عشقك إدماني

parte 135

نهار جديد
اصبحنا واصبح الملك لله
كما العادة فاق إلياس بكري دخل دوش وخرج من دوش لاوي عليه فوطة على خصرو وفوطة صغيرة كنشف بيها شعرو تاجه لدرسينغ ختار منو قميجة بلومارين مع سروال كحل وفيستة كحلة عاد لبسهم ونشف شعرو صلى صلاتو عاد تاجه جلس حداها وإيدو كدوز على شعرها ونطق بصوت خافت : يلاه عمري فيقي راه عندك قراية
بقا شحال كفيقها تفاقت ومزال أثار نعاس ونطقات بصوت مبحوح : صباح الخير
إلياس بتاسم لها وعنكش شعرها ونطق : صباح الخير الكسولة يلاه فيقي باش نفطرو على برا
إسراء ناضت جالسة ونطقات متحمسة : حلف بصح غنفطرو على برا
إلياس : الا بغيتي هانا انتسناك تحت
إسراء : وخا احبي ازين ديالي 
إلياس ضحك على هبالها وتم هابط
وهي جمعات وقفة مشات دوش دوشات بالخف وخرجات لاوية عليها فوطة وشعرها فازك كتنقط بالماء تجهات دريسينغ ختارت منهم دوبياس فالكحل وسروال فالݣري مع تريكو صوف فالبيض وتجاكيطا كحلة عاد لبساتهم بالخف ولبسات عباية صلات بيها صلاتها عاد حيداتها  وتجهات عند كوافوز بقات كتنشف شعرها تنشفاتو وسرحاتو خلاتو مطلوق كتفات فقط بليكخون ومرطب شفاه وهزات ساكها فيه كتوبها  عاد هبطات تحت ونطق هو كتفحصها بعينيه : يلاه
عنقها بجنبو كما العاد خرجو من فيلا وركبو فاللوطو نيشان وجهة يفطرو خصوصا كانت إطلالة على البحر
إسراء كتفحص بعينيها مكان ونطقات : واو عجبتني هاد بلاصة زوينة
إلياس حدو بتاسم وكشوف فعينيها هايم فتفاصيلهم تنطق : عينيك حاديين كحمقوني كثر كلشي فيك زوين ابنت الناس كتحمقيني
إسراء هبطات عينيها بخجل ونطق ضاحك : هههه حشمتي لا لا متهبطيهم شوفي فيا
نطقات إسراء من بعد طلعات عينيها فيه : ولا إلياس صافي خليني عليك  متحشمنيش
إلياس بقا كشوف فيها رشقالو ونطق : شنو مشهية اعمري شنو مشهي ولدي ولا بنتي
إسراء نطقات متحمسة : مشهية كريب بشكلاط ياك وديك حلوة ديال شكلاط  وعصير الليمون ياك وديك كرواصة ياك ومهم اي حاجة فيها حلاوة بغيتها
إلياس نطق : ياهاد المرأة وش مك باغي يركب فيك سكر ولا شنو ابراكا من حلويات
إسراء هزات كتافها بطريقة طفولية ونطقات : ولدك لتشهى شغنديرلو انا والا مجبت هدشي لبغيت غيخرج هدشي فولدك
إلياس : الله اودي نجيبو لك لبغيتي
إسراء بتاسمات وبقات كتسنى احضر هدشي لبغات تبعد دقائق تحطات قدامهم  الاطباق لبغاتهم إسراء وإلياس كتفى فقط بقهوة كحلة وحاضيها هي لكتاكول بشهوة وجلخات كامل كمارتها بشكلاط وكتلحس بلسانها ونطق : اييه وقفي هدشي لكديري لانصدق متكيك هنا وش انتي شويا لباس
إسراء نطقات : علاش شنو درت انا
إلياس ناض وجلس حداها فكرسي وجبد كلينيكس كمسحلها فمها وحنوكها من شكلاط ونطق : انا لدرت نتي مدرتي والو اشهاد الحالة لكتاكلي فيها
إسراء بقات كتشوف فيه
مسحلها حالتها ونوضها جهة فين تغسل إيديها وجهها
ترجع معاها وخلص عاد خرجو وركبو فاللوطو ودمارا نيشان الجامعة وهي تنطق : صراحة واو عجبتني ماكلتهم  وعجبتني هاد بلاصة بقا ديني ليها
إلياس ونطق هو حاضي طريق : وانا معجبتكش
إسراء ضحكات ونطقات : وايلي انت كتسول هاد سؤال انت رانك الحب انا راه كنموت فيك انت راه كنبغيك انا انا عندي هاد زين كامل ومنبغيه خسارة
إلياس نطق : وعلى سلامة ملي سمعنا منك شحفتينا مابغيتي تنطقيها تقلنا بناقص 
إسراء ضحكات وبقات حاضية طريق
بعد مسافة طريق توصلها بقا كوصيها عاد هبطات رقات ديجا البنات وصلو قبل منها وتودعات مع إلياس ومشات جيهتهم : هاي البنات كيف حالكم لقد اشتقت لكم
صوفيا  نطقات وهي ضاحكة : انا بعد لم اشتاق إليك أبدا
إسراء : ياك الحلوفة ياك وانتي ياريتاج هل إشتقتي لي ام انتي مثل هذه المخلوقة غريبة الاطوار
ريتاج ضحكات ونطقات : لا ياأختي لقد كنت معك الامس فلما سأشتاق لكي
إسراء : الحلوفات انا ايضا لم اشتاق لكم
صوفيا : تاكيباليا نتوما جوجات رشقالكم اليوم اشكاين
إسراء دارت عند ريتاج ونطقات : ااه حتا هادي رشقالها ياك كانت معصبة البارح
ريتاج : ومالي ياختي مترشقليش
صوفيا : هههه هدرو وكان
إسراء: انا حبيب قلبي وزوجي وقرة عيني دورني ياختي وشراليا لبغيت زائد البارح دوزت الليلة زوينة حلوة
صوفيا : هههه الله يمسخك ونتي هاديك البهلة اشنو خلاك رشقالك
ريتاج عضات على شفايفها ونطقات : هدرت مع معتصم البارح
صوفيا : وايلي
إسراء : اشقالك لخلاك فرحانة
تمات جايا جوهرة وكما العادة معاها معتصم ونطقات : مرحبا يافتايات
إسراء : مرحبا يأأختي
اما عند ريتاج كتشوف جهة معتصم تاشاف جيهتها وبتاسم لها وهي بدلاتو ابتسامة ونطق : ريتاج بيخير
ريتاج : حمدالله وانت
معتصم : بالطبع حمدالله على لسمع صوتك  البارح مغيوليش بيخير
ريتاج تزنكات ونطقات : يلاه ندخلو البنات راه تفتح الباب يلاه سربو
اما عند بنات مصدومين تبدات كتجرهم ومعتصم مبغاش يحرجها هو يودعهم ومشا وهوما بقاو ماشيين دخلين وريتاج سابقاهم مافيها ماتسمع من أسئلتهم تشداتها صوفيا وعنقاتها  وجات حداها إسراء كذالك عنقاتها  متبتينها وحداهم جوهرة ونطقات
إسراء : هدري احنينتي هدري
صوفيا : هدري يلاه اتبقاي تشوفي فينا
جوهرة : واه تقدم ملحوظ وهدري ياختي هدري نعرفو شنو تحت راس خويا شنو تحت راسك
ريتاج كتسرط فريقها وكتشوف نظراتهم : البنات اطلقو مني رانكم شوهتوني  خلوني نمشي تانسالو حصة ونعاودلكم
صوفيا : ولا مغنصبرش هدري يلاه
ريتاج : ولا تنخرجو من حصة ونعاودلكم والا مغنعاودش ليكم يلاه
إسراء: وخااا
دخلو البنات حصصهم قراو غير 3 سوايع ديال حصة حيث بروف خرجهم بكري  خرجو من جامعة واقفين  تنطقات
جوهرة  متحمسة :  ابون دبا مزيان عندنا ساعة ديال هدرة
ريتاج : ههههه اناري معاكم وحلة مكتعرفوش الخصوصية وعدم افشاء السر
إسراء : لا اختشي حنا مكنعرفوش خصوصية تبرݣيݣ في دم
صوفيا : هههه وقوليهالها
شافت جهة واحد كرسي فيه ظل ونطقات :  زيدو نجلسو هنايا راه كاينة ظليلة تم
جوهرة : يلاه
ومشاو جهة كرسي جلسات ريتاج فالوسط وحداها إسراء وإسراء حداها جوهرة ومن لهيه حدا ريتاج صوفيا ونطقات
صوفيا : ويلاه هدري اشهاد تقدم لطرا
ريتاج : واه مكتفكوش نتوما مكتعرفو لحشمان والو
إسراء: غتهدري ولا نصمكك متعصبيني
ريتاج : وخا مهم البارح معتصم سيفط ليا مساج قاليا سلام عليكم مهم انا خليتو vu
جوهرة نطقات مصدومة : اهيا ناري وشنو قالك خويا هههههه
ريتاج : مهم صونا عليا جوبتو وقتلو انا زعما مكنعرفكش وتعصب وقاليا اشهاد تبرهيش ومهم نختاصر لكم
صوفيا : ايه كملي
ريتاج : اوا صافي وانا معجبنيش الحال قتلو اخر مرة تصوني عليا اهو يقوليا البنات واو انا بغيتو البنات هذا زوجي مستقبلي معتصم
إسراء : اشقالك
ريتاج نطقات وعينيها كلمعو  : مهم قاليا بلي انا حتليت تفكيرو وبلي انا عجبتو
جوهرة تصدمات ونطقات حاطا ايدها على فمها : وات خويا قال هدشي وصدق رومانسي خويا وانا داير عليا سيطرة والاحكام وملي جيت نهدر معاه قالي ديها فقرايتك 
صوفيا : وناري اجوهرة ضحكتيني ههههههه
جوهرة : واه انا مصدومة ، ونتوما دبا عايشين الحب ورومانسية ياك وانا معمر كلمة زوينة سمعتها من براني هههههه انبقا بايرة البنات 
إسراء : لا لا انا مكنخليش صحباتي بايرين صافي غنجوزك ولد خالتي كاين جوج ولاد خالتي ونتي تخيري بيناتهم
جوهرة : مزيان غير هو وش تيتيز
إسراء : تيتيزين ياختي
صوفيا نطقات  : هههههه نتي اصكعة بغا تزوجي كلشي كوني  نتي داك العدول لكزوج الناس وهاهي خدمة مزيانة وفيها صرف صحيح لاقي الناس وزوجيهم
إسراء : مزيانة الفكرة انقتارحها على إلياس باش يقولي ابنت الناس هاكي حوايجك ودرݣي عليا زلافتك
جوهرة : وناري مت هههههه
ريتاج بقات كتشوف بيناتهم ونطقات : اهياويين وش نكمل لكم ولا بلاش
صوفيا : شكون قالك حبسي ،هدري ياصحبتي هدري
ريتاج : مهم انا قطعت حيث كنت غنتفرش
جوهرة : اناري خويا ايكون تعصب
ريتاج : ااه تعصب وقاليا علاش قطعتي وكذا ومهم قتلو قطعت بالغلط وعاد قاليا سيري تنعسي
إسراء : وهياناري وجرا عليك اصحيبتي
ريتاج : وانا نقولو وخاا وقتلو راه انا الا كنت غتفلى عليا اعطيني تساع ومغندخلش معك علاقة غير شرعية ليمغتساليش بزواج
صوفيا : هايهاي على ريتاج هاهي ولات بعقلها وجاتو نيشان
ريتاج : مهم قالي بلي عندو علاقة وحدة هي علاقة زواج وانا درت راسي غبية بلي مفهمتش كعني
جوهرة : ونتي اخويا راه قالك بغا يتزوج بيك هاي مرات خويا شوفي خويا غاديه وباش تأنا نقلب على فارس أحلامي اما الا بقيت تحت سيطرتو عمري غنتزوج
إسراء نطقات: بالعكس اجوهرة الخوت زوينين حمدي الله على خوك كخاف عليك وعلى ختك انا راه وحيدة ماعندي كاع خوت امنيتي كون كانو عندي
ريتاج : ااه بصح
صوفيا زمات شفايفها ونطقات : ويه حتا انا باغي يكون عندي خويا
جوهرة : بصح انا راه كنبغيه غار كنت ضاحكة صافي عفاكم
ريتاج : مهم نكمل ليكم اوا جات ختي رقاتني كنقز فوق نموسية كالهبيلة بالفرحة
إسراء : ياك كنقوليك نتي فرشة كلشي غيجيب خبارك مكتعارفيش تفرحي بالسر