عشقك إدماني

parte 114

نهار جديد
اصبحنا واصبح ملك لله
ناض إلياس كما العادة بكري دوش وتوضا ولبس فوقية باش صلى صلاتو عاد بدا كفتح ريدوات باش ادخل شعاع واهوي البيت وتاجه عندها جلس على الطرف سرير وبدا كسرح شعرها بيديها لكان مطلوق على راحتو وهي فسبات نوم ونطق هامسا لها : إسراء عمري يلاه نوضي
ولا رد تبدا كفيقها بسيف باش ناضتلو وبداك كتحك فعينيها معنكشة ونطقات بصوت مبحوح هي بقات ناعسة حدها حالة عينيها : صباح الخير
إلياس : صباح النور اعمري يلاه انا نهبط تحت ولحقي عليا باش نفطرو ونوصلك الكلية
إسراء حدها ابتسامات وهبط هو تحت خدا قوهتو كرشف منها وشاد فإيدو بيسي كخدم فيه اما هي ناضت مشات دوشات وتوضات لبسات عباية صلات صلاتها عاد تاجهات لدريسينغ لبسات عليها قوبية كحلة وسروال بوي فراند وسبرديلة بيضة وعاد بدات كتنشف شعرها وسرحاتو بلبلاك عاد جمعاتو كوب شوفال وحدها دارت ليكخون ديال شمس ومرطب شفاه وهزات ساكها وهبطات تحت رقاتهم حطو الفطور وإلياس كتسناها غتجي باش يفطر هو وياها طلع فيها عينو وناض شد فإيدها ونطق: اجي اعمري تفطري
بداو كفطرو اكيد كوكلها بقا عليها تكملات ماكلتها وخرجو من فيلا دمارا نيشان الجامعة عاد وصلها رقات ديجا صحاباتها كتسناو هبطات من بعد مودعاتو وتجهات عندهم كانت صوفيا وريتاج وهي تجي عندهم ونطقات : الجماعة الخير كدايرين نتوما امتا كتجو ديما كنجي كنرقاكم نتوما لولين تبارك الله منتعين فيكم
صوفيا : اللهم نجو بكري ولا نتعطلو حمدالله بقا ساعة ديال مكانة ونتي كطرا جيتي بكري ؟!
إسرا: راه إلياس خدام بكري والا خلاني مجبنيش راه باينة غنرجع نعس
جات عندها ريتاج وعنقاتها وبعدات ونطقات : واه صحبتي كيبقيتي يلاه قاتلي صوفيا بلي دخلتي عاود سبيطار وش نتي مكتحاوليش على راسك
إسراء : رانا حمدالله كتشوفينا بيخير
ريتاج : ردي بال راسك رانك فمرحلة حساسة ونتي كتعصبي راسك وش بغيتي تفقديه
إسراء : الله يحفظ ياربي الله يخليه ليا
صوفيا : راه قلتها لها لراسو قاسح قاسح شغندير معاها انا
ريتاج : نتي اصوفيا علاش معلمتيني بكري معلمتيني تالليل فين غنجي نزورها فالليل
صوفيا : واه راه ديكساعا غار قالي عمر بلي إسراء ناعسة راه خرجت بالبيجامة
إسراء : صافي انا راه بيخير حمدالله موقع والو انبقا نرد لبال راسي ولولدي
ريتاج : اوا هكاك اجي قولولي كفاش دايرا عائلتك لتعرفتي عليها إسراء وش صافي صرحتيهم بموت ماماك
إسراء : اه صرحتهم وعادي عائلة زوينة
صوفيا : اااه ريتاج ضبرتلك فواحد العريس
ريتاج بنظرات استغراب : اينا عريس هذا وش ليك نتي وش بغا ديري تعدد وخا حرام على المرأة واتسطيتي نتي مقدكش عمر
صوفيا حطات إيديها على راسها وإسراء اكضحك على هبالهم ونطقات ياربي صبرني ياربي وش نتي داك عقل امتقلة بيه
ريتاج : لا انا راه هي ذكية ويلي تحكريني
صوفيا بدات كتهبط بعينيها فيها وطلع ونطقات : لاحول ولاقوة الا بالله العلي العظيم هذا جهدي عليك
ريتاج : ختي إسراء فهميني هادي شكتخربق شمن عريس هذا ولمن بعدا
إسراء ونطقات طانزة : وشكون فينا بايرة ادوي
ريتاج : انا بالطبع وحطات إيديها على فمها ونطقات : اشكون هذا لبغيتو تلبقوني معاه اهياتين انا راه مبايرة موالو
صوفيا : اوا على سلامة ملي فهمتي
ريتاج : هدرو خلاص نفهم
صوفيا : مهم احبيبة البارح خطبناه من عند مو ليك وقلنا لها ولدك بغينا نزوجوه لصحبتنا لبايرة مسكينة وخاصها حتاهي تعيش love
ريتاج دارت إيدها على جبهتها وبقات كدور ونطقات : ياربي صبرني من امتا البنات ولاو كخطبو رجالا ، إسراء هتشي كتقول بصح ولا امطلعها عليا
إسراء : لا لا هتشي بصح خطبتك البارح من عند خالتي راه عندها واحد ولد على مزيناتو وراه خدام فكندا كاع وزيد راه وسيم وكسطي انا بعدا تزعط فيه ولكن حشمت على عراضي حيث مزوجة وكنحماق على راجلي مهم وراتولي خالتي فتصاور
صوفيا وشافت ديك نظرة ونطقات : ههههه ويلي ويسمعك داك رجلك كتشكري فولد خالتك وتقولي هاد كلام اشدك يابنيتي ويقطعك طراف طراف ويلوحك يكلوك الكلاب
إسراء : الله يحفظ اصلا انا ميسخاش عليا شكون يسخا بهاد كثلة كياتة ورزانة وحداكة والفياق بكري ونشاط شكون يسخا بيا انا
ريتاج كتشوف فيها ديك نظرة ديال وباز وصوفيا نطقات : الله يعطيني شوية من ثقة في النفس وكذوبك إنا فياق بكري قول هو لكيفيقك اشمن حداكة فيك منهار تزوجتي معمرك طيبتي الخدامات هوما لكطيبو شمن كياثة فيك هادي ونتي خاصك ادخلي تحاربي معاهم ورزانة الله يجعلني نتيق قالك رزانة كن مصحبتك ومعشارتك كون نتيق
ريتاج : هكاك اصوفيا هههههه هربتيني
إسراء بقات كتخنزر فيهم ونطقات : سيرو الجحشات بزااف عليكم انا توصلوني
صوفيا : كباليا غنمشي نقول راجلك بلي كتشكري واحد راجل اخر من غيرو باش يلاه تهبط هاد ثقة فنفس
إسراء : والله ياصوفيا وتمشي تحلي فمك وتقوليهالو غنشدك انقطع طراف طراف قبل منتقطع انا طراف طراف
صوفيا : ياربي سلامة محنا على فالك ماني ساخيا بروحي
ريتاج قطعاتهم ونطقات : اوا الاخوان شكون قالكم تخطبوه ليا وش شكيت عليكم
صوفيا : اوا ختي حنا ضربنا نفس عليك
إسراء : وبغينا تانتي قلبك اعمر ااولي يبغي
ريتاج : لا اختي قلبي عامر راه مديهلي حبيبي معتصم وإسراء كتغمزها تسكت هي وصوفيا هي مفهماهم كاع
تاشويا تمات جايا جوهرة ومعاها معتصم وريتاج تحرجات دارت إيدها فوق فمها ونطقات بالهمس : تفو عليكم سمعني ياك
صوفيا بالهمس كذالك : معرفت
إسراء كدعي فخاطرها ميكون سمعها
جاب الله مسمعوهاش
جوهرة : هاي فتايات توحشتكم
إسراء : اتوحشك الخير ابنت العمة
جوهرة : هههه مفراسك مزال ممتيقاش ولكن خسارة يلاه كنت غنهدر البارح عليك ولكن ضياف بقاو بايتين معانا وميمكنش نهدر قدامهم
إسراء حدها اماأت براسها ونطق معتصم : لباس عليك ابنت الخال
ريتاج بقات اكتشوف فيه كحمقها صوتو وصوفيا كتقرص فيها باش تجمع عينيها ونطقات إسراء لإبتسامة: اهلا اولد العمة حمدالله بيخير وانت هانيا عندك
معتصم : حمدالله بيخير راه خاصك تجي عندنا
إسراء مهدراتش ونطقات جوهرة : البنات وقيلا وصلنا الوقت ياك
صوفيا : لا باقي ربع ساعة
جوهرة : ااه حمدالله
معتصم هز عينو نيشان ريتاج رقاها شادة تلفون وهي كتخربق فيه باش ميدوهاش عينيه ليه وبقات كتهدر مع ختها وتجمع معاها وهو بقا شحال كشوف ونطق هامسا حدو سامعو غاهو : تيتيزة وهو يرد البال شنو قال ونطق : قراو مزيان باش تجيبو لينوط كتفرح يلاه جوهرة هاني مشيت
جوهرة بتسمات ونطقات : بسلامة خويا الله يسر ليك
معتصم حدو نطق : امين يارب بقا شحال كشوف فريتاج لمعطاتش اهمية ولا طلعات عينيها فيه وهتشي اثر شكوكو مولف ديما ملي يوصل ختو ولا يديها كتبقا تشوف وقليل فين كتهبط عينيها هاد مرة وقع عكس والبنات بقاو اكشوفو كفاش كشوف فيها وهو يمشي واما البنات ريتاج بعد مامشا طفات تلفون ودارتو فجيبها وشافت فيهم ونطقات : يلاه البنات ندخلو
إسراء امأت براسها ونطقات : مدرتيهاش بلعاني اريتاج باش متشوفيش فيه
ريتاج : البنات عوتاني عندكم تيقوها انا راه مكنبغي تواحد هداك مجرد الاعجاب وغيسالي وتاني متلاش كعجبني
صوفيا : تيقتك احنينتي تيقتك
جوهرة : خصارا قلت صافي غنزوج خويا
إسراء : ولاش بقيتي شادة تليفون
ريتاج : الله يهديكم وتانيا راه كنت كنهدر مع ختي حيت هاد الايامات غيجي مروان اخطبها
إسراء : وايلي مبروك عليها فرحتلها
صوفيا : هي كاينة شي عراسية
ريتاج : اااه
جوهرة : كنت تشوفي ياريتاج خويا بقا شحال كشوف فيك
ريتاج تصدمات ونطقات بعفوية وبانت ضحكة على وجهها : قولي والله اترث اعجابو ياك فرحوني
إسراء طلعات حاجبها فيها ونطقات : شكون كان كقول راه مكهمهاش
صوفيا : هههه اميمتي شوفي رد فعلك وراه زاعطة خايبة
جوهرة : ههههه راه قلت احقيقة غتكوني مرات خويا نتوانسو
ريتاج : زيدو دخلو مكتقضاوش من هدرة
تبعوها البنات شاديين فيها دخلو يقراو