عشقك إدماني

parte 166

نهار جديد
اصبحنا واصبح الملك لله
فاقت إسراء على صوت بكاء طفلها هزاتو ورضعاتو و حطاتو فالكونة ديالو يكمل نعاسو ومشات قضات حاجتها وتوضات وصلات صلاتها عاد فاق إلياس تاهو توضي وصلى و هبطو بجوج وهي هزا إياد لناعس حطاتو فالبيت وجلسو كفطرو هو كتفى فقط بقهوة لكشربها على ريق ودعها باش يمشي خدمتو لكان عندو هاد نهار عامر اماهي بقات مقابلا ولدها ولا روتينها غار إياد
بعد عدة ساعات عاد تم جاي إلياس لكان كبان عليه تعب ومشات تلقاتلو إسراء عنقاتو ونطقات بحنية وهي كدوز إيدها على اللحيتو : كداير وش عيان بزااف
إلياس حط راسو على كتفها ونطق بتعب : بزااف كثر ماتصوري
إسراء مسدات على ظهرو ونطقات بحنان : اجي دوش ورتاح ليك
مشا تابعها خلاتو يدوش ومشات وجداتلو لباسو عبارة عن شورط وتيشورت ولباس داخيلي و تجهات عند إياد بقات كتلعب معاه وبدلاتلو لباسو و تاتم خارج لاوي عليه فوطة ومشا لبس داكشي لوجداتلو وتاجه جلس حداهم وهز ولدو بقا كلعب معاه وحطو في حضنو وايدو لاخرا كدوز على شعر إسراء وهو كشوف فيها بالحب ونطق : عمري واحد سيمانة غنمشي كازا
شافت فيه بتعجب ونطقات بتساؤل : علاش شنو عندك تما ؟!
إلياس تنهد ومسح على جبهتو بتعب ونطق : عندي واحد خدمة تما طلبو مني نكون سيمانة فكازا ، تبغي تمشي معايا الا كنتي خايفة تقنطي بوحدك ؟!
بتاسمات لو بالحب ونطقات : ماشي مشكل ياك غاسيمانة غترقاني انا وإياد كنتسناوك غار متعطلش علينا احبيبي
ضمها لصدرو ونطق : مغنتعطلش غاسيمانة وغنكون معاكم
إسراء : ااه امتى غتمشي
إلياس : غدا مع صباح بكري
إسراء امأت براسها ونطقات : وخا ونعس ليك رتاح وانا نجمع ليك لباسك
إلياس امألها براسو وناض هاز معاه إياد لنعس حطو في كونة ديالو عاد تاجه ينعس وبقات هي كتشوف بحنيه وناضت مشات دريسينغ ختارت حقيبة صغيرة وبدات كتجمعلو حوايجو وملي جمعاتها حطاتها فوق سرير وهبطات تحت خلاتهم ينعسو
ودخلات كوزينة عطات الامر لخادمات يحطولها مقادير وقاتلهم فقط يمشو يشوفو شغالهم اما هي بدات كتقاد حلويات وشهيوات تهبط إلياس بقا واقف كشوفها هي لكتحرك بكل حماس وإيدها فطحين ومرة مرة طل على فران تشوفهم وش طابو تاتم داخل هو ونطق بصوت مبحوح : مساء الخير شكاديري
إسراء شافت فيه مبتاسمة ونطقات : اااه..... بلاتي ... نشوف
ومشات كطل على فران وجبدات داكشي لطاب
إلياس تاجه عندها ونطق : علاش عذبتي راسك اعمري
بتاسمات بحنية ونطقات : مكاين لاعذاب لا والو
ودخل معاها إلياس بقا معاونها تطاب كلشي عاد عيطات خادمات اجمعو روينة وهي حطات دوك حلوبات فطبسيل ماتبقى دارتولو فسوبيرة جمعاتهم ليه اما هو تاجه جلس فصالون وتجهات عندو وحطات طبسيل ونطقات بزربة : انمشي نطل على إياد
مشات طلعات مع دروج رقات إياد يلاه حل عويناتو وهزاتو وتمات هابطة تحت جلسات معاه وبقا هو كدوق فداكشي لقدات وكيتبنن وكشكر فطيابها
عاد تاجهو ينعسو ،
نهار جديد فاق بكري هز لباسو عطا قبلة لمراتو عاد ولدو يلاه غيخطو خطوة باش يمشي تسمعها نطقات هي لمزال تاكية بلاصتها حدها حسات بخطواتو فاقت ونطقات : وش غتمشي دبا علاش منوضتيني
دار عندها وعنقها وقبلها ونطق : ااه حدني باش نوصل ونرتاح وغنخدم فعشية
بتاسمات وبدلاتو عناق ونطقات : طريق سلامة ان شاء الله توصل بيخير وعلى خير
بتاسم لها عاود قبلها عاد خرج من بيت وهبط وتم خارج من فيلا اما هي بقات طل عليه فبالكون وكتفرق قبلات بيدها ليه وهو كيتاسم ليها عاد ركب ودمارا نيشان خارج من مدينة لتجاه لكازا
فورا مخرج تجهات هي جلسات وشدها ملل وإياد ناعس وهزات كتاب وبدأت كتقرا فيه حيث كان الحال باقي حدها 7 ديال صباح
عاد هبطات وفتحات الباب بيت باش الا بكا إياد تسمعو ورقات خادمات يلاه كوجدو الفطور وجلسات فصالون
وجهة اخرى رانيا خرجات متسلتة حيث باقي الحال بكري وباقي مفاق تواحد مجرد خادمات لفكوزينة كوجدو الفطور لعماد للأنه كيمشي بكري الخدمة وخرجات متسلتة فورا مخرجات خدات اللوطو ديالها من نوع رونج ركبات فيها ودمارات نيشان لوجهة لفيلا خوها بضع دقائق توصلات تم ونزلات ودقات تفتحتلها خادمة اما إسراء عقدات حواجبها ومتسائلة شكون غيجيها فهاد وقت مبكر وناضت واقفة تابانتلها رانيا قدامها وغزات على شفايفها بغضب ونطقات : الأخت كاين منقضيو لاش جايا فهاد الوقت
رانيا شافت فيها بغرور ونطقات : كاين خويا بغيت نهضر معاه
إسراء : اش بغا خوك مبكرة عليه اشكاين
رانيا غمضات عينيها وحلاتهم بعصبية وكتحاول تحكم فغضبها: قتلك وش كاين خويا ولا باقي ناعس الا كان ناعس انتسناه تايفيق حيث بغيت نهدر معاه
ومشات تجهات صالون جالسة ودايرا رجل على رجل وكتشوف فاإسراء بنظرات الاستفزاز والغرور
إسراء وقفات قدامها : سمعي نقوليك راه خوك مكاينش
هي لوقفات ونطقات : كفاش مكاينش فين غيمشي ولا مبغياش نشوف خويا حيث بغاه غير ديال راسك
إسراء : وش انا انبقا نعاود فالهدرة هنايا قتلك مكاينش خوك
رانيا : اهاه وفين مشا
إسراء : مشا لكازا عندو العمل تما
رانيا فورا مسمعات كلماتها هزات ساكها وخرجات خلات إسراء غكتشوف بالاستغراب تجهلات الامر تبدات كتسمع بكاء إياد وتجهات طالعة عندو ترضعو
اما رانيا فورا مخرجات عندها ركبات فاللوطو ديالها ودمارات نيشان مبعدة على فيلا توقفات على جنب طريق وهي ابتسامة شر كتكسي محياها وبدات كتصوني على غيثة لجوباتها بصوتها مبحوح دليل على فياقها من نعاس : رانيا اش كاين لاش مصونيا عليا فهاد وقت اصحبتي
رانيا نطقات مجاوباها : شوفي دبا غتجي عندي لكافي لكنتلقاو فيها ديما
غيثة نطقات مجاوباها بتذمر : خلينا نعسو اشغندير عندك دبا انا اووف
رانيا : اوك مبغاش تجي اوا ضيعي منك إلياس
غيثة غسمعاتها نطقات إلياس وهي تجاوبها : صافي هانا غنجيك دبا ديك لكافي
رانيا مجوباتهاش وقطعات ودوزت اتصالها لأشرف لجاوبها : لاش مصونيا عليا فهاد وقت ، ولا قولي الغزالة توحشتيني
زرفرات بملل ونطقات : اشغنتوحش فيك ، لبغيت نقول قريبا غتمشي ودي علينا هاد متشردة ديالك
يلاه غيجاوبها قطعات عليه وبقا كصوني عليها وهي كتقطع عليه عصباتو
اما هي دمارات نيشان لكافي بلاصات اللوطو وعاد دخلات لكافي ومشات جلسات فبلاصة معروفه لكتجلس فيها وطلبات قهوة وبقات كتسنى فيها بضع دقائق تدخلات غيثة وجلسات مقابلا معاها وهي باقي فيها نعاس
رانيا : ركزي معايا هذي لقاتلك بغيت إلياس ههههه
غيثة طلبات قهوة كحلة باش يلاه توݣظ بيها جابها هالها سرباي وبدات كتشربها وكتشوف فيها ونطقات : هانا مركزة معك شنو واقع
بتاسمات ابتسامة جانبية ونطقات : غيثة ياغيثة إلياس كاين فكازا يلاه بيني حنة إيدك
غيثة لكانو عينيها نعسانين وفتحاتهم ونطقات بصدمة : بصح هذي هي فرصتي ، ولكن امتى غنمشي عندو
رانيا : غدا نرقاك واجدة فهاد وقت ، اليوم يلاه غنقاد اغراض اخرين
وقفات وهزات ساكها ونطقات : انا دبا خاصني نكون فدار قبل متنوض ماما وخالتي
غيثة حتاهي ناضت ونطقات : ااه حتا انا خاصني نمشي ونقنع ماما ومعتصم وخا مبقاش معانا في نفس بلاصة مي باقي متحكم فيا خاصني نقنعو بلي غنحضر شي العرس ديال صاحبتي
رانيا : مزيان يلاه خليتك انا غير نرجع دار موراها غنمشي نقاد اغراض اخرين رانك عارفا
غيثة بتاسمات ليها
خرجو كل وحدة تجهات اتجاهها
عند إسراء لكانت كتاصل بإلياس جاوبها وبقات كتهدر معاه عاد قطعات معاه وجاتها صوفيا وريتاج دوزو معاها نهار مونسينها فغياب إلياس لحسات بدار خاوية بدونو
اما رانيا لقضات الاغراض وضبطات خطة واشرف غتابعها فين مامشات وكياخوذ عليها الادلة بدون علمها ودارس خطواتو