عشقك إدماني

parte 155

بعد مرور الايام بعد العرس نور
رجعو البنات روتينهم عادي من غير ريتاج ومعتصم اللقئاتهم متواصلة
وصل نهار لغتم فيه خطبة ريتاج ، هي لكانت واقفة فالبيت لابسة قفطان جوهرة سامبل وعصرية ومقادة مشيطة خفيفة وميكاب خفيف وجالسة كتفرك بإيديها بتوتر وبجنبها نور ورانيا لكانو تاهوما بقفاطن ، نور لرجعات من كندا باش تحضر لخطبة ختها كما وعدتها ومعاهم صوفيا لتاهي بقفطان بالعكري ومخاليا شعرها مطلوق وكذلك إسراء بقفطان سامبل بزرق ملكي ولمبينا فيها كريشتها لبدات كتكبر ونطقات نور ممازحا لختها : هايهاي على ختي ريتاج تاهي طيحات لينا معتصم وبغات تزوج كبرتي العفريتة هاا امتى كبرتي عاد كنت كنهزك فإيدي
ريتاج بتاسمات لها ونطقات : الله يخليك ليا اختي  وديما نشوفك فرحانة
نور : امين اختيتو تانتي الله يخليك ليا
رانيا واقفة وعينيها مفيكسيين على إسراء ومخنزرة فيها اما إسراء كتحاول تجاهل نظراتها ونطقات : اوا على سلامة ملي جا يخطبك
ريتاج : ويه هههه
فالتحت فورا موصلو سيارات معتصم وعائلتو اكيد زينة وغيثة وجوهرة وعلي  جدو وباه وهاب وصلو جوج سيارات مصاطفين قدام بوابة فيلا كتسناو حراس افتحولهم الباب باش يدخلو  سيارة لولا لكان سايقها وهاب وحداه علي واللور زينة
اما سيارة تانية سايقها معتصم وحداه غيثة واللور جوهرة ،،الداخل فورا معلمو بوصلهم خرجت إيمان وليلى وعماد وعمران ومروان وإلياس وعمر  وخادمات واقفين مستقبلينهم بحليب وتمر
دخلو لداخل وبلاصاو سيارات بجوج وسيارة اللولة نزل منها وهاب وعلي وزينة وهازين فايديهم هدايا وسيارة تانية نزل منها معتصم وخوتاتو تاهوما هازين هدايا وتمو ماشيين جهتهم
رحبو بيهم وهما كيرشوهم بمسك ويرحبو  بهم  وقايمين بصواب دخلو داخل الصالون جلسو مجتمعين فصالون لكانت طبلة مزينة بأشهى وارقى مأكولات وقايمين بالواجب تجاه خطبة ريتاج ومعتصم  وبقاو كجمعو ويهضرو صوت الضحك وجماعة مسموع
،الفوق كانت ريتاج واقفا كتمشي وتجي ونطقات نور : واختي نتي جلسي لارض امالكي على هاد الثوثر كامل
ريتاج نطقات متوترة : اوف البنات شداني الخلعة اناري
إسراء وصوفيا كشوفو وكضحكو وهوما كتفكرو ايامتهم وتجهات إسراء عندها ونطقات : متوتريش الحبيبة كلشي غيكون هو هداك غاتنفسي مزيان وفكري بالاجابية اي بنت كتمر  من هاد مرحلة الا وهي  كتحس بتوتر الخلعة ولكن الامر عادي والله يخليكم لبعضياتكم ياربي
ريتاج عنقاتها ونطقات من بعد مفصلات العناق : شكرا ليك اختي إسراء
صوفيا شافت فيهم وضحكات ونطقات : واه  راه غنبدا نغير اهياوين تعانقو بلا بيا
ربتاج : زيدي الهبيلة البقرة زيدي هههه
تجهات عندهم صوفيا نضمات لهم تاهي عناق ونور كتشوف فيهم وكتبتاسم ونطقات : حمقات صافي ههههه
اما رانيا غكتخنزر بوحدها هي تنطق بسخرية موجهة هضرتها إسراء : بقا نتي قد العناق ياحصرة غتولي ام وناقصاك حنان وبسيف ونتي معشتيش في وسط العائلة
طلعات فيها عينيها إسراء وهي تفصل عناق مع ريتاج ونطقات : معايا كتدوي ؟! 
رانيا : وي معامن غنهضر مثلا الى مهضرت مع جلاخة ولا متشردة ههههه
إسراء غمضات عينيها وحلاتهم بنفاذ صبر وهي كتحاول تحكم في غضبها وقربات منها ونطقات : سمعيني مزيان اديك معوقة الموليكة ديال 10 دريال راني شادة راسي بزز عليك راه مبغاش نسيفطك لسبيطار ونتي في عز شبابك مبغاش نخسر كمارة لعجباك لذلك فوتيني عليك ولا قسما بالله يانهارك ميطلع فيه الضوء سمعتي ولا لا 
صوفيا مربعة إيديها وكتخنزر فرانيا وريتاج اكتشوف جات بغات تنطق رانيا توقفات بيناتهم نور ونطقات : صافي البنات الله ينعل شيطان صافي عفاكم
رانيا مجوباتش وفتحات الباب وخرجات وتلاقات مع مها طالعة ونطقات رانيا : وش جاو
إيمان بتاسمات ونطقات : ايه جاو سيري عندهم عفا بنيتي انا غنمشي نعيط لبنات باش تاهوما يهبطو
رانيا حدها امألتلها براسها وهبطات خلات مها طالعة وصلات عند باب وفتحاتو ونطقات وهي مبتاسمة ابتسامة بشوشة : يلاه ابنياتي هبطو ضياف جاو ونتي ريتاج بقاي في بيتك تاتجيك ليلى صافي
ريتاج : وايلي اخالتي يخلوني بوحدي هنا
إيمان : اوا بنتي ابقاي بوحدك دروك تجيك ليلى صافي 
ريتاج حدها امألتلها وخرجو البنات من البيت هابطين مع إيمان وصلو عندهم سلمو على ضياف وجلسات زينة مجمعة مع إسراء
تنطقات زينة : اوا منشوفوش مرات ولدي مستقبلية
ليلى بتاسماتلها ونطقات : اييه دبا نعيطليها
وناضت وطلعات بيتها فتحات البيت رقاتها هي جالسة ونطقات : يلاه ابنتي ريتاج بغاو يشوفوك
ريتاج : وخا اماما
وداتها  ليلى معاها  وهي حشمانة وكتشوف غار فلارض وداخلة مع مها لصالون  وجهها لطاح عليه سر اما  معتصم بغا يوكلها بعينيه  وهي مقدراتش تاطلع راسها فيه وتشوفو حدها سلمات عليهم تاوصلات عند معتصم مدات لو إيديها وهي عينيهم مشادين تاإتجاه واحد  وغاكدورو بالحشمة وهو حاضيها حدو تبسم لخجلها وشد إيديها لمسهم  بقبضته وهوما دافيين وصغار تحت قبضتو  بقا شحال شاد فإيديها كتلمسهم وهي غكتشوف تحت وحاكماها رعدة وهي تسلت إيديها بشوية من تحت قبضتو و بتاسمات بخجل وهو حاضيها بعينيه تاتجهات باش تجلس تنطقات زينة وهي دايرة كف إيدها على بلاصة لحداها : اجي ابنتي اجلي جلسي حدايا ماشاءالله تبارك الله فنة مرات ولدي مستقبلية
بتاسمات لها ومشات جلسات حداها وحادرة راسها وكتلعب بإيديها تاتكسر صمت ونطق علي  بكل وقر : اوا سيدنا ندخلو فصلب موضوع
عماد : ايه مرحبا كلامك هو الكبير الحاج
علي تبسم ونطق : اوا سيادنا جينا طالبين راغبين فإيد بنتكم لولدنا ومغاديش نشكر حفيدي ولكن رانك كتعرفو اسي عماد وراه تعامل معك كشريك
عماد : اكيد معتصم إنسان معقول ومسؤول وانا محظوظ نتناسب مع عائلة بحالكم الناس الخير والجود والكرم
وهاب تحنحن ونطق : اوا اشقلتو اسيادنا ولدنا بغا بنتكم وقصد الحلال
عماد : انا من ناحيتي نشوفو رأي وشوار لبنتي ريتاج
، شاف ناحية ريتاج لبقا حشمانة وحنيكاتها مزنكين وكتشوف فلارض ونطق بكل نخوة : اش قلتي ابنتي
ريتاج نطقات بصوت خافت  حدو تسمع بينها وبين إسراء   : ااه بابا ماعندي منقول تاأنا بغاه
ضرباتها إسراء رجليها من تحت ونطقات بهمس : ونتي ترزني اويلي اميمتي
هو ينطق عماد : بنتي مسمعتك اش قلتي اش بالك بغيتيه ولا لا
ريتاج همسات للإسراء : نتي قولي بابا راه كنموت عليه مالو كسولني
إسراء همساتلها كذلك ونطقات :سكتي الله ينعل مايحشم
هو ينطق عمران لإنقاد موقف : ههه كنظن السكات علامة رضا  ،ياك ابنتي
ريتاج حدها امأتلو براسها ونطق علي : اوا سيادنا هزو إيديكم باش نقراو فاتحة
كلهم هزو إيديهم قراو سورة فاتحة ودعاو بتيسير
عاد جات خادمة هاز بلاطو ديال خواتم وتمر وحليب ونطقات ليلى: نوضي اريتاج اجي حدا معتصم
ومشات معاها وجلسات حدا معتصم تاتحط بلاطو لفيه  خواتم قدامهم وقالهم انوضو وناضو وعاد ليلى هزات خاتم عطات معتصم لبسولها فإيديها ونفس شيي ريتاج عطاتولها وهي تلبسو لو حتاهو شربها حليب وشرباتو الحليب ووكلها ثمر ووكلاتو ثمر  عاد جلسو وهو ينطق
عماد : سيرو ل صالون لاخور تفاهمو على شنو غيدار فالعرس  و شنو باغيين
ريتاج ناضت نطقات : وخا بابا
ومشات سابقاه وناض هو تبعها لصالون لاخور ووقفات ووقف قدامها  وهو يشد إيديها باسهم وهي مبتاسمة بخجل ونطق : قريب غتولي حلالي احبيبتي
هو يقرب منها طبع قبلة فوق جبهتها كدليل على تقدير لها  والاحترام وجرها من معصمها تلصقها مع صدرو وهي صدرها كطلع وكهبط بتوتر وحكم خصرها بيديه نطق وهو هايم فعينيها لكجذبوه وكحمقوه : جيتي كتحمقي احبيبتي نتي خاصني ندير لك الخمار باش ميشوف تواحد داكشي لكنشوفو فيك
ريتاج حدرات عينيها مقدرات تاتشوف فيه  وهو يهز ذقنها بصباعو تاتقابلو عينيها مع عينيه ونطق وهو مخمور فعينيها وفجمالها  : معمرك تهبطي هاد عوينات زوينين لكسطو واحد وهو يقبل عويناتها وهي كتحس بشفايفو سخان توضعو على عينيها تتبورشات ذاتها وهي بقا  تحت قبضتو عضات على شفايفها هو يوضع صبعو فوق شفايفها ونطق  بنبرة مخمورة : متعضيش عليهم قبل مانجعر عليك  نصدق داير شيحاجة نادم عليها
نطقات بصوت خافت : ااه وخا
وطلق منها وهو يجبد سلسلة من الالماس وسامبل فيها حجيرة فالوسط مزيانها اللؤلؤة وهو ينطق دوري دارت كما قالها وهو يركب ليها سلسة وهي عينيها لمعو ونطقات بفرحة : واو حمقتني ودارت عندو قبلاتو فالخد  وبعدات وهي حشمانة تاشويا جات جوهرة دقات بالهدوء وهو يجاوب معتصم بصوت عميق: نعام دخل
دخلات جوهرة بخطوات بطيئة ونطقات: تكلمو الحضور
معتصم : ااه وخا قوليلهم هانا دبا جاين
مشات جوهرة خلاتهم وهي تنطق ريتاج : ناري ݣاع.متافقنا شنو غنديرو ههههه
معتصم : اوا شتي لشافو هاد الزين كامل كتلف على القبلة
ريتاج : ااه
معتصم : وخا نتي قلتي العرس تاتكملي هاد العام دراسي ياك
ريتاج : ااه داكشي لقلت
معتصم : ااه اوا صافي يلاه نمشو راه كتسناو
ريتاج مشات قبل منو وتبعها هو تادخلو وجلسو فبلايصهم ونطق معتصم بداكشي لتافقو وتافقو عائلات بجوج شنو غيديرو
بقاو مجمعين تاتحط العشاء وتجمعو عليهم وتعشاو بجو مرح والجماعة وصوت قهقهات ضحك والهضرة هو لسائد المكان
عاد ودعوهم وكل مشا دارو بقاو غار إلياس وإسراء باقيين معاهم هو ينطق إلياس : اوا الواليدة  والواليد ورانيا مغتمشوش معانا ولا صافي انا ماشي ولدكم
إيمان : اويلي اولدي حشا تقول هكا راه غار مع خالتك وعارف غدا ان شاء الله نجوكم انا وعمران ورانيا
إسراء : مرحبا بيكم اخالتي تهاديك دار راه داركم مفتوحة لكم فأي وقت
رانيا : بالطبع راه دار خويا ودارنا كذلك
إسراء بتسماتلها ومهضراتش وهو ينطق إلياس : مرحبا بيكم انتسناوكم غدا
عمران : ان شاء الله اولدي
وتسالمو معاهم ومشاو تاهوما فيلا ديالهم