عشقك إدماني

parte 128

جلسات حداها زينة وبدات كطبطب على ظهرها ونطقات بإبتسامة : كنسمعوك ابنتي وهاد دار ديما بابها مفتوح ليك
إسراء حدها حركات راسها ونطق
علي : إسراء احفيدتي فيناهو ولدي عثمان ومراتو خديجة
إسراء طلعات فيها عينيها ونطقات ملي بتسمات ابتسامة ساخرة ونطقات بإستهزاء  : علاش كتسول عليهم ياك انت بنفسك جريت على ولدك  وخيرتو بين املاك ولا ماما وملي ختار ماما وجا عندك باش تبداو صفحة جديدة شكنت كتقولو ياك كنتي كتقولو مبغيت نشوف كمارتك وكتجري عليه معندك متسول عليهم اجدي هوما مرتاحين دبا وخليهم مرتاحين فواحد هدوء وسكون
علي نطق بحزن : والله ابنيتي هاديك كبدتي مانويت نجري عليه انا كنت غالط عمبالي الا زوجت ولدي لبنت صاحبي غتزيد شركة القدام  ولكن من داك نهار عائلتي تشتت وبغيت نبداووصفحة جديدة ابنتي وتوحشت ولدي
زينة بقات كتفكر وكتحلل فكلام إسراء ونطقات : ابنتي شنو قصدتي بلي هوما مرتاحين فهدوء وسكون مفهمت 
إسراء : هوما مرتاحيين فواحد بلاصة بعيدة
زينة شدات إيدين إسراء وضماتهم إيدها ونطقات وهي عينيها دمعانين : عفاك ابنتي قوليلي فيناهو خويا وعلاش قطع معايا تواصل 6 سنين مادويت معاه معرفت مالو تاعنوان فين ساكنين معنديش قوليلي ابنتي فيناهو باباك وماماك كفاش هوما بلاصة بعيدة وش هوما خارج مغرب نمشي الى عندهم ماعنديش مشكل
جوهرة : إسراء خالي ومرات خالي موقعلهم والو ياك
إسراء هبطات راسها تحت وخنوها دموعها تعنقها عندو إلياس وهمس لها : عمري صافي ماتبكي راه اتحرقي والديك بدموعك دعيلهم برحمة
زينة اكتشوف مفهمت والو علاش كتبكي إسراء ونطقات وهي كتلعثم فهدرتها : إسراء م م مالكي مالكي مفهمت مفهمت علاش كتبكي وش وش خويا وقعتالو شيحاجة
علي لشاد إيدو جهة قلبو ونطق : عثمان وقعالو شيحاجة ابنتي هدري عفاك علاش كتبكي شواقع
وهي تنطق إسراء من بعد ما جمعات شجاعتها ونطقات بصوت هادئ : اااه دعوا  الوالديا برحمة بابا راه مات هو وماما وليت يتيمة انااا
وهبطو دموعها غزارة
اما علي ودنيه صماكو عند ديك كلمة دعولهم برحمة ، زبنة اكتشوف ومصدومة وجوهرة ونطقات وهي دموع كسقطو بغزارة من عينيها : كفااش متقوليهاش اإسراء كفاش لا لا لا خالي مغيموتش خالي كاع متلاقيت معاه مشفتوش لا لا متقوليهاش
إسراء  نطقات بنبرة حزينة  ودموعها كهبطو غزارة من عينيها : علاش انا كرهت اكونو والديا حيين انا راه قاصييت باش تكون يتيمة  ووالديك ماتو مغيحس بيك غالمجرب  تأنا مكرهت والديا كن كانو حيين كن شفتكم تصالحتو وطويتو صفحة ماضي علاش انا كرهت
علي لحس بنغزات فقلبو ودموع متحجرين فعينه ولما لا يبكي وكبدتو هاديك ونطق : لا متقوليها ابنتي عثمان ولدي رزاوني فيه كبدتي قوليلي ابنتي غار مقلب ميمكنش باقي متصفات قلوبنا باقي متسامحنا
زينة لبداو دموعها كهبطو بغزارة وطاحت على ركابيها ونطقات مغوت كتندب فشعرها : لا لا لا متقوليهاش ابنتي عثمان خويا ميمكنش امشي ويخليني خويا واعدني بلي غنتجمعو غنرجعو علاش موفاش بوعدو علاش لا لا خويا 6 سنين مشفتو 6 سنين مسمعت صوتو ست سنين وهو غابر ملي فرحت بلي غنتلقاه خلاني ومشا خويا لا كن امت انا ومماتش هو
غيثة لكانت فوق فبيتها كتهدر مع رانيا  سمعات صوت غوات مها والبكاء ونطقات : رانيا ختي انشوف شواقع مفهمتش هاد غوات والبكاء بحال الجنازة قايمة
رانيا : اه يلاه بسلامة
قطعات معاها وخرجات من بيت هابطا عندهم اما إسراء كتشوف فزينة كفاش كتبكي وعلي لشاد جهة قلبو اما زينة حالتها خاصها تقول قريب تسطا هبطات مستواها وجلسات حداها وعنقاتها ونطقات من بعد مفصلات عناق : صافي اعمتي صافي راه غنحرقوهم غافدموعنا عمبالك ساهلة عليا  صافي براكة مديريش هاد حالة فراسك
زينة كتقمش فراسها : الا الا خويا مشا متليت غنشوفو خويا لواعدني غنرجعو عائلة زوينة مشا
جوهرة كتشوف وضع ماماها وشافت جدها لمزير على قلبو ومشات كتجري عندو ونطقات وهي كتفحصو فيديها ودموع فعينيها : جدي جدي وش كتسمعني وش كضرك قلبك عاود
علي كينين بسبب ألم قلبو
اما جوهرة مشات دغيا تجيب دواء  ديال القلب لجدها ليصق مصاب بسكتة قلبية اما هو لنطق وعينيه كسقطو منهم دموع  : ااه ولدي  وبصح ولدي مشا دفنتوه مات شواقعلو كفاش مات ولدي امتا مات 
إسراء سمعات صوتو وناضت جلسات حداه  وشدات فإيديه وهي كتحاول تمنع دموعها اتساقطو : ترحم عليه اجدي ترحم عليه 
إلياس : الحاج ترحم عليه
شاف جهة زينة ونطق : لخالة براكا من البكاء علاش غتغيري واقع بالبكاء ترحمو عليه هدشي قضاء وقدر الله مافيدنا والو وموت علينا حق
زينة بقات كتبكي بصمت ونطقات : خويا هذاك مشات بلا منتوادع معاه عفاك ااإسراء اشوقع تمات
اما غيثة لدخلات ومصدومة بمنظر لقدامها وكفاش مها كتبكي وجدها لتهو حالتو عالم بيها غار الله وجات نيشان عينيها على إلياس وعلى إسراء مفهمات والو ونطقات : ششنو واقع هنايا علاش كتبكو وششكون نتوما
تواحد مجوبها وجلسات حدا مها ونطقات : وماما علاش كتبكو وش واقعا شيحاجة
زينة : خالك ابنتي خويا مات وفارق الحياة ست سنين مشا وخلانا موفاش بوعدو هيئ هيئ هيئ ابنتي
وغيثة مفهما والو ونطقات : شكون وش خالي عثمان مات مفهمتش شكون كذب عليكم شكون قالكم هتشي
جوهرة لجايبا كأس من الماء ودوا فيديها وعطاتو لجدها شربو حدو ومسند ضهرو على مخدة وإسراء كتنهد وكتمسح دموعها لولاو عينيها كحرقوها ونطقات : دعولهم برحمة انا براسي هتشي داز عليا صعيب باش تكون عندك 14 سنة وتكون فداركم عادي كتسنا الاب ديالك غيجي تكتصدم بالخبر بلي تعرض لكسيدة ومات سيغ بلاص ااه  وبعد عامين قريبا 3 سنين كتموت ماماك صعيبة بزااف راني تحملت ولكن كنأمن بقضاء وقدر الله ومكاتيب والموت كلنا غنموتو
تنهدات تنهيدة ونطقات : انت اجدي سباب انت
غيثة نطقات مغوتة : كفاش سباب شكون نتي كاع تقولي جدي سباب
زينة مسحات دموعها ونطقات : غيثة هنينا هاذي راه بنت خالك
غيثة : هذي هي لفرعيلنا بيها مخنا
إسراء : اسمعي هديك مكنهدرش معك نتي وماشي سوقك انا كنهدر مع عمتي وجدي فهمتي ولا مفهمتيش
غيثة كترمقها بنظرات الغضب والحقد وخصوصا ملي عرفات انها مزوجة بإلياس حب طفولتها ونطقات : كفاش عاودي المتشردة اليتيمة غاتقارني راسك معانا عمرك غتكوني من عائلتي حنا عائلة رمزي بزااف عليك هي وعائلة وزاني لهي كنيتي مغتوصليهاش سمعتي ولاصقة راسك فواحد عائلة لمحملاك حاد عرفينك علاش مزوجة بإلياس اطماعة بحالك بحال مك
إسراء مصدومة من هدرتها
إلياس ناض ونطق بحدة معصب من هدرتها  : اديك شريفة راه غتجمي عليا زبل ديال فمك ولا مغيعجبك الحال
غيثة تصدمات من هدرتو بقات كتغنزز ومعجبها الحال تنطقات إسراء معصبة كتحاول اتحكم فغضبها
إسراء : وبزااف عليك ماما سيري اديك العوجة قبل منريب لك سنانك
زينة : غيثة اربي ممشي عليا ماركة ديال والو لفعة صافي معرفت مربية بنت ولا لفعة سيري يلا درݣي عليا زلافتك
جوهرة غتخنز في غيثة
علي لنطق معصب : غيثة غادرݣي عليا كمارتك ولا غنوريك مزيان تبارك الله هادي حفيدتي وبنتي ومفتاخر بيها وكنيتها رمزي مني وبنت ولدي سيري قبل منتعصب
غيثة شافت وضع بحالهاكا وخرجات من صالون طالعا بيتها نيشان
اما إسراء بقات كتحرك رجليها بعصبية تنطقات : يلاه بسلامة
زينة لجلسات حداها ونطقات : ابلاتي بنتي مديهاش فيها راه لسانها متبري منها
علي : عفاك ابنتي قولي شنو كنتي بغا تقولي
إسراء : كنت بغا نقول اجدي بلي بسبابكم  عنينا كن غاسمعتي ولدك عطيتيه فرصة علاش قلبك قاصح لهاد درجة
علي نطق بنبرة حزن : تيقيني ابنتي بلي ندمان مكنتش عارف شكندير كن رجع بيا الوقت اللور كن صلحت شحال من حاجة ، عفاك ابنيتي نتي لبقيتي عندنا لما عطينا فرصة ونبداو صفحة جديدة
جوهرة : عفاك اإسراء متمشيش تخلينا حتا حنا عائلتك
زينة مسحات دموعها ونطقات : ابنتي عطينا فرصة ولكن هدشي بمكاتيب وقضاء وقدر الله 
إسراء : انا معندي تامشكل نبدا معاكم صفحة جديدة حتا انا بغيت الا ولدت ولدي  تكون عندو عائلتو وميقولش ماما مقطوعا من شجرة كلنا كنغلطو والله كسامح وكغفرلنا شكون حنا لمنسمحوش وبني أدم خطاأ مهم اتعلم من خطاأو وميعاودش
زينة بتاسمات لها وعنقاتها ونطقات ودموعها كهبطو مقدراش تحكم فيهم وفصلات عناق ونطقات  : مرحبا بيك ابنتي ابنت خويا فدار وسط عائلتك واحبابك
علي : اجي عندي احفيدتي نعنقك انا محضوض بيك حاجة مزيانة جابولنا حفيدة بحالك قلب بيض وطيب
عنقها عندو وهي فرحانة بهاد لمة عائلة لوسطها ونسات كلام غيثة وجوهرة عنقاتها كذلك ونطقات : من اليوم نتي ختي اإسراء من ديما كنقول ياربي تكون عندي اخت ولاشيواحدة من عائلة قدي والله رزقني بيك اإسراء صحابات وخوتات
إسراء مسحات دموعها وبتاسمات : تأنا محظوظة بيك اجوهرة محظوظة بيكم كاملين
زينة نطقات : اوا بلاتي نمشو نقولو خادمات اوجدو الغداء وتغداو معانا
علي : مرحبا بيك انسيبنا مديش عليا يلاه تبهت لك
إلياس  بتاسم لو ونطق :  بيك وهلا  الحاج
علي ونطق : انت ولد عمران ياك انت من عائلة المنصوري
إلياس : ايه الحاج
علي : متشرفين ولدي نهار كبير هذا ملي جات عندي حفيدتي وانت اولدي وان شاء الله نبقاو ديما مجتمعين وخا مشا ولدي ومراتو خديجة الله يرحمهم ويوسع عليهم
جات نزهة ونطق علي كلامو موجه لنزهة : نزهة ابنتي تكلفي بصدقة نصدقو ونجددو رحمة على ولدي ومراتو الله يرحمهم،  فالعشاء نديرو صداقة
نزهة : ايه صافي ، اه بنتي إسراء اتبقاو معانا تالليل عاد غتمشو
إلياس : انا ماعندي مشكل ، ونتي إسراء
إسراء بتاسمات: ماشي مشكل اعمتي ونجمع معاكم
جوهرة : مزيانة
تاتم داخل معتصم سلم عليهم وطلع بيتو نيشان وتبعاتو جوهرة  من بعد مجلسات فوق نموسية ونطقات : خويا بلاتي دقيقة بغيت نهدر معاك
معتصم جلس حداها ونطق
معتصم : مالك اجوهرة واقعة شيحاجة
جوهرة : هو صراحة عرفتي علاش والدين إسراء مجاوش
معتصم : علاش ؟!
جوهرة دموعها طاحو من جديد وهو كتسأل مالها كتبكي ونطق : هدري اجوهرة معنديش وقت تابعاني خدمة لاش كتبكي
جوهرة شمرات نيفها ونطقات : خويا هوما ماتو الله يرحمهم
معتصم : كفاش دبا دبا خالي مغنشفوهش ياك
عنقاتو عندها جوهرة حيت هي لمعمرها شافتو بكات خلي معتصم لعاقل عليه فصغرو
تنطق معتصم  من بعد مفصل عناق وعينيه حمرين محبوس فيهم دموع ونطق : جوهرة خرجي عفاك بغيت نبقا بوحدي
جوهرة: وخا خويا
وخرجات من بيتو خلاتو فوق وهبطات عندهم تحت
اما تحت عندهم بداو كوجد الغداء وزينة مورالها طايح وكتصبر براسها بلي كلهم غيموتو وخا بغا تسالي وتمشي تبكي فبيتها
اما إسراء احاضيا الوضع وإلياس معنقها عندو
فالبيت الفوق غيثة كتمشي وكتجي بعصبية وكتصوني رانيا لمكتجاوبش