداء تغداو ومنبعد جمعو طابلة ولبسو لباسهم باش يرجعو القراية اما عند ريتاج حتاهي تغدات معاهم تاشويا كجي عندهم إلياس
ليلى : اهلا إلياس لباس عليك كداير مع خدمة
إلياس  : اهلا خالتي بيخير حمدالله ونتوما لباس
ليلى : دخل تغدا معانا
إلياس : وخا جيت نيشان مع وقيت غداء
تغداو من بعد نلضت ريتاج باس تمشي تانطق
إلياس : انوصل اريتاج
ريتاج : وخا ولكن بلاش منعذبك
إلياس : لا انا اصلا ماشي غار يلاه
ريتاج وخا
ركبات معاه ونطالقو نحو وجهة الليسي تا كنطق إلياس : ريتاج عندك نمرة إسراء
ريتاج : اه عندي
إلياس : وخا تعطيهالي
ريتاج : ولكن الا تقلقت مني إسراء
إلياس : نتي غار عطيهالي مبغاش تشوفيني متزوج
ريتاج : لا بالعكس انا فرحانة ليكم ياربي توافق إسراء
إلياس : اوا هماك ان شاء الله
مداتلو ريتاج نمرة إسراء
منبعد موصلو وجهة الليسي نزلات ريتاج من اللوطو ونزل حتى إلياس تاشويا كشوف صحابات ريتاج وجاو عند ريتاج
إسراء : اهلا ريتاج بيخير
ريتاج : بيخير حمدالله
إلياس : نتي مغتسلميش عليا
إسراء : وعلاش بسالامة غنسلم عليك
إلياس : لاحولا ولاقوة الا بالله نتي ضروي خاصك تقمعي
صوفيا : هههه زيدو ندخلو
من بعد دخلو البنات اقراو وخلاو إلياس كشوف فيهم حتا دخل وركب حتاهو ونطالق وجهة خدمتو من بعد دخل رقا عمر فمكتبو
إلياس : سلام عليكم
عمر : عليكم بالسلام
إلياس : اه عمر راه طلبت إسراء للزواج
عمر : مبروك عليك اصاحبي وبدا كعتقو عناق رجولي ونطق واقولي وش وافقت وامتا غتخطبها
إلياس : باقي معطتني  جواب عطيتها مهلة 15 يوم باش نخطبها  مورا متشد الباك ديالها  وان شاء الله نتزوجها ونديرو عرس الا وافقت
عمر : ان شاء الله اصاحبي اكون خير ومبروك عليك مرة اخرى فرحت لك
إلياس : الله يبارك فيك
من بعد بداو خدمتهم تاوصل وقت مع 8 ديال عشية وكل واحد مشا إقامتو دخل هو إقامتو دخل دوش ولبس عليه شورط فالكحل وتريكون نص كوم فالبيض فيه كتابة بالكحل وتكا فبلاصتو وبدا كشوف فتلفونو وش يسيفط إسراء ولا لا