عشقك إدماني

parte 107

معتصم نطق مغوت على ختو  : معندكش الحق تجيبي معك تصويرة خالي سمعتي ولا لا 
ريتاج نطقات بحدة : امالنا شنو فيها الا جابت تصويرة وبنت بغات تأكد وش هو باباها ولا لا وش كتجوها من عائلة ولا لا
معتصم نطق بحدة موجه لريتاج : انا هضرت مع ختي مع هضرتش معك نتي سمعتي ولا لا
ريتاج : انا ماسوقيش معامن انت هضرت مهم قلت لخاصو اتقال
إلياس  نطق بحدة : هنونا من غوات وش مكتراعيوش ولا شنو
وهو ينطق موجه كلامو للإسراء لكانت فحالة سهو : يلاه اعمري نمشو يلاه وبعدي من قلق رانك عرفا شنو وقعلك اول البارح
إسراء طلعات فيه عينيها نطقات بصوت هادئ : وخا يلاه
شد بإيديه بقاو ماشيين وهي بقا شادة تصويرة فإيديها والبنات وعمر ومعتصم  احاضيين  فيهم تنطقات جوهرة بجهد : إسراء وقفي
دارت إسراء مستغربة وإلياس مخنزر جات عندها كتجري جوهرة وتبعها معتصم وصوفيا وريتاج وعمر واقفين بغاو يعرفو شنو سبب لخلا جوهرة تعيط عليهم ونطقات : إسراء شوفي تصويرة وردي عليا
إسراء جوبات بهدوء  : علاش غنشوف تصويرة انا مأكدة بلي 100 في مية بلي هذا بابا لفتصويرة لهو خالك نيت
جوهرة سرطات ريقها ونطقات : شكون لخلاك تأكدي هكاك راه ميمكنش
معتصم نطق : وخا تشوفي صورة بغينا نتأكدو وش نيت خالنا هذا
إسراء نطقات بإستهزاء : يلاه تفكرتو خالكم فين كنتو نتوما
إلياس زير على إسراء باش تسكت حيث عارف لسانها مافيه عظم ونطق هامس لها : اشش اإسراء غار شوفي ربما اكون شي غلط
طلقات من إيدو ودورات صورة ونطقات وهي كتورك بصبعها على تصويرة ونطقات مغوتة   : هاهو شفتو هذا بابا شفتو ياك ممتيقنيش ملي كانقولكم متأكدة انا ماشي حمقة سمعتو
إلياس شدها من كتفها ونطقها معنقها : كالم بب كالم تاحاجة متحتاج هاد عصبية كاملة
صوفيا : من احسن نشوفو شي بلاصة ونهدرو فيها هنا ماشي مناسب موضوع ونقشو فيه وتغاوتو
جوهرة ومعتصم فيناهوما مصدومين ونطقات ريتاج : اه فعلا داكشي لقالت صوفيا حسن
إسراء نطقات بهدوء عكس قبيلا ملي نفاعلات : انا معندي علاقة بتاشيواحد ومغنهدر مع تاشي واحد خلوني عليكم
إلياس : لباليك يلاه نمشو
إسراء : وخا
جوهرة نطقات وراهم : عفاك إسراء وقفي
دارت عندها معصبة : اشباغا اجوهرة اشباغا
جوهرة  نطقات هي دموع كهبطو من عينيها معرفات دموع حزن ولا فرحة مشاعرها مختلطين : عفاك اإسراء خلينا نهضرو معاك انا ممتيقاش بلي نتي بنت خالي واو عندي وحدة قدي فالعمر ممتيقاش
دارت عند خوها متحمسة لكان في صدمة : خويا شوف هذي بنت خالنا واو هي قدي فالعمر غنرقا معامن نهضر ونجمع وتستامع لي ونستامع لها شفتي ياك
إسراء مفهمات والو اكتشوف ونطق معتصم : ااه نتي صدقتي بنت سرط رقو ونطق بنت خالي فين كنتي شحال قلبنا عليكم
جوهرة جات عندها وعنقاتها ونطقات : فرحت بزااف متخيليش اإسراء واو
بعدات وشدات فإيدها ونطقات وعينيها لمعانين بفرحة :  عفاك متخلينيش بعيدة عليك انا بغيت نتعرف عليك كثر ومتحمسة نشوف خالي ومراتو لسلباتو منا وختارها انا متحمسة بزااف متخيليش
إسراء اكتشوف معرفات متنطق خصوصا جملة لاخيرة لذكرات فيها والديها كتحطمها ونطقات بعد صمت طويل وهوما غاحاضينها وش غتزعف عليهم ولا شنو دير : ان شاء الله فقريب تعرفو عليا دبا انا عيانة مرة اخرى ان شاء الله يلاه بسلامة
معتصم : وخا ختي شكرا ليك
جوهرة نطقات : وخا نعنقك
إلياس احاضي الموقف ونطقات إسراء بإبتسامة : اجي عندي مكيسحابليش عندي بنت عمتي ضريفة بحالك
تلاحت عليها معنقها جوهرة ونطق إلياس : اهياتا راه غتقتليلي ولدي
صوفيا وريتاج ميتين بضحك عليها
عمر : بحالا انت لغتولي الاب وتكايس  اصاحبي 
وبعدات نطقات جوهرة بدهشة : واو نتي حاملة بصح
إسراء بإبتسامة : ااه
جوهرة : الله يتبت حملك يارب ياي غيكون عندنا فنيكيش صغير لعبو معاه ياك اخويا  حتا انت راه خاصك تزوج
معتصم نطق كلامو موجه لختو : نتي بالي بدبتي كتفيبري فعقلك يلاه قدامي ونطق موجه للإسراء بإبتسامة للأول مرة ابينها خلا ريتاج ذوب فبلاصتها : تشرفنا بيك ابنت الخال وتشرفت فييك اخوا إلياس
إلياس : ليا الشرف
نطقات جوهرة ملي شافت خوها رشقالو ونطقات :وشفيها اخويا تزوج وهاهي تبارك الله ريتاج ممزوجاش
معتصم بقا اكشوف فريتاج هي مظهرا اتارت اعجابو ولكن مدايرش فبالو ابدا انه اتزوج
ريتاج تصدمات ورتبكات بقات اكتخنزر فجوهرة وتحلف عليها وإسراء وصوفيا مايتين بضحك ودراري غكشوفو ونطقات ريتاج بعد مخفات ارتباكها : هالاخت انتي منيتك وش عرفا شكاتقولي
ونطق معتصم بحدة موجه كلامو لجوهرة  ومخنزر فيها : زيدي قدامي يلاه
جوهرة مشات قدامو بلا حس خايفة منو خصوصا دوك تخنزيرات لدار فيها عرفات بلي قفراتها منو
اما عند البنات وإلياس وإسراء وكلها مشا مكانو 
وصلو فيلا وهي بقا هزا ديك صورة فإيدها دخلو داخل وجلسات فوق سداري وجلس حداها إلياس وكتسناها تهضر ولا تقول شيحاجة  وبقات كتشوف فديك صورة  ملي كان شاب وحداه ختو زينة معنقها عندو  لكتبان كبر منو ومبتاسمين
إسراء بتاسمات تلقائيا ونطقات عينيها كلمعو بدموع : توحشتو بزااف
إلياس : الله يرحمه ويوسع عليه دعيلوا برحمة والغفران
إسراء مسحات دموعها بكمام إيدها ونطقات : الله يرحمه يارب ملي مشا بابا عرفنا كسران لوقعلنا كان هز مسكين حمل ثقيل على كثافو كان هو كلشي هو وماما فحياتي عمرو عينيها بدموع ونطقات بصوت مغبن بالبكاء معمرو تشكا ولاقال انا عييت واي حاجة بغيتها وعجباتني كان كتقاتل وكجيبها ليا باش منبقاش بلاش وماما كذلك خلاو فراغ كبير فقلبي وخا ندير لندير مكاين لعمرلي هاد فراغ توحشتهم بزااف
إلياس عنقها عندو معرف ميقول عندها حق فأي كلمة تواحد مغيقدر اعمرلك فراغ والدين وخا دير لدرت الا خطاوك واليدين مشيت وغرقت
عنقها عندو ونهارات بالبكاء تابسيف باش سكتها ونطق: شوت صافي براكا اعمري من البكاء ترحمي عليهم ماشي نقولك متبكي بكي ولكن دموع كحرقوهم دعي لهم برحمة وبالمغفرة وان شاء الله اتلقاي مع احبابك فالجنة خاصنا انخدمو على الاخيرة ديالنا اعمري
إسراء بتاسمات لو ونطقات : كلامك كريحني بزااف كعطيني طمأنينة فقلبي عندك الحق فأي كلمة قلتيها   شكرا بزااف انك فجنبي
إلياس : يلاه اعمري سيري غسلي وجهك باش نخرجو
إسراء ناضت ونطقات بحماس : بصح غنخرجو ياي شكرا بزااف ليك
إلياس : يلاه سيري
مشات من حداه وهي فرحانة بلي غتغير جو وغسلات وجهها وتاجهات عندو وكما العادة معنقها فجنبو خرجو نيشان وجهتهم اغيرو الجو
فمكان اخر ففيلا من بعد موصلات جوهرة متحمسة وفرحانة ومعتصم دخلو دار وشافتها زينة كفاش فرحانة ونطقات : شنو سر فرحة ديالك ابنتي
جوهرة : اجو كلشي احضر فينو باجدي
زينة : جدك راه كاين فصالون ولكن معاه الضياف
جوهرة : اوه وخا تايمشو ضياف ونعاودلكم
وطلعات جوهرة بيتها
اما تحت بقا معتصم وزينة تنطق 
معتصم : انا انخليكم دبا غنمشي الخدمة
زينة : جلس اولدي تاتغدا 
معتصم باس فوق راسها ونطق : غابصحتكم الواليدة غنتغدا على برا ممساليش
زينة : الله يعاونك اولدي والله يسر ليك ويلاقيك مع شي بنت الناس
معتصم : امين الواليدة
وخرج من عندهم
اما الفوق غيثة جالسة فوق ناموسية تاصونات رانيا وجوباتها ونطقات : الو رانيا هانيا عندك
رانيا : بيخير احبيبة بيخير اوا فين وصلتي شتك مدرتي تاشي خطوة باش تفارقيهم
غيثة : كنتسنا وقت مناسب ، ونطقات مستغربة نتي بحلاش عرفتي مدرت تاشي خطوة
رانيا : راه معك رانيا منصوري بالطبع تاحاجة مغتخفا عليها اوا خاصك تحركي وتفارقيهم خلاص راه طولو
غيثة : اكيد ولكن راه خاص تجي تعاونيني راه منقدرش بوحدي كغندير لها وخوك كموت على مرتو وانا قلبي كتحرق ملي كنشوفو كفاش كعاملها غار ال بارح كنت كنضور انا صحاباتي وتصادفتو كفاش كعاملها كالماء قليل
نطقات رانيا : مكيهمش هتشي غنجي فقريب وغنتعاونو تايطلقها وتمشي ترجع فين جات متشردة لاخرة
تاشويا سمعات دقان فالباب ونطقات غيثة : دبا غنخليك ارانيا شيواحد دق عليا
رانيا : وخا احبيبة غير هو ديري فبالك نتي غتكوني مرات خويا ماشي هديك متشردة
غيثة : اكيد يلاه نخليك
قطعات معاها تنطقات : دخل
دخلات عندها زينة ونطقات : بنتي غيثة شفتك اليوم مخرجتيش من بيتك اش كاين  من البارح ونتي حالك معجبنيش اشواقع
غيثة بتاسمات بإبتسامة صفراء ونطقات : والو اماما اش غايكون فيا غار مريضة شويا وصافي رانك عرفا اماما
زينة جلسات حداها فناموسية ونطقات : نديرلك يازير ابنتي باش ادفيك
غيثة باست إيد مها ونطقات : اه ديريها هالي الله يخليك ليا اماما
زينة : وخا ابنيتي هاني  نمشي نديرلك  ونوقف على شغالي راسي اما خادمات غاظي غير ارونوه 
غيثة : وخا ماما سدي معاك الباب
وخرجات من عندها زينة وخلات غيثة كتبلاني فعقلها كفاش تفرقهم  وتزوج بحب طفوولتها ملي كانت صغيرة رانيا وغيثة صحابات لقاو نفس طبع عندهم بجوج ومن تم هي معجبه بإلياس