عشقك إدماني

Parte 50

إسراء : تسناو البنات ها أنا دبا جايا نمشي نسولو علاش بظبط هاد رد فعل باش نعرف شتحت راسو
ريتاج : ومنصحك اصحبتي
صوفيا : وثبتي الأرض
مدتها كاع فيهم ومشات وقفات فطابلة لواقف فيها عمر وإلياس
عمر : اهلا إسراء شكاين
إسراء : اهلا، مهم وخا تخليني نهدر معاه
عمر : اوك
ومشا وخلاهم اهدرو على خاطرهم
شاف فيها إلياس بإستغراب ونطق
إلياس : شكاين تما هدري كنسمع
إسراء : اوك غنجيك نيشان بغيتك تشرحلي هاد رد فعل لدرتيها قبل ياكما طايح فيا
إلياس : ههههههه كالك طايح فيك
إسراء : ومالنا على هاد ضحك باسل هدر خلاص اوف
إلياس : اولا هذاك رد فعل طبيعي ونتي مشغلك فيه اوكي
إسراء: وش منيتك نتا ضارب سيد مخسر كمارتو
إلياس : ياكما قطعت عليك اللحظات رومانسية نتي وياه وعاجبك الحال وبغيتي ديري فيها صعبة منال ولا بقا فيك حيت تضرب
إسراء : ولا اشمن صراحة بصحتك،( وربتات على كتفو وهي مبتاسمة) كنت بغا نعاونك ولكن نتا عطيتيه لاش بغا
إلياس : ااه ( بقا كشوف فيها بصدمة غار قبيلة كانت منفاعلة ودبا عجبها الحال مفهم فيها والو)
إسراء : نت مالك مصدوم هههههه ياكما شتي جن
إلياس : لا، نتي قلتي كنتي بغا تعاوني ولاش واقفة قبيلة مصدومة هههههه لاحولا ولا قوة الا بالله
إسراء : معرفت هههههه
وبقاو كضحكو بيناتهم اما اللور كتشوف فيهم نور مكرهت تقتل إسراء واقفة حداها رانيا وهي تنطق رانيا
رانيا : نور نتي رانك بلاصتك حدا خويا مغتجيش برهوشة وديه ليك اوك ديريها فراسك
نور : شوفي ارانيا كفاش كضحك معاها وانا عمرو ضحك معايا ولا هتم بيا
رانيا : تهدني خاصك تحضري عقلك باش تقدري طيحي خويا في شباكك وتبعدي عليه هاد برهوشة ومخاصك ديري تالغباء ولا ظهر غيرتك عليه حيت هاد اخطاء ككونو كارثية
نور : انحاول ديا غنتهدن وغاندير راسي مشفت والو ولكن عمرها تحلم انها دي إلياس إلياس ليا بوحدي طال زمان ولا قصار غيكون ديالي انا
رانيا ربتات على كتفها وبتاسمات ليها وهضرات : بصحتك هكا خاصك تكوني
وبداو الناس كمشيو بقاو تقريبا عدد قليل من ضياف
اما صوفيا وريتاج وعمر واقفين فطابلة واحد كشوفو إسراء وإلياس كضحكو وكهدرو بيناتهم
صوفيا : وايلي هادو تصالحو
ريتاج : وايه اصحبتي، اول مرة نشوف ولد خالتي كضحك
عمر : وحتا انا عينايا لا تصدق ذلك
مشاو عندهم توقفو عليهم كصاعقة
إلياس : شكاين تما لاش جيتو
صوفيا : اوه عصافير حب بغاو ينفاردو بوحدها
ضربتها إسراء لذراعها
إسراء : نتي كفاش عصافير الحب راه غتجمعي هدرتك لا نصمك
صوفيا : اشغاتصمكيني نتي ايدك قد بالا ضرباها ليا ذراعي اي قصحتيني حمارة
إسراء كتشوف فيها بتقة نفس ونطقات : غزيت فيك باش تعلمي توزني كلامك اوك
ريتاج : ونتوما وش باغيين دابزو ولا شنو
عمر : هتشي لبالي
ريتاج : وايلي يا إلياس اول مرة نشوفك كضحك عاودها ضحك مرة اخرى
إلياس : ريتاج هنينا وخنزر فيها
من بعد سمعو صوت رحمة بحالا كتعيط ليهم
رحمة : صوفيا وإسراء يلاه باش نمشيو
صوفيا : وخا هانا جايين
مشاو عندها تمو خارجين تاكوقفهم إلياس
إلياس : تسناو نوصلكم
رحمة : لا اولدي منعذبوكش
إلياس مكاين لا عذاب لا والو
من بعد مخرجو البنات كلسو كهدرو مع تيتاج اما عمر خدا اللوطو ديالو ومشا وإلياس ركب وركبت حداه رحمة وفاللور ركبو البنات من بعد متوادعو مع ريتاج ديمارا طوموبيل وبقا ماشي مسافة ونطقات رحمة
رحمة : ولدي نتا فاش خدام
صوفيا وإسراء كتهامسو
إسراء ( همسات لصوفيا) : وايلي اصحبتي اش داها تسولو دبا إفرشني
صوفيا ( همسات ليها) : وتهدني اصحبتي اشغايفرشك
اما إلياس كشوف من مرايا جهة إسراء وهو ينطق
إلياس : ااه خالتي انا خدام عميد شرطة
رحمة : مشاء الله الله يسهل عليك اولدي. نت هو لكنت كتقري البنات
إلياس : اه انا هو
رحمة : الله يجازيك اولدي كن ماانت كن كاع مجابو هاد نقطة تحمر وجه وانا عرفاهم مقابلين غاضحك والقرايا الله يجيب
صوفيا : واه ماما والله لا كنقراو سوليه
إلياس : اه كقراو غير هوما اغبياء
إسراء : نت كفاش اغبياء
رحمة : اويلي سكتو شوية احترام
من بعد مسافة طريق وصلو دارهم وفتحلهم مصطفى شكراتو رحمة
رحمة : شكرا اوليدي دخل دخل
إلياس : لا لا اخالتي انا غنمشي حيت انا عندي غدا خدمة مصطفى : بسلامة والله يعاونك
شار لهم بإيديه وركب فاللوطو ديالو وديما نيشان إقامة فين ساكن