عشقك إدماني

Parte 77

هبط إلياس من اللوطو وتقدم عندها فتح لها باب وحيد لها سمطة ونطق
إلياس : هبطي يلاه هبطي مصيبة معاك صافي
إسراء : اصلا انا كنت هابطة انت مالك كتغوت عليك اشنو درتليك
إلياس : اه زعما معرفا شدايرا لي انا عارف راسي مزوج بحمقة وهبيلة
إسراء : ياه على بنادم
وتمت هابطا من اللوطو وسد الباب وتمات زايدا قدامو تنطقات
إسراء : ااه إلياس صراحة بغيت ندير بيرمي باش منبقاش نعذبك تجيبني وديني
إلياس : ان شاء الله غديريه، غير هو عذابك راحة وطلعو فسانسور توصلو إقامة ودخلو
إسراء : اوف ومليت اعباد الله هذي 8 ديال الليل وجايبني دار
إلياس : سيري بدلي حالتك راه كنسناك نهبطو ندورو ونتعشاو برا
إسراء بتاسمات ونطقات باللطف : شكرا احبيب قلبي
إلياس : يلاه سيري قبل مندير بناقص منها خرجت
مشات من حداه وهي كضحك
ولبسات عليها سروال دجين واسع مع قميجة بيضة وفوقها تجكيطة بالكحل وسبرديلة بيضاء وشعرها جمعاتو كوب شوفال وخلات قصيصة لوصلا عند وذنيها منسادلة على جبهتها في كلتا جانبين لعطا وجهها لمسة خاصة
وخرجات عندو وشافها قالها
إلياس : يلاه تحركنا
إسراء أمأت لو براسها وخرجو جابو دويرة ومشاو ريسطو خداو ليهم باش ايتعشاو تعشاو في جو مرح
رجعو دار مسخسخين حدهم بدلو لباسهم ونعسو
وجا صبح جديد
أصبحنا وأصبح الملك لله
إسراء نايضا بكري متحمسة للحنة صوفيا ونايضة بعجاجتها ناضت دوشات ولبسات بيجامة وشعرها جمعاه ففوطة ولبسات عبايتها صلاة صلاتها وحيدات عبايتها وكدور في البيت تشوف شنو خاص وطلعات ريدوات ديال شرجم لخلات إلياس اتعنكش فنعاسو وهي بقا كتقلب شنو تلبس وكتوجد
تنطق إلياس لصدعو تحركات ديالها مخلاتو تاينعس على خاطرو باقي تاكي فبلاصتو وحل عينو ومعنكش مع داك شعاع برزطو ونطق منزاعج
إلياس : سدي دوك ريدوات يلاه خلينا نعسو، نتي إلا نضتي خاصك تنوضي كلشي ولا شنو
دارت عندو إسراء ونطقات
إسراء : ونوض انت وليت نعاس صافي والوقت دبا يفوت
إلياس شاف ساعة رقها 6 ديال صباح تصدم وشاف فيها مصدوم ونطق : وش عرفا شكاتقولي ياكما جاك حمار الليل زيد تنعسي يلاه
إسراء : تاأشمن حمار الليل ولا حمار النهار راه خاصني نمشي عند صوفيا مع سابعة
إلياس : زيدي تنعسي وباز نتي بغا تصبحي عليهم على صبيح مصيبة صافي معاك
إسراء : نوض يلاه راه باقي شحال من حاجة نديروها
إلياس : هانا نايض معرفت شقالي راسي نتزوج كنت بيخير
إسراء : ياك المرضي ياك
إلياس ناض من فراشو وتقدم عندها ونطق : ولكن على قبلك ازين ديالي منقولوش بناقص جا زواج معاك بالحلاوة
إسراء كتشوف فيه ونطقات : صبغ فيا صبغ سير وكان دوش وحيد منك العكز
إلياس : وخا الالة هانا اندوش نتي وجدي اللباسي
إسراء : ههههه وخا سير
مشات وجداتلو قميجة بيضاء مع سروال دجين وبالطبع لباس داخلي مع مونطو بالأسود وحطاتو فوق سرير
اما هي بقات كتقاد شعرها كتبوكليه من تحت  وخلات وجهها طبيعي تال عند صوفيا وتقاد مكياج  ولبسات عليها  واحد قفيطين سامبل باللون عكري مع ميني طالون بالعكري وهزات صاك فنفس اللون دارت فيه شارجوك ومكياج وتلفونها  وهزات معاها واحد تكشيطة بالبيج مع ميني طالون بنفس اللون وصاك صغير كذالك وجمعاتهم وحطاتهم فالجنب واما هو خرج من دوش اللوي عليه فوطة ومشا دريسينغ بدل عليه لبس داكشي لوجداتلو وخرج عندها كقاد ساعتو وكرش عطرو ومشا فرش سجادة وصلا فجر وصبح و جلس فوق نموسية لبس سبرديلة كحلة وحاضيها بعينيها كفاش واقفة كتفكر كاع محسات بيه ملي جا حتى تقدم عندها وهي بقا واقفة كتشوف شنو خاصها شنو نسات جا عنقها من اللور وهي بقات مسمرة تنطق بصوت مبحوح على اثر نعاس : مال عمري فاش كفكر
إسراء : اه ا كنفكر شنو خاصني
دارت عندو رقاتو لبس
إسراء  جراتو من إيدو : صافي يلاه لا نتعطلوا عليهم
إلياس : منيتك امدام راه 7ديال صباح هادي شغنتعطلو عليهم
إسراء : وراه بافي خاصنا نمشو كوافورة ونقادو حالتنا وزيد تاني نمشوف ماما رحمة ياكما خاصها شيحاجة وزيد غيكون نشاط يعني هتشي راه بزااف
إلياس : اشوفي والله تكثري مكيتج منعقل عليك سمعتيني وداك شطيح معندي مندير بيه تبقاي تشطحي تم
إسراء : وصافي فهمنا مكياج مغنمثروهش ولكن شطيح غادي نشطح اصلا كيكونو فالحنة غار البنات تال غد ليه تم فين كتكون دنيا مخلطة
إلياس : الا كانو البنات صافي
إسراء : يلاه يلاه  خرجو من بيت نعاس وتوقفو فالمراح ونطق إلياس : زيد تفطري عاد نمشو
إسراء : اخليك انفطروا عندهم تم
إلياس : سمعي الهضرة الله يرضي عليك
دخلات كوزينة  بقات كتوجد  فطور وهو حاضيها بعينو ومشات قدات لو قهوة وهي كتافات بكأس حليب وجلسو كفطرو عاد ناض تعاون معاها جمعو ماعيين وحطاتهن فلاماشين اتغسلو وعاد خرجو من دار فتح اللوطو وطلعات وطلع هو موراه من بعد مسد عليها الباب وقدات سمطة ومشاو نيشان دار صوفيا توصلو تم ورقاو باب مفتوح وعائلة مدخلو وكتخرج  خرجات رحمة رقاتهم يلاه بلاصاو طموبيل وغيهبطو وتنطق إلياس إسراء : هذو مالهم نايضين بكري
إسراء : شتي شنو قتليك راه غيكون وعاو ونتا كتقوليا غنفيقهم ومنعرف اش
رحمة : مرحبا مرحبا دخلوا اوليداتي دخلو
إسراء سلمات عليها ونطقات : حمدالله اخالتي
وإلياس سلم عليها حتاهو دخلو رقاو عائلة كفطرو
مصطفى : زيدو تفطرو
إلياس : عاد فطرنا الله يخلف
بقا معاهم إلياس كجمع معاهم اما إسراء مشات دخلات بيت صوفيا رقاتها باقا سارحة العجول صوفيا هي ونعاس  والماكلة الحب لا يتفارقان
تنطقات إسراء : ياودي ياودي ونوضي تهزي اصوفي نوضي يلاه اداك عزري دوار
وصوفيا دارت ديك جيه مكاينا كاع فهاد علام
وهي تجي إسراء فتحات رواق وخلات شعاع اتضرب فوجهها وفتحات شراجم باش يدخل البرد باش اتنفس البيت وجات جرات عليها مانطة
صوفيا تعنكشات ونطقات: واه متخلو حاد ينعس على خاطرو بناقص
إسراء : نوضي يلاه نوضي
صوفيا ناضت جلسة وكتشوف فيها مخنزرة ومزال خاسرة بنعاس :شباغا عندي نتي
إسراء : ياودي ياودي يالعروسة العريس نهار اللول ارجعك دار باك شكون ايبقا اقادلو فطور مع صبيح وافيقوا من نعاس  عول عليك بكري من دبا بقا فيها داك راجل لبغا يتزوج
صوفيا : بعدي مني بحلا نتي مطفراه  ماشي هو لكقادلك فطور كنوضك دوك نصائح عطيهم راسك بناقص منهم صحابات بحالكم 
إسراء : سيري غسلي ديك كمارة يلاه
ناضت صوفيا وكتخنزر فإسراء وكذلك إسراء نفس شيئ مشات غسلات وجهها وقضات حاجتها توضات وجات البيت  وصلاة صلاتها و إسراء كتسناها تاسلات صلاتها وهي تمد ليها كادو لكان فبواطة وهي تنطق : هاكي اصوفيا والله يكمل عليك بالخير يارب
صوفيا : ولا إسراء اصحبتي مبيناتناش هكا
إسراء : شدس انا راه معندي مندير بداك صواب ديالك
وهي تشد من عندها صوفيا وفتحات رقات فيها مجوهرات لعبارة عن سلسلة مع خلاقات ديوالها وكوميط
بتاسمات لها صوفيا وجات عنقاتها بجهد تخنقاتها
إسراء :والحلوفة رانك خنقتيني تي بعدي
صوفيا بعدات وكضحك : هههه شكرا حمقوني بزااف وخا. مكانش عليك تصدعي راسك بحال هاكا حنا مبيناتناش
إسراء : بصحتك يله زيدو نخرجو باش تفطري
صوفيا : وخا
وخرجو عندهم بقاو حتاهما مجمعين معاهم ودخلات كذلك صوفيا تفطر معاهم، تاستأذن إلياس باش يمشي خدمتو وهي خرجات معاه تالبرا ونطق : ردي بال راسك هاوذني لكترتي مكياج سمعتي
إسراء : وصافي إلياسو مغنكثروش منخلوش راجلي العزيز اغضب
إلياس : كون مامزروب كون هربت بيك اعمري يلاه تهلاي وردي بال راسك 
إسراء : ههه سيري خدمتك الله يسرليك
إلياس : امين يارب  يلاه دخلي
يلاه بغات تدخل ترقات ريتاج حتاهي يلاه وقف بيها شيفور ولابسة عليها قفيطين سامبل بالموف مع طالون وشعرها خلاتو سامبل هابط ودارت مكياج خفيف جاي مع ملامحها  وهي تجي عندها إسراء من بعد متودعات مع إلياس لركب فالوطو وديمارا نيشان خدمتو  وهي تجي عندها
إسراء : هايهاي ابنت الحاج تيتيزة
وهبطات من طنوبيل وهزا فإيديها شاشية فيها لبستها لغتلبس وهازا كادو فإيديها لصوفيا  وزادت عندها
ريتاج : هههه حشمتيني الحمارة
إسراء : ههههه والحمارة لاش اصحبتي زيدي ندخلو
ريتاج : زيدي حتانتي عجباتني لبستك وجيتي تيتيزة خويا إلياس دا زين
إسراء : هههه ياك بعدا
ودخلو عندهم رقاوهم جالسين كفطرو سلمات عليهم ريتاج وجلسو معاهم تقالت صوفيا
صوفيا :  يلاه البنات اجو معايا البيت تشوفو معايا شنو نلبس
إسراء : وخا
ومشاو معاها البيت بقاو كعزلو معاها شنو تلبس