عشقك إدماني

parte 157

إسراء كتشوف فيها بالاستغراب ونطقات : حمدالله بيخير ونتي بيخير اللوستي العزيزة
رانيا بتاسمات لها ونطقات  : انا حمدالله داكشي لبغيت ليك احبيبة
إسراء بقات كتشوف مستغربة توصل وقيتة الغداء وجدو خادمات طبلة حطو الغداء عاد اجتمعو بقاو كتغداو بهدوء مرة مرة كجمعو عاد ناضو إلياس وعمران تاجهو لبيرو  ديال إلياس باش يهضرو على الخدمة اما إيمان وإسراء ورانيا جلسو فصالون بقاو مجمعات غير  إسراء وإيمان لكتعاودو ورانيا غاحاضياهم  تنطقات رانيا : عرفتي اختي إسراء واحد العشوب كعاودو عليه منعاودش ليك واه
إسراء عقدات حواجبها ونطقات بالاستفهام : شمن العشوب هادو ؟!
رانيا جبدات العشوب من ساكها لمعليهم تاسمية وحطاتها فوق طابلة ونطقات : عرفتي هاد العشوب صحبتي ملي كانت حاملة دومات عليهم ماشاء الله سهالات لها  ولادتها زيد شحال من فوائد ككونو  فيه و زيد ثاني مكتبقايش تحسي بالالم وبزااف من حاجات
ربعات إيديها إيمان ونطقات بالاستغراب : شكون هاد صحبتك لكانت حاملة انا لعرفا صحاباتك ݣاع ممزوجين ولا قولي الالة جايبينو  من حرام ابلاتي عليك ابنت كرشي وليتي ديري صاحبات لميسواو ميصلحو
رانيا ضحكات ونطقات : اويلي اماما عقلك مشا بعيد وهاذي راه  دنيا نسيتيها اماما صحبتي لمزوجة ومخلية بنت دبا نسيتيها اماما
ايمان بقات شحال كتفكر ونطقات بالنفي : لا معرفتهاش
رانيا : مهم ماعلينا اتكوني نسيتيها مع صحاباتي بزااف هههه
إسراء شافت فيها بالاهتمام ونطقات وهي الخوف باين من عينيها  : بصح هاد الاعشاب زوينين جنين ياكما غتوقع  لو لشيحاجة ياكما غنصدق فاقدا  ولدي
رانيا بقات دور فعينيها وهي تبتاسم ابتسامة صفراء وشافت فيها ونطقات : نوو اختي انا مغاديش نعطي شيحاجة ليك لغتأدي الجنين وش انا شريرة لهاد درجة لنسبب ضرر لولد خويا ومرات خويا
إسراء : اوا مانعرف
رانيا : هانا غنمشي نقاد ليك هاد العشوب راه قتليك جميع النساء حاملات شربوه كشكروه انا جبتوليك بيدي راه وخا كانت معاملتي سيئة معاك امرات خويا ولكن راه فغيمون راه وليتي عزيزة عليا خصوصا ملي حملتي بولد خويا وزيد الاعشاب زوينين مفيدين لصحة جنين يكون نمو ديالو طبيعي وملي غتولدي  ولد خويا غتولديه مقاد مع وزنو ماشي بحال الاغلبية كولدو ولد ولا بنت وكيبغو اديرو ليه الجلبة كرقاوه ماوزنش شتي الا بقيت كنقول انا هاد فوائد اتقولي غاأري نشربو
إيمان بتاسمات ونطقات : جيبيه ابنتي جيبيه ماشاء الله هاذو فوائد كاملين فيه
رانيا ناضت ونطقات وهي هزا عشوب فإيديها : ااه ماما
ومشات اتجاه الكوزينة رقات خادمة لنطقات بالاحترام : نعم مادموزيل وش محتاجة شيحاجة
رانيا شافت فيها بتعالي ونطقات بغرور  : ااه شوفي بغيتك تسخني لي الماء وديري فيهم هاد الاعشاب
خادمة شدات من عندها الاعشاب ونطقات : وخا مادموزيل 
وبقات هي واقفة كتشوف فخادمة كتقاد داكشي تاكملات وحطات كأس فسرباية ونطقات خادمة : هاهوما امادموزيل
رانيا شدات من عندها سرباية ومشات اتجاه لصالون وحطات سرباية فوق طابلة ونطقاات بإبتسامة : هاهو امدام إسراء بالصحة والهناء
وجلسات حداها بقات إسراء كتشوف فداك كأس ومترددة وش تهزو ولالا ، تهزاتو إيمان ومداتو للإسراء ونطقات :  هاكي ابنتي شربي راه قداتولك بنتي بيدها
شداتو من عندها إسراء ونطقات : شكرا ليكم
رانيا احاضية بعينيها امتا تشرب من كأس تنطقات إيمان : اوا شربي ابنتي رانك شتي تبارك الله فوائذ لقالت رانيا ، وحمدالله لتفاهمتو بقاو ديما هكا
رانيا  بقا مبتاسمة وشافت جهة إسراء ونطقات  : اكيد  اماما عاد عرفت إسراء بلي بنت ضريفة
إسراء بدلاتها ابتسامة وهي شدا كأس بيديها وقرباتو لشفايفها تشرباتو وجاها طعم مر وخايب وبعدات كأس من فمها وهي عاقدا غوباشتها ورانيا فهماتها ونطقات : اوه جاك مر احبيبة جميع ادوية لكيكونو فيهم فوائد ككونو مريين ياك اماما
إيمان : ااه اكيد هاهو سكر ابنتي ديريه باش يبطل مرورية لفيه
إسراء سرطات ريقها وهي قلبها مزموت عليها ونطقات  : ااه وخا اخالتي
وهي تهز حجيرة ديال سكر ودرتها فالكأس وهزات ملعقة وبقات كتحرك تداب سكر وهي تنطق رانيا وابتسامة شر كتنباعت منها : دبا اإسراء شربيه متوقفيش باش متحسيش بمذاق خايب وخا فيه سكر
حدها امأتلها براسها ودارت داكشي لقالت لها وحطات الكأس بعد مكملاتو  في سرباية
ونطقات إيمان : اوا رانيا ديك صحبتك دنيا كانت كتشرب هاد العشوب كل يوم
رانيا سرطات ريقها حاولات تحافظ على هدوءها ونطقات  وهي كتحاول ماتلعثم فالهدرة وتشوف شمن كذبة غاتقول ثاني  : يمكن تنسولها اماما ونرد عليكم حيث هي الادرى انا غاملي عرفات مرات خويا حاملة عطاتني هاد العشوب باش تشربهم هوما قلال اصلا نادرين هنايا
إيمان : اوا مزيان سوليها وردي علينا
بقاو مجمعين تحسات إسراء بواحد الوجع خفيف وشدات بطنها ومشا منها قالت يمكن غادوك وجيعات لكجوها مجلسات تادقيقة تحسات بضربة قوية عطاتها لبطنها تاصرخات بأعلى صوتها وناضت إيمان واقفة بالخلعة وخرج عندها إلياس وعمران مخلوعين اما رانيا كتشوف ومبتاسمة تدركات موقفها وهي تنوض كذالك وجمعات ابتسامة  ونطقات إيمان : اويلي مالكي ابنتي
إسراء شدا تحت بطنها وعضا على شفايفها بكل قوة بسبب داك الالم لكتقطع في بطنها مقدرات تنطق مجرد كتغوت لربي لخلقها : ايي ولدي ايي كنحس بيه هابط اييي ولدييي
تجا إلياس عندها كجري ونطق بخوف  : عمري مالكي اشواقع
رانيا كتشوف وبدأت كتوتر خايفة اكشفو امرها
إسراء بقا شاد تحت بطنها وكتغوت لدوك ضربات  لبحال الضوء والوجع لشدها
تنطق عمران : إلياس يلاه ديها دغيا ديها لكلينيك يلاه سربي
هزها فإيدو وهي حطات راسها على صدرو وغمضات عينيها داك جهد لعندها مشا  ونطق  وهو مخلوع عليها : بقاي معايا اعمري مديريش بحال هاكا بقاي حالا عينيك   وهي دم بدا كنزف منها ونطقات إيمان مخلوعة ودارت إيدها على فمها : اويلي اويلي سربي اولدي ديها قبل مايضيع جنين راها كتنزف
خرج هو هزها كجري بيها وتبعاتو إيمان وحطها اللور وركب قدام وركبات حداه إيمان ومشا مكسيري  نيشان لكلينيك ونطق بعصبية : شنو شربات إسراء دوي الواليدة هي عاد كانت بيخير 
إيمان : غاواحد العشوب اولدي
إلياس شاف فيها مخنزر وعروق إيديه بانو وهو ضاغط على ݣيدون ومعصب ونطق بعصبية : كفااش علاش تعطوها العشوب ولا الخرا وش نتوما مراض عارفين شكاديرو
إيمان صقلات وهو سكت بقا كستغفر الله توصلو الكلينيك وخرج بزربة من اللوطو وفتح الباب اللور وهزها  في يديه وهي تقريبا مغيبة دخل كمشي بزربة من بوابة تجاو ممرضين والاطباء  كتجراو بالبياص حطها فوق البياص ودخلو كجرو بيها  اتجاه البلوك هوما تابعينهم وكسولو ولكن مكيعطوهم تراس الخيط تادخلوها البلوك بقاو واقفين كتسناو جلسات إيمان فكرسي وبدات كتعيط لختها تعلمهم لجرا 
إلياس واقف كمسد جبهتو بالعصبية وهو يتاجه عند مو ملي سالات اتصال ونطق بهدوء مخيف : الواليدة شكون عطا العشوب للإسراء
ايمان نطقات  : رانيا لجابتهم قالت عطاتلهم لها صحبتها بلي فيهم فوائد الجنين اولدي
إلياس  نطق مغوت : كفاش رانيا لعطاتهم شكون هاد صحبتها تاني ابلاتي عليها هي بغا تقتلي ولدي هااا  يلاه بغات تنطق إيمان تلمحو عمران ورانيا جايبن من بعيد
وعمران تاجه جلس حدا إيمان و
إلياس  كمشي وكجي بعصبية فكولوار توقفات قدامو رانيا  ونطقات بصوت مغنن  وهي شدا فإيدو : والله اخويا مكنت عرفا دوك الاعشاب غاديرولها هكا والله تيقني اخويا
خنزر فيها ونتر إيدو من إيديها لكانت شدا فيها إيدو   ونطق بفحيح من غضب : فين كان عقلك ارانيا دوي فين كان عقلك ؟!,  وش بغا تقتلي ولدي ولا شنو ؟!, مراتي داخل وانا معارف تاشنو واقع ليهم وش ولدي غيعيش ولا لا  وش مريضة فعقلك هاا
رانيا بقات كتسيل دموع  وكتبكي قدامو ونطقات بصوت غالب عليه البكاء : خويا والله اخويا مكيسحابلي بلي عندو ضرر الجنين عفااك مديرش فيا هكا اخويا  انا والله معمبالي غيوقع هكا كن كنت عرفا ݣاع منعرض لحياتهم خطر
إلياس باقي مخنزر فيها ونطق مغوت عليها  : دوري تقو* من قدامي يلاه منشوف خليقتك قدامي ولا بربي منعقل على طاسيلتك سمعتي

إيمان قربات منهم  ونطقات : الله يرضي عليك اولدي راه رانيا مغديرش هكا  صافي متصرف معاها هكا ولدي الله يرضي عليك 

رانيا  : ااه اخويا عفاك سمحليا راه قالولي مزيان لجنين وانا جبتو إسراء وش انا خايبة لهاد درجة نوي نقتل ولد خويا متشوف فيا هكا
قرب من بخطوات وشدها من ذراعها ومخنزر فيها ونطق بتهديد  : عرفتي وتوقع شيحاجة لولدي ولا لمراتي يا بربي منعقل على خليقتك مراتي وولدي خط احمر  سمعتي ولا لا
هي لتصدمات من كلامو وكتحلف فخاطرها على إسراء وبعدات ايدو من  ذراعها ونطقات  بهدوء وهي كتمسح فدموعها : معندهم ميوقع ليهم بلا ماتخاف
ومشات خارجة من مستشفى وهو بقا واقف كشوف وغاكسوط بغضب وتوتر خايف على ولدو ومراتو لفداخل معالم بيهم غالله
هي لتجهات خارجة من مستشفى وايديها جبدو تيلي لكان فجيبها باش تاصل بغيثة تعاودلها  شنو لوقع تلمحات  ليلى وصوفيا وعمر وريتاج ونور وعماد جايين داخلين  وتخبات عليهم شويا باش ماتبان مافيها لتجاوب على اسئلتهم  اما نور قشعتها بقات واقفة فبرا  كتسناها تخرج   وتادخلو عائلتها كاملين للكلينيك عاد هي تمات خارجا غاشافت نور ووقفات تجات عندها نور  وقفات قدامها وهي مربعة إيديها وباينة فيها لاعصاب ونطقات بحدة : وش نتي لهاد درجة مافقلبك رحمة تأدي جنين باقي تاماحل عينيه لدنيا دوي هاا  انا راه مابقيتش كنعرفك ارانيا  مابقيتش كنعرفك علاش درتي هكا
رانيا بان خوف في عينيها وسرطات ريقها  وحاولات ماتبين خوفها وتوترها  وتقمص شخصيتها لواتقة ونطقات : مافهمتكش انور شنو كتقصدي بكلامك وانا مفهمت شنو درت انا لتبقاي تقوليلي هكا
نور جراتها من ذراعها واحد البلاصة لمخبية ونطقات مغوتة عليها : كفاش معرفتيش هاا علاش درتي هكا دوي ياك قتلك بعدي منهم ولا   مقلتهاش هاا و بيا وبلا بيك ياتغنشوهك وتفضحي قدام خوك ومك وباك الا مسميتيش نور ياقتلك بعدي منها هاا
سرطات ريقها ونطقات متوترة : نور نور كفااش غتفضحيني وتشوهيني مافهمتك انا  مدرت تاحاجة لغتفضحيني عليها  ماعندك تادليل ضدي غار كضحكي ياك انا مدرت والو انا مدرت والو سمعتي انا مدرت والو
نور : كفااش مدرتي والو دوك العشوب لجبتيهم من عند هاداك خونا وعمبالك ناعسة على وذنيا هاا
رانيا بدات كترجع شعرها باللور بعصبية وهي الخوف بدا كسيطر عليها وتوتر ونطقات مغوتة : انااااا مدرت وااالو سمعتيي ماااعندك الحق تقولي هااكا انا مااااادرت وااالو سمعتي ماادرت واالو وبدات كتنتف شعرها وتغوت ربي لخلقها لداز كشوف فيهم
نور تجهات عندها وشداتها من ذراعها ونطقات بصوت تخويفي : سكتي براكا من شوهة قبل منشوهك ديال بصح ديكساعا شوفي  وش عائلتك غاتشوف فوجهك مرة اخرى وخوك بظبط وش باقي ايقول عندي ختي رانيا
رانيا ناضت وقفات وهي كتحاول تاهدأ نفسها وبقات كتقلب فساكها ترقات دواء لغيهدءها ودارت حبة ففمها وتبعاتها الماء ونور كتشوف فيها بهدوء خلاتها تاتهدنات ورجعات طبيعتها ونطقات رانيا  بهدوء عكس الانهيار لكان فيها قبيلا : شنو دليل لعندك امدام نور وبغا سيادتك تشوهيني قدام خويا وعائلتي