عشقك إدماني

Parte 24

صوفيا : عفاك اصحبتي راه فيا جوع
إسراء : اويلي احاي نتي عاد قبيلا كلتي وش كتوحمي انا مفخباري
صوفيا : شغندير راه كنبغي ماكلة
إسراء : مشكلة لشافك اقول هادي عندها قياسها فماكلة
صوفيا : ونتي مالكي حسدني
بقاو وقفين على واحد طابلة كشوفو اجراء مكان
صوفيا : اوف مليت كون غيديرو لنا شعبي نشطحو بعدا  اشهاد اغنية حامضة
إسراء : ياكما اسحاب راسك عايدا فدرب
جات عندكم ريتاج
ريتاج : سمحولي البنات خليتكم بوحدكم. غير بابا مخلا ضيف معرفني عليهم
إسراء : ههههه حالتك صعيبة خاصك تسلمي على كلشي
ريتاج : ويه
اجو معايا كنظن شدكم ملل
صوفيا :ويه راه ملينا وحنا معندناش مع هاد الاجواء
ريتاج : اوا شغندير ماما وختي هوما لدارو هتشي وهوما لعرضو على ضيوف
إسراء : اه هكاك
طلعتهم البيت دخلو بيتها لكان فيه نموسية كبيرة وحداها كوافوز فيه لفوقو ماكياج وشي كريماتومن جانب كاين حمام
إسراء : واو اصحبتي بيتك كبير كبر من دارنا واو حمقني
صوفيا : واو صراحة عجبني بزااف
ريتاج : هههن اجو معايا نوريكم فين  كنحفظ
إسراء : وخا
دخلو واحد البيت فيه مكتبة عبارة عن كتب واسطو بيرو فين كتراجع فيه
صوفيا : واو صراحة عجبني
دقات خادمة عليهم بيت
ريتاج : دخل
خادمة : انسة  تكلمي الالة ليلى وسي عماد كسولو عليك تحت
ريتاج : وخا قوليهم هانا دبا نازلة
إسراء : عرفتي اريتاج هتشي عندك واو بحال الاميرات
صوفيا : واو تمتيت نعيش بحال هاكا
ريتاج : هههه غتعيشوه ان شاء الله الا قريتو وحققتو مستقبلكم
ريتاج : يلاه البنات انا غنزل تحت
إسراء : وخا حتا حنا انخرجو  من بيت
سبقتهم ريتاج تحت اما هوما تبعوها نازلين  من دروج
صوفيا : اجي اصوفيا نمشو تم حدا اللابسين كلشي مجتمع تم
إسراء : وخا يلاه
بقاو ماشيين
هي تنطق إسراء
إسراء : صوفيا سبقيني انا نسيت ساكي فبيت ريتاج
صوفيا : وخا هانا سبقاك
مشات إسراء طلعت فدروج وهي تدخل بيت ريتاج ورقات ساكها محطوط فوق كوافوز وخداتو
وخرجات من بيت يلاه سداتو وهي تسمع شي صوت رجولي قالها
إلياس : نتي شنو كنتي كديري فبيت ريتاج
هي دور إسراء وشافت فيه
إسراء : انا دخلت حيت نسيت ساكي
إلياس : اه اممم
إسراء : الا كنت ممتيق هاك فتشني  راه مشفرت والو
إلياس : وخا اري ساكك بمأنك نتي جيتي مرة حبس ومعندك والديك فأكيد غتمشي تولي شفارة باش تجيبي متوكلي ولا لا
إسراء : حدك تم انا مربيا ومغاديش نخيب ظن والديا ونخرج نشفر. ماشي حيت جيت مرة كوميسارية فأنا ممزياناش
إلياس : شنو كفسر  كلامك
طلعات ريتاج فوق
ريتاج : شنو واقع هنا
إلياس : شفتها خارجة من بيتك وكلت يمكن هزات شيحاجة
إسراء : تاشفتك لبقتي لي تهمة ولا شنو راه مشفرت والو دخلت حيت نسيت ساكي وهزيتو
ريتاج : خويا إلياس. انا عارفة صحبتي مغتشفرنيش
إلياس : وباش كتفسري هتشي
طلعات صوفيا حيت إسراء تعطلت عليها
صوفيا : إسراء فينك
شفتهم مجتمعين
صوفيا : اسراء وريتاج شنو واقع
ريتاج : غير سوء تفاهم وقع بين ولد خالتي وإسراء
إسراء : انا مغنتحرك من هنا حتى يعتاذر. ياك قلبت ساكي ومرقيت فيه والو هي غادي تعتاذر
إلياس :وعلاش غادي نعتاذر
إسراء : شنو كفاش نتا متهمني بلي انا شفرت وكتقول لاش اعتذار
إلياس : اوك كنعتاذر (وقالها ببرود)
وتم نزل مع دروج وهو معصب حيت عتاذر
عمر: مالك إلياس مخنزر
إلياس : والو اعمر والو
جات عندو نور
نور :إلياس شنو واقع علاش مقلق
إلياس : نور لعدي ملشي وقتو هذا
اما عند إسراء نزلت معصبة كفاش اتهمها بشفرة غير حيت ماتو والديها ولا ضارب ومشات كوميسارية فهي ولات شفارة مرصاتش
إسراء : ريتاج يلاه بسلامة انا غنمشي دارت. وشارت صوفيا بلي غيمشو
ريتاج : تهدني اصحبتي راه عارفا إلياس مقصدش هكا
إسراء : شوفي بلا ماتبقاي تكولي على ولد خالتك مقصد ومنعرف شنو
صوفيا : تهدني اإسراء
إسراء : صوفيا وش كتقوليلي نتهدن وهو غير شافني قالي شفرتي
صوفيا : ريتاج خاصنا نمشو حيت إسراء  مكاين  لهدنها دبا صافي هي تعصبت